Political Movies: న్యూస్ ఛానల్స్లోనే కాదు సిల్వర్ స్క్రీన్ మీద కూడా పొలిటికల్ హీట్ గట్టిగానే..
ఈ మధ్య న్యూస్ ఛానల్స్లోనే కాదు సిల్వర్ స్క్రీన్ మీద కూడా పొలిటికల్ హీట్ కాస్త గట్టిగా కనిపిస్తోంది. ముఖ్యంగా నేషనల్ లెవల్లో ఎలక్షన్ ట్రెండ్స్ మొదలు కావటంతో పొలిటికల్ మూవీస్ థియేటర్లకు క్యూ కడుతున్నాయి. వసూళ్ల పరంగా ఈ సినిమాల మీద భారీ అంచనాలు లేకపోయినా... పొలిటికల్ సర్కిల్స్లో మాత్రం మూవీస్ రచ్చ చేస్తున్నాయి. యాత్ర 2తో వెండితెర మీద పొలిటికల్ ట్రెండ్కు స్వాగతం పలికారు మహి వీ రాఘవ.
ఈ మధ్య న్యూస్ ఛానల్స్లోనే కాదు సిల్వర్ స్క్రీన్ మీద కూడా పొలిటికల్ హీట్ కాస్త గట్టిగా కనిపిస్తోంది. ముఖ్యంగా నేషనల్ లెవల్లో ఎలక్షన్ ట్రెండ్స్ మొదలు కావటంతో పొలిటికల్ మూవీస్ థియేటర్లకు క్యూ కడుతున్నాయి. వసూళ్ల పరంగా ఈ సినిమాల మీద భారీ అంచనాలు లేకపోయినా... పొలిటికల్ సర్కిల్స్లో మాత్రం మూవీస్ రచ్చ చేస్తున్నాయి.
యాత్ర 2తో వెండితెర మీద పొలిటికల్ ట్రెండ్కు స్వాగతం పలికారు మహి వీ రాఘవ. ఈ ట్రెండ్ను కంటిన్యూ చేసేందుకు ఇప్పుడు వరుస సినిమాలు రెడీ అవుతున్నాయి. ముఖ్యంగా రానున్న మూడు వారాల్లో ఇలాంటి సినిమాల జోరు కాస్త ఎక్కువగా కనిపిస్తోంది. రీసెంట్గా రిలీజ్ అయిన రజకార్ ట్రైలర్ కూడా పొలిటికల్ హీట్ను డబుల్ చేస్తోంది.
ఎన్నో వివాదాలు, అడ్డంకులు దాటుకొని ఫైనల్గా రిలీజ్కు రెడీ అవుతోంది రామ్ గోపాల్ వర్మ వ్యూహం. వర్మ ఇంటెన్షన్ ఏదైనా.. ఈ సినిమాను ఆపేందుకు ఏకంగా ఓ రాజకీయ పార్టీ ప్రయత్నించిందన్న న్యూస్ వైరల్ కావటంతో వ్యూహం మీద భారీ హైప్ క్రియేట్ అయ్యింది.
వ్యూహం రిలీజ్ ఆలస్యం కావటంతో ఆ సినిమాకు సీక్వెల్గా ప్లాన్ చేసిన శపథం కూడా రిలీజ్కు రెడీ అయిపోయింది. దీంతో వారం గ్యాప్లోనే ఈ రెండు సినిమాలను ప్రేక్షకుల ముందుకు తీసుకువచ్చేలా ప్లాన్ చేస్తున్నారు రామ్ గోపాల్ వర్మ. రిలీజ్కు ముందే పొలిటికల్ సర్కిల్స్లో రచ్చ చేసిన వర్మ సినిమాలు, ఆఫ్టర్ రిలీజ్ ఇంకెన్ని వివాదాలు క్రియేట్ చేస్తాయో చూడాలి.
రాష్ట్ర రాజకీయాల్లో హాట్ టాపిక్గా మారిన మరో మూవీ రాజధాని ఫైల్స్. వర్మ వ్యూహానికి కౌంటర్గా వస్తున్న ఈ సినిమా కూడా పొలిటికల్ హీట్ పెంచేస్తోంది. పెద్దగా స్టార్ వాల్యూ లేకపోయినా... ఈ సినిమా నేపథ్యమే ఆడియన్స్ను థియేటర్లకు తీసుకు వస్తుందని నమ్ముతున్నారు మేకర్స్.
స్టేట్ లెవల్లోనే కాదు నేషనల్ లెవల్లోనూ పొలిటికల్ సినిమాల హడావిడి కనిపిస్తోంది. ది కశ్మీర్ ఫైల్స్, ది కేరళ స్టోరీ లాంటి సినిమాల వెనుక కూడా పొలిటికల్ ఇంటెన్షన్ ఉన్నాయన్న విమర్శలు వినిపించాయి. కంగనా స్వయంగా నటిస్తూ దర్శకత్వం వహించిన ఎమర్జెన్సీ కూడా పొలిటికల్ సర్కిల్స్లో హాట్ టాపిక్ అవుతోంది.