Tamil Directors: క్రేజ్‌ను కాష్ చేసుకుంటున్న తమిళ్ కెప్టెన్స్.. నిర్మాతలుగా సత్తా..
ప్రజెంట్ కోలీవుడ్ దర్శకుల పేర్లు పాన్ ఇండియా రేంజ్‌లో ట్రెండ్ అవుతున్నాయి. ఈ క్రేజ్‌ను క్యాష్ చేసుకోవటంలో కూడా ముందే ఉన్నారు ఈ నయా సెన్సేషన్స్‌. దీపం ఉండగానే ఇళ్లు చక్కబెట్టుకోవాలి అన్నట్టు, ఫామ్‌లో ఉండగానే నాలుగు రాళ్లు వెనకేసుకునేందుకు కష్టపడుతున్నారు. షార్ట్ టైమ్‌లోనే సెన్సేషన్‌గా మారిన కోలీవుడ్ దర్శకుడు లోకేష్‌ కనగరాజ్‌. జవాన్ సినిమాతో బాలీవుడ్ బాక్సాఫీస్‌ను కూడా షేక్ చేసిన అట్లీ. జైలర్‌ ఫేం నెల్సన్ దిలీప్‌ కుమార్. ఈ యంగ్ జనరేషన్‌కు ఇన్‌స్పిరేషన్‌గా నిలుస్తున్నారు గ్రేట్‌ డైరెక్టర్ శంకర్‌.
ప్రజెంట్ కోలీవుడ్ దర్శకుల పేర్లు పాన్ ఇండియా రేంజ్‌లో ట్రెండ్ అవుతున్నాయి. ఈ క్రేజ్‌ను క్యాష్ చేసుకోవటంలో కూడా ముందే ఉన్నారు ఈ నయా సెన్సేషన్స్‌. దీపం ఉండగానే ఇళ్లు చక్కబెట్టుకోవాలి అన్నట్టు, ఫామ్‌లో ఉండగానే నాలుగు రాళ్లు వెనకేసుకునేందుకు కష్టపడుతున్నారు.
షార్ట్ టైమ్‌లోనే సెన్సేషన్‌గా మారిన కోలీవుడ్ దర్శకుడు లోకేష్‌ కనగరాజ్‌ నిర్మాతగా మారారు. విక్రమ్‌, లియో సినిమాల సక్సెస్‌ తరువాత నేషనల్ లెవల్‌లో వచ్చిన గుర్తింపును క్యాష్ చేసుకుంటూ జీ క్వాడ్‌ పేరుతో బ్యానర్‌ను లాంచ్ చేశారు. ఈ బ్యానర్‌లో తన అసిస్టెంట్స్‌ను దర్శకులుగా పరిచయం చేయాలని ఫిక్స్ అయ్యారు.
జవాన్ సినిమాతో బాలీవుడ్ బాక్సాఫీస్‌ను కూడా షేక్ చేసిన అట్లీ, నిర్మాతగానూ బిజీ అవుతున్నారు. గతంలో తమిళ సినిమాలు మాత్రమే నిర్మించిన అట్లీ ఇప్పుడు ఓ బాలీవుడ్ మూవీని ప్రొడ్యూస్ చేస్తున్నారు. మరో యంగ్ డైరెక్టర్ విఘ్నేష్‌ శివన్‌.. దర్శకుడిగా కన్నా, నిర్మాతగానే ఎక్కువ బిజీగా ఉన్నారు.
జైలర్‌ ఫేం నెల్సన్ దిలీప్‌ కుమార్ నిర్మాతగా మారబోతున్నట్టుగా ప్రకటించారు. రజనీ సినిమాతో నేషనల్ సెన్సేషన్‌గా మారిన నెల్సన్, తన టేస్ట్‌కు తగ్గ సినిమాలను స్వయంగా నిర్మించేందుకు ప్లాన్ చేసుకుంటున్నారు.
ఈ యంగ్ జనరేషన్‌కు ఇన్‌స్పిరేషన్‌గా నిలుస్తున్నారు గ్రేట్‌ డైరెక్టర్ శంకర్‌. దర్శకుడిగా భారీ చిత్రాలను రూపొందిస్తూనే, నిర్మాతగా యంగ్ టాలెంట్‌ను ఎంకరేజ్‌ చేస్తున్నారు శంకర్‌. ఇతర దర్శకులతో సినిమాలు నిర్మించకపోయినా... తాను డైరెక్ట్ చేసే సినిమాలను స్వయంగా నిర్మిస్తున్నారు లెజెండరీ డైరెక్టర్ మణిరత్నం.