Cinema : ఇంట్లో అతీంద్రియ శక్తులు.. వణుకుపుట్టించే సీన్స్.. హారర్ ప్రియులకు సైతం భయం పుట్టించే సినిమా మావ ఇది..
రెండు గంటల కంటే తక్కువ నిడివి గల ఈ చిత్రం ప్రేక్షకులను సీటు అంచున కూర్చోబెడుతుంది. భయానకమైన క్లైమాక్స్ సన్నివేశం హారర్ అభిమానులకు కనువిందు చేస్తుంది. ప్రస్తుతం ఈ సినిమా ఓటీటీలో ట్రెండ్ అవుతుంది. ముఖ్యంగా సస్పెన్స్, థ్రిల్లర్, హారర్ చిత్రాలను ఇష్టపడేవారికి ఇది సరైన ఎంపిక. ప్రతి క్షణం వణుకుపుట్టించే ట్విస్టులు.. భయాన్ని కలిగించే సన్నివేశాలతో ఈ మూవీ సాగుతుంది. ఇప్పుడు అందరూ ఈ మూవీ గురించి మాట్లాడుకుంటున్నారు.
ప్రస్తుతం ఓటీటీలో చాలా సినిమాలు అందుబాటులో ఉన్నాయి. అయితే, ఏ సినిమా చూడాలనే దానిపై ప్రేక్షకులలో గందరగోళం నెలకొని ఉంది. ఆ కోణంలో చూస్తే, ఇది హారర్-థ్రిల్లర్ అభిమానులకు సరిపోయే సినిమా. సినిమా మొదటి నుంచి భయానకంగా ఉంటుంది. రెండు గంటల కంటే తక్కువ నిడివి ఉన్న ఈ చిత్రం, తగినన్ని భయానక దృశ్యాలతో మిమ్మల్ని సీటు అంచున కూర్చోబెడుతుంది. ఈ మూవీ పేరు 'భూతకాలం'. రాహుల్ సదాశివం దర్శకత్వంలో, షేన్ నిగమ్ , రేవతి ప్రధాన పాత్రలలో నటించిన ఒక మలయాళ చిత్రం. ఇది 2022లో విడుదలైంది. ఈ చిత్రం సోనీ లివ్ ఓటీటీలో అందుబాటులో ఉంది.
ఇది ఒక సాధారణ ఆన్లైన్ కథ అయినప్పటికీ, దర్శకుడు దీనిని ఒక స్క్రీన్ప్లేగా మలిచారు. కథ విషయానికి వస్తే.. అది ఒక తల్లి, కొడుకు, అమ్మమ్మ నివసించే ఇల్లు. ఆ తల్లి కొడుకులు అనారోగ్యంతో ఉన్న తమ అమ్మమ్మను జాగ్రత్తగా చూసుకుంటారు. అకస్మాత్తుగా ఒక రోజు, ఆ అమ్మమ్మ చనిపోతుంది. ఆ తర్వాత, ఆ ఇంట్లో అతీంద్రియ సంఘటనలు జరుగుతున్నాయని వారు గ్రహిస్తారు. వరుస సంఘటనలతో బెదిరింపులకు గురైన షేన్ నిగమ్ మరియు రేవతి, చివరికి ఆ ఇంటి నుండి తప్పించుకున్నారా లేదా? అసలు ఏం జరిగింది? అనేది ఈ సినిమా మిగతా కథ.
'భూతకాలం' హారర్ సినిమా ప్రియుల కోసం రూపొందించిన చిత్రం. మధ్యలో కొన్ని చోట్ల సినిమా నెమ్మదిగా సాగుతున్నట్లు అనిపించినా, భయానక సన్నివేశాలను చిత్రీకరించిన విధానం ప్రత్యేకంగా ఉంటుంది. సుదీర్ఘమైన ఫ్లాష్బ్యాక్లు గానీ, ఒక క్రమ పద్ధతిలో సాగే కథనం గానీ లేకుండా, రాహుల్ సదాశివం ఒక ఇంట్లో జరిగే అతీంద్రియ సంఘటనలను చాలా భయానకంగా చిత్రీకరించారు. ఈ చిత్రంలో రేవతి , షేన్ నికమ్ల నటన గురించి ప్రత్యేకంగా చెప్పక్కర్లేదు. కథ ఎక్కువగా వీరిద్దరి చుట్టూనే తిరుగుతుంది. భయానక సన్నివేశాలలో గోపీ సుందర్ అందించిన నేపథ్య సంగీతం ఆ భయాన్ని మరింత పెంచుతుంది.
ముఖ్యంగా సినిమా క్లైమాక్స్ సన్నివేశంలో గుండె వేగాన్ని ఆపుకోలేం. సినిమా ముగిసిన తర్వాత ప్రేక్షకులలో ఒకరకమైన ప్రశాంతత ఆవహిస్తుంది. ఈ చిత్రం కొన్ని చోట్ల తడబడినప్పటికీ, వారాంతాల్లో కుటుంబంతో కలిసి చూడటానికి అనువైన హారర్ సినిమా 'భూతకాలం'. ఈ చిత్రం సోనీ లివ్ ఓటీటీలో అందుబాటులో ఉంది. ఒక డిప్రెషన్ పేషెంట్గా రేవతి పడ్డ బాధ, ఇంట్లో ఏదో ఉందని భయపడుతూ.. ఎవరూ నమ్మకపోవడంతో ఒంటరి అయిపోయే యువకుడిగా షేన్ నిగమ్ చూపించిన హావభావాలు అద్భుతం. ఈ చిత్రానికి గాను రేవతి ఉత్తమ నటిగా 'కేరళ స్టేట్ ఫిల్మ్ అవార్డ్' కూడా అందుకున్నారు.
సినిమా అంతా ఒక చిన్న మూడు గదుల ఇంట్లోనే సాగుతుంది. డైరెక్టర్ రాహుల్ సదాశివన్ ఆ ఇరుకైన ఇల్లాన్నే ఒక భయానక పాత్రలా మార్చేశారు. లైటింగ్, కెమెరా యాంగిల్స్ సినిమా మూడ్ను పీక్స్కు తీసుకెళ్తాయి. ఈ సినిమాకు అతిపెద్ద ప్లస్ పాయింట్ సౌండ్ ఎఫెక్ట్స్. రాత్రి వేళల్లో వచ్చే శబ్దాలు, తలుపుల చప్పుడు, గాలి శబ్దం వంటివి చూసే ప్రేక్షకుడికి సీట్ ఎడ్జ్ ఎక్స్పీరియన్స్ను ఇస్తాయి. సినిమా క్లైమాక్స్ ఇరవై నిమిషాలు మాత్రం గుండె ఆగినంత పని అవుతుంది. హారర్ సినిమాలను ఇష్టపడే వారికి ఇదొక పర్ఫెక్ట్ ట్రీట్.