Rajinikanth: యంగ్ హీరోలకే అందని దూకుడు.. దూసుకుపోతున్న సూపర్ స్టార్
సూపర్ స్టార్ రజనీకాంత్ సూపర్ ఫామ్‌లో ఉన్నారు. యంగ్ హీరోలు కూడా అసూయ పడేలా జెట్‌ స్పీడుతో సినిమాలు చేసేస్తున్నారు. జైలర్ సక్సెస్‌ తరువాత మరింత స్పీడుగా సినిమాలు లైన్‌లో పెట్టేస్తున్నారు తలైవా. తాజాగా రజనీతో మూవీ ప్లాన్ చేస్తున్న దర్శకుల లిస్ట్‌ భారీగా పెరిగిపోతోంది. జైలర్ సక్సెస్‌ తరువాత సూపర్ స్టార్ రజనీకాంత్‌లో కొత్త జోష్ కనిపిస్తోంది. సెట్స్ మీద ఒక సినిమా ఉండగానే మరో రెండు మూడు సినిమాలు లైన్‌లో పెట్టేస్తున్నారు తలైవా.
ఒకటి రెండు కాదు.. దాదాపు పదేళ్ళ తర్వాత జైలర్ సినిమాతో నిఖార్సైన బ్లాక్‌బస్టర్ కొట్టారు రజినీకాంత్. తెలుగు, తమిళం అని తేడా లేకుండా అన్నిచోట్లా రప్ఫాడించింది ఈ చిత్రం.
కూలీ సినిమాలో మిస్టర్ పర్ఫెక్షనిస్ట్ ఆమిర్‌ ఖాన్‌ గెస్ట్ రోల్ చేయబోతున్నారన్నది సౌత్‌, నార్త్ సర్కిల్స్‌లో ట్రెండింగ్ టాపిక్‌. త్వరలో స్టార్ట్ అవ్వబోయే జైపూర్ షెడ్యూల్‌లోనే ఈ కాంబోకు సంబంధించిన సీన్స్‌ షూట్ చేయబోతున్నారట.
జైలర్ సినిమాలో కన్నడ, మలయాళ స్టార్స్‌ను గెస్ట్ రోల్స్‌ కోసం సెలెక్ట్ చేసుకున్న రజనీ, సీక్వెల్‌లో బాలీవుడ్ స్టార్‌ను కూడా రంగంలోకి దించబోతున్నారు. ఆ గెస్ట్ ఎవరన్నది కన్ఫార్మ్ కాకపోయినా.. రజనీ సెంటిమెంట్‌ను కంటిన్యూ చేయటం మాత్రం పక్కా అంటున్నారు ఇండస్ట్రీ జనాలు.
కూలీ షూటింగ్ కూడా పూర్తి కాకముందే మరో మూవీని పట్టాలెక్కించారు. ఆల్రెడీ జైలర్ 2కు సంబంధించిన న్యూస్ వైరల్ కోలీవుడ్ సర్కిల్స్‌లో ట్రెండ్ అవుతోంది. కథ లాక్ చేసిన దర్శకుడు నెల్సన్, ప్రీ ప్రొడక్షన్ వర్క్ కూడా స్టార్ట్ చేశారు. పార్ట్ 1ను మరిపించేలా జైలర్ 2ను మరింత గ్రాండ్‌గా ప్లాన్ చేస్తున్నారు మేకర్స్‌.
బ్లాక్ బస్టర్‌ జైలర్‌లో బాలీవుడ్ టచ్‌ మిస్ అయినా.. లేటెస్ట్ మూవీ వేట్టయన్‌లో బిగ్‌ బీ అమితాబ్ బచ్చన్‌నే రంగంలోకి దించారు. ప్రజెంట్ సెట్స్ మీద ఉన్న కూలీ సినిమాలోనూ ఓ బాలీవుడ్ సూపర్ స్టార్ కనిపించబోతున్నారన్న న్యూస్ చాలా రోజులుగా వైరల్ అవుతోంది.