Bhagavanth Kesari: స్పెషల్ సర్‌ప్రైజ్ ఇవ్వనున్న అనిల్ రావిపూడి.. మళ్ళీ ఫ్యాన్స్ మొదలవునున్న సందడి
బాలయ్య రాజకీయాల కారణంగా భగవంత్ కేసరి వాయిదా పడుతుందేమో..? అనుకున్న టైమ్‌కు వస్తుందో రాదో అనే కంగారు అభిమానుల్లో కనిపిస్తున్న వేళ అదిరిపోయే తీపి కబురు చెప్పారు అనిల్ రావిపూడి. అంతా నిమజ్జనం హడావిడిలో ఉంటే.. చడీ చప్పుడు లేకుండా ఖతర్నాక్ వీడియో విడుదల చేసారు ఈ దర్శకుడు. మరి అందులో ఏముంది.. ఇంతకీ భగవంత్ కేసరి ఆన్ టైమ్ వస్తున్నాడా..? బాలయ్య కెరీర్ ప్రస్తుతం ఆల్ టైమ్ హైలో ఉంది. 40 ఏళ్లలో ఆయన చూడని రికార్డులన్నీ నాలుగేళ్లుగా చూస్తున్నారు. అఖండ తర్వాత ఈయన జాతకమే మారిపోయింది.
బాలయ్య రాజకీయాల కారణంగా భగవంత్ కేసరి వాయిదా పడుతుందేమో..? అనుకున్న టైమ్‌కు వస్తుందో రాదో అనే కంగారు అభిమానుల్లో కనిపిస్తున్న వేళ అదిరిపోయే తీపి కబురు చెప్పారు అనిల్ రావిపూడి. అంతా నిమజ్జనం హడావిడిలో ఉంటే.. చడీ చప్పుడు లేకుండా ఖతర్నాక్ వీడియో విడుదల చేసారు ఈ దర్శకుడు. మరి అందులో ఏముంది.. ఇంతకీ భగవంత్ కేసరి ఆన్ టైమ్ వస్తున్నాడా..?
బాలయ్య కెరీర్ ప్రస్తుతం ఆల్ టైమ్ హైలో ఉంది. 40 ఏళ్లలో ఆయన చూడని రికార్డులన్నీ నాలుగేళ్లుగా చూస్తున్నారు. అఖండ తర్వాత ఈయన జాతకమే మారిపోయింది. అప్పట్నుంచి ఈయన సినిమాలు 100 కోట్ల మార్క్ అందుకుంటున్నాయి. తాజాగా భగవంత్ కేసరిపై అంచనాలు అయితే మామూలుగా లేవు.. పైగా అనిల్ రావిపూడి దర్శకుడు కావడంతో మరింత పెరిగాయి.
ఈ చిత్ర షూటింగ్ పూర్తయింది. ఇదే విషయాన్ని అధికారికంగా వీడియో రూపంలో విడుదల చేసారు దర్శకుడు అనిల్ రావిపూడి. అంతేకాదు నిమిషం నిడివి గల వీడియోలో సినిమా మేకింగ్‌కు సంబంధించిన చాలా విషయాలు చెప్పారు. 24 లొకేషన్స్‌లో 8 నెలల పాటు ఈ సినిమా షూటింగ్ జరిగింది. అంతేకాదు ఈ చిత్రం కోసం 12 భారీ సెట్లు వేసినట్లు మేకింగ్ వీడియోలో రివీల్ చేసారు.
ఏపీలో నెలకొన్న రాజకీయ పరిస్థితుల దృష్ట్యా సినిమా షూటింగ్ అనుకున్న టైమ్‌కు పూర్తవుతుందా లేదా అని కంగారు పడుతున్న సమయంలో.. ఫినిష్డ్ అంటూ చెప్పుకొచ్చారు అనిల్ రావిపూడి. చెప్పినట్లుగానే అక్టోబర్ 19న విడుదల కానుంది భగవంత్ కేసరి. ఈ చిత్రంలో మునుపెన్నడూ చూడని బాలయ్యను చూడబోతున్నట్లు ఊరిస్తున్నారు అనిల్. టీజర్‌లోనే అది అర్థమైపోయింది కూడా.
శ్రీలీల ఇందులో బాలయ్య కూతురుగా నటిస్తుండగా.. కాజల్ హీరోయిన్‌గా కనిపిస్తున్నారు. బాలీవుడ్ నటుడు అర్జున్ రాంపాల్ విలన్. బాలయ్య కెరీర్‌లోనే బిగ్గెస్ట్ బిజినెస్ చేస్తున్న సినిమా భగవంత్ కేసరి. బాలయ్య రీసెంట్ ట్రాక్ రికార్డ్‌తో ఈ చిత్ర ప్రీ రిలీజ్ బిజినెస్ ఆకాశానికి చేరిపోయింది. ఇది హిట్టైతే.. 30 ఏళ్ళ తర్వాత హ్యాట్రిక్ అందుకుంటారు బాలయ్య. చూడాలిక.. ఏం జరగబోతుందో..?