సీనియర్ హీరోలు.. యంగ్‌ డైరెక్టర్లు.. ఇప్పుడిదే ట్రెండ్‌
మిక్స్ అండ్‌ మ్యాచ్‌... ఈ మాట కేవలం కాస్ట్యూమ్స్ కే పరిమితం అనుకుంటే పొరపాటే. సిల్వర్‌ స్క్రీన్‌కి కూడా ఇప్పుడు బాగా మ్యాచ్‌ అవుతోంది. సీనియర్ హీరోలు.. కుర్ర దర్శకులతో వెండితెర రంగులు పండిస్తోంది. ఇంతకీ ఇప్పుడు సెట్స్ మీదున్న ఇలాంటి కాంబోలేంటి? కమాన్‌ లెట్స్ వాచ్‌...
ఆ మధ్య కమల్‌హాసన్‌తో విక్రమ్‌ తీసి సక్సెస్‌ చేసి చూపించిన లోకేష్‌ కనగరాజ్‌, ఇప్పుడు సూపర్‌స్టార్‌ రజనీకాంత్‌తో జబర్దస్త్ గా కూలీ చేస్తున్నారు. ఈ సినిమా మీద తలైవర్‌ ఫ్యాన్స్ కి అంచనాలు మామూలుగా లేవు.
కోలీవుడ్‌లోనే కాదు.. మన దగ్గర కూడా సీనియర్ హీరోలు, యంగ్‌ డైరక్టర్స్ కెప్టెన్సీని యాక్సెప్ట్ చేస్తున్నారు. మెగాస్టార్‌ చిరంజీవి హీరోగా వశిష్ట విశ్వంభర చేస్తున్నారు. ప్రస్తుతం జపాన్‌లో షూటింగ్‌ జరుపుకుంటోంది విశ్వంభర.
బాబీ డైరక్షన్‌లో డాకు మహరాజ్‌ చేస్తున్నారు నందమూరి అందగాడు బాలకృష్ణ. సంక్రాంతి కానుకగా విడుదలకు సిద్ధమవుతోంది డాకు మహరాజ్‌. బాలయ్య లుక్స్ కి ఫిదా అవుతున్నారు ఫ్యాన్స్. ఈ సారి పండక్కి ట్రీట్‌ మామూలుగా ఉందడని ఫిక్సయిపోయారు.
అటు సంక్రాంతికి వస్తున్నాం అంటూ బాలయ్యతో పోటీకి దిగుతున్నారు విక్టరీ వెంకటేష్‌. ఆల్రెడీ ఎఫ్‌2, ఎఫ్‌3లాంటి బ్లాక్‌ బస్టర్‌ హిట్స్ ఇచ్చిన అనిల్‌ రావిపూడితో ట్రావెల్‌ చేస్తున్నారు వెంకీ. విక్టరీ హీరోకి, అనిల్‌ రాసిన కామెడీ పండగ కళను పోగేస్తుందంటున్నారు మేకర్స్.
సీనియర్ హీరోలు ముగ్గురూ ఓ రూట్లో వెళ్తుంటే, నేను మాత్రం ఇంకో రూట్లో ఎందుకు వెళ్తానంటున్నారు అక్కినేని నాగార్జున. శేఖర్‌ కమ్ముల దర్శకత్వంలో కుబేరలో నటిస్తున్నారు నాగ్‌. అటు లోకేష్‌ కనగరాజ్‌ కూలీలోనూ కీ రోల్‌ చేస్తున్నారు మన కింగ్‌. సో, సీనియర్ హీరోలు.. యంగ్‌ కెప్టెన్లు కలిసి చేస్తున్న మేజిక్‌ ఎలా ఉంటుందోననే ఇంట్రస్ట్ మాత్రం బాగా కనిపిస్తోంది ట్రేడ్‌ వర్గాల్లో.