Mrunal Thakur : హీరోయిన్ అని తెలిసి వదిలేశాడు.. బ్రేకప్ గురించి బయటపెట్టిన మృణాల్ ఠాకూర్..
గత కొన్ని రోజులుగా సోషల్ మీడియాలో మృణాల్ ఠాకూర్ పేరు మారుమోగుతున్న సంగతి తెలిసిందే. ప్రస్తుతం హిందీలో వరుస సినిమాలు చేస్తూ బిజీగా ఉన్న ఈ ముద్దుగుమ్మ త్వరలోనే పెళ్లి పీటలెక్కబోతున్నట్లు టాక్ వినిపిస్తుంది. ఈ క్రమంలో తన లవ్, బ్రేకప్ విషయాన్ని బయటపెట్టింది.
మృణాల్ ఠాకూర్ గురించి ప్రత్యేకంగా చెప్పక్కర్లేదు. సీతారామం సినిమాతో తెలుగు తెరకు పరిచయమైంది. తొలి చిత్రంతోనే నటిగా ప్రశంసలు అందుకున్న ఈ ముద్దుగుమ్మ.. ఆ తర్వాత హాయ్ నాన్న మూవీతో మరో హిట్టు అందుకుంది.
ఆ తర్వాత ఈ బ్యూటీకి అవకాశాలు తగ్గిపోయాయి. ప్రస్తుతం అడివి శేష్ జోడిగా డెకాయిట్ చిత్రంలో నటిస్తుంది. ఇదిలా ఉంటే.. కొన్ని రోజులుగా మృణాల్ పెళ్లి గురించి రూమర్స్ వినిపిస్తున్నాయి. కోలీవుడ్ హీరో ధనుష్ తో ఈ అమ్మడు ప్రేమలో ఉందని సమాచారం.
ఈ నెలలోనే వీరిద్దరు పెళ్లి చేసుకోబోతున్నారని ప్రచారం జరుగుతుంది. అయితే ఈ రూమర్స్ పై ఇద్దరూ అధికారికంగా ప్రకటించకపోయినప్పటికీ.. నెట్టింట పెళ్లి వార్తలు మాత్రం ఆగడం లేదు. తాజాగా మృణాల్ బ్రేకప్ పై చేసిన కామెంట్స్ వైరలవుతున్నాయి.
గతంలో ఓ పాడ్ కాస్ట్ లో పాల్గొన్న మృణాల్ మాట్లాడుతూ.. ఒక వ్యక్తిని ప్రేమించాను. కానీ నేను హీరోయిన్ అని తెలిసి అతను వదిలేశాడు. నువ్వు హీరోయిన్.. నేను నిన్ను అలా చూడలేను అని చెప్పి నన్ను వదిలేశాడు అని చెప్పుకొచ్చింది.
ఆ బ్రేకప్ తనకు మంచి చేసిందని.. లేదంటే భవిష్యత్తులో మరిన్ని సమస్యలు ఎదురయ్యేవని తెలిపింది. ప్రస్తుతం మృణాల్ చేసిన కామెంట్స్ సోషల్ మీడియాలో వైరలవుతున్నాయి. ఇప్పుడిప్పుడే హిందీలో వరుస అవకాశాలు అందుకుంటూ బిజీగా ఉంటుంది మృణాల్.