Mohanlal: సినిమా హిస్టరీలో తొలిసారి.. రేర్ రికార్డ్ సెట్ చేసిన మోహన్లాల్
మాలీవుడ్ స్టార్ హీరో మోహన్లాల్ రేర్ రికార్డ్ సెట్ చేశారు. ఇన్నాళ్లు మలయాళ పరిశ్రమ అంటే చిన్న ఇండస్ట్రీ అన్న పేరుండేది. కానీ ఇప్పుడు ఆ రూల్ను బ్రేక్ చేసిన పాన్ ఇండియా ట్రెండ్లో నిలబెట్టారు మోహన్లాల్. ఈ జర్నీలో మరో రేర్ రికార్డ్ సెట్ చేశారు ఈ సూపర్ స్టార్. మాలీవుడ్ సినిమా రేంజ్ను ఒక్కో మెట్టు ఎక్కిస్తున్నారు సూపర్ స్టార్ మోహన్ లాల్.
మాలీవుడ్ సినిమా రేంజ్ను ఒక్కో మెట్టు ఎక్కిస్తున్నారు సూపర్ స్టార్ మోహన్ లాల్. మలయాళ సినిమాకు తొలి 50 కోట్ల సినిమా అందించిన ఘన మోహన్లాల్ దే. దృశ్యం సినిమాతో బిగ్గెస్ట్ హిట్ అందుకున్న సూపర్ స్టార్, ఆ సినిమాతో కేరళ ఇండస్ట్రీకి 50 కోట్ల మార్క్ను పరిచయం చేశారు.
ఆ తరువాత పులిమురుగన్తో 100 కోట్ల వసూళ్లు సాధించిన తొలి మలయాళ హీరోగా మరో రికార్డ్ సాధించారు. యాక్షన్ థ్రిల్లర్గా తెరకెక్కిన పులిమురుగన్, మలయాళంతో పాటు తెలుగులోనూ ఘన విజయం సాధించింది.
రీసెంట్గా ఎల్ 2 ఎంపురాన్ సినిమాతో మాలీవుడ్కు 300 కోట్ల మార్క్ను పరిచయం చేశారు లాలెటన్. లూసీఫర్కు సీక్వెల్గా తెరకెక్కిన ఎల్ 2 ఎంపురాన్ పాన్ ఇండియా బ్లాక్ బస్టర్గా నిలిచింది. ఈ సినిమాతో మాలీవుడ్ రేంజ్ను మరింత పెంచారు లాల్ సాబ్.
ఎల్ 2 ఎంపురాన్ రిలీజ్ అయిన నెల లోపే మరో రేర్ రికార్డ్ సెట్ చేశారు మోహన్లాల్. రీసెంట్గా తుడరుమ్ సినిమాతో ప్రేక్షకుల ముందుకు వచ్చిన ఈ సీనియర్ హీరో, మరోసారి 100 కోట్ల మార్క్ను టచ్ చేశారు.
ఇండియాలో ఇలా నెల రోజుల గ్యాప్లో రెండు వంద కోట్ల సినిమాలు ఇచ్చిన వన్ అండ్ ఓన్లీ హీరోగా రేర్ రికార్డ్ సెట్ చేశారు. దీంతో ఈ సక్సెస్ను మాలీవుడ్ ఆడియన్స్ గ్రాండ్గా సెలబ్రేట్ చేసుకుంటున్నారు.