గుబురు గడ్డం, పెద్ద మీసం, తలనిండా జుట్టూ లేకపోతే ఇప్పుడు హీరోలు ట్రెండ్లో లేనట్టే. ఈ విషయాన్ని బాగానే అర్థం చేసుకున్నట్టున్నారు సాయిధరమ్తేజ్. గతంలో తనకు కలిసొచ్చిన విషయాన్నే మళ్లీ రిపీట్ చేయడానికి ఫిక్సయ్యారు.
నయా సినిమా కోసం ఆయన మేకోవర్ అవుతున్న తీరు గురించి మాట్లాడుకుంటున్నారు జనాలు. సాయిధరమ్ తేజ్ అలియాస్ సాయిదుర్గాతేజ్ కెరీర్లో ది బెస్ట్ సాంగ్స్ గురించి మాట్లాడుకోవాల్సినప్పుడు తప్పక వినిపించే పాట ఇది.
ఈ పాటలో కాస్త గుబురు గడ్డంతో కనిపించారు తేజ్. ఇప్పుడు ఇదే సెంటిమెంట్ని రిపీట్ చేయాలని ఫిక్సయ్యారు. నెక్స్ట్ ఆయన చేస్తున్న సినిమా బడ్జెట్ దాదాపు 100 కోట్లు అని ఇండస్ట్రీ టాక్.
మరి నిర్మాతలు అంత పెడుతున్నప్పుడు తనవంతుగా మేకోవర్ కావాలని ఫిక్సయ్యారు ఈ హీరో. గట్టిగా గమనిస్తే కెరీర్లో పర్ఫెక్ట్ హిట్లు అందుకుంటూ ముందుకు సాగుతున్నారు సాయిదుర్గాతేజ్.
యాక్సిడెంట్ తర్వాత ఆయన సెలక్ట్ చేసుకునే కథల గురించి కూడా జనాలు బాగానే మాట్లాడుకుంటున్నారు. కథల మధ్య గ్యాప్ ఉన్నా సరే, తన కెరీర్ని పది అడుగులు ముందుకు దూకించే కథలకే గ్రీన్ సిగ్నల్ ఇస్తున్నారన్న టాక్ బాగా వినిపిస్తోంది.
బ్రో సినిమాలో మేనమామ పవన్ కల్యాణ్తో కలిసి మెప్పించిన సాయిదుర్గా తేజ్, నెక్స్ట్ పీరియాడిక్ డ్రామాలో నటిస్తున్నారు. ఇప్పుడు ట్రెండ్ అంతా పీరియాడిక్ సినిమాల చుట్టూనే తిరుగుతోంది. అందుకే తాను కూడా ఆ ట్రెండ్లో ఉండాలని ఫిక్సయ్యారు సాయిదుర్గాతేజ్.
సినిమా సినిమాకీ మధ్య కాస్త గ్యాప్ ఉన్నా సరే ఏం ఫర్వాలేదని అనుకుంటున్నారు ఈ మెగా మేనల్లుడు. ఆ సమయాన్ని స్క్రిప్ట్ మీద మరింత గ్రిప్ కోసం వాడుకుంటున్నారు.
సమయం దొరికినప్పుడల్లా ఏదో ఒక సామాజిక సేవలో ఇన్వాల్వ్ అవుతున్న తేజ్, లేటెస్ట్ గా ఉషాపరిణయం ఈవెంట్కి ఛీఫ్ గెస్ట్ గా హాజరయ్యారు. ఈ లుక్ ఇప్పుడు నెట్టింట్లో వైరల్ అవుతోంది.