Love Stories: తెరపైకి అలనాటి ప్రేమ కథలు.. మ్యాజిక్ చేయనున్న ఆ సినిమాలు ఏంటి.?
ఎన్ని మాస్ సినిమాలు వచ్చినా.. ఎన్ని సోషియో ఫాంటసీలు వచ్చినా.. లవ్ స్టోరీస్‌కు ఉన్న డిమాండ వేరు.. క్రేజ్ వేరు. అందుకే ఎన్నేళ్లైనా ప్రేమకథలు అలాగే గుర్తుండిపోతాయి. అలా గుర్తుండిపోయిన కొన్ని క్లాసిక్ ప్రేమకథా చిత్రాలు మళ్లీ వస్తున్నాయి. అందులో ఉదయ్ కిరణ్ సినిమా కూడా ఒకటుంది. మరింతకీ రీ రిలీజ్‌కు రెడీ అవుతున్న ఆ లవ్ స్టోరీస్ ఏంటో చూద్దామా..?
లవ్ స్టోరీస్‌కు ఉన్న క్రేజ్ మరే జోనర్‌కు ఉండదు. అందులో అప్పట్లో ఫ్లాప్ అయిన ఓయ్, ఆరెంజ్ లాంటి సినిమాలను రీ రిలీజ్ చేస్తే.. ఈ జనరేషన్ ఆడియన్స్ కూడా పండగ చేసుకున్నారు. డబ్బింగ్ సినిమాలైన 3, సూర్య సన్నాఫ్ కృష్ణన్ లాంటి సినిమాలు సైతం రీ రిలీజ్‌లో మంచి వసూళ్లు సాధించాయంటే.. అదీ ప్రేమకథలకు ఉన్న డిమాండ్.
గతంలో మాస్ యాక్షన్ ఎంటర్టైన్మెంట్ పోకిరి, జల్సా, చెన్నకేశవరెడ్డి లాంటి మాస్ సినిమాల్ని మాత్రమే రీ రిలీజ్ చేస్తున్న సమయంలో.. ఖుషీ, ఆరెంజ్ లాంటి సినిమాలు వచ్చి వచ్చి టాలీవుడ్ బాక్సాఫీస్ దగ్గర రచ్చ రచ్చ చేసాయి.
అదే ఊపులో వాలెంటైన్స్ డే సందర్భంగా ఈ ఏడాది ఫిబ్రవరి 14న సిద్దార్థ్ హీరోగా శామిలి కథానాయకిగా నటించిన క్లాసిక్ లవ్ స్టోరీ ఓయ్ సినిమా రీ రిలీజ్ చేసారు మేకర్స్. తెలుగు రాష్ట్రాల్లో ఈ సినిమా రీ రిలీజ్ ఓ మ్యాజిక్ చేసింది.
ఇక ఇప్పుడు ఉదయ్ కిరణ్ హీరోగా నటించిన నువ్వు నేను సినిమాను మార్చి 21న రీ రిలీజ్ చేయబోతున్నారు మేకర్స్. తేజ తెరకెక్కించిన ఈ చిత్రం రెండు దశాబ్దాల కింద చరిత్ర సృష్టించింది. అప్పట్లో ఈ చిత్రం బ్లాక్ బస్టర్ గా నిలిచింది.
ప్రభుదేవా కల్ట్ క్లాసిక్ ప్రేమికుడు సినిమాను కూడా రీ రిలీజ్ చేయబోతున్నారు. శంకర్ తెరకెక్కించిన ప్రేమికుడు తమిళం కంటే తెలుగులోనే పెద్ద హిట్టైంది. దీన్నిప్పుడు భారీగానే రీ రిలీజ్‌కు ప్లాన్ చేస్తున్నారు. అలాగే సిద్ధార్థ్ బొమ్మరిల్లు, తరుణ్ నువ్వే కావాలి లాంటి సినిమాలను కూడా రీ రిలీజ్ చేయడానికి సన్నాహాలు జరుగుతున్నాయి.