అదే ట్రెండ్ ఫాలో అవుతున్న మహానటి.. ఆ యంగ్ హీరోకు జోడీగా కీర్తి సురేష్
మేం స్టార్ హీరోయిన్లం.. మేం వెళ్లి ఆ చిన్న హీరోలతో నటించడం ఏంటి..? మా ఇమేజ్‌లో సగం కూడా లేని హీరోలతో స్క్రీన్ షేర్ చేసుకునేదేంటి..? ఇదిగో ఇలాంటి డైలాగ్స్ ఇప్పుడు ఇండస్ట్రీలో వినిపించట్లేదు. ఎంచక్కా స్టార్ హీరోయిన్లు వెళ్లి.. చిన్న హీరోలతో జోడీ కడుతున్నారు. పైగా ఇదే ట్రెండ్ ఇప్పుడు. తాజాగా కీర్తి సురేష్ మరోసారి ఇదే చేస్తున్నారు. మహానటి ఏ ముహూర్తాన చేసారో గానీ అప్పట్నుంచి కీర్తి సురేష్‌కు స్టార్ హీరోలతో ఆఫర్స్ కరువయ్యాయి.
మేం స్టార్ హీరోయిన్లం.. మేం వెళ్లి ఆ చిన్న హీరోలతో నటించడం ఏంటి..? మా ఇమేజ్‌లో సగం కూడా లేని హీరోలతో స్క్రీన్ షేర్ చేసుకునేదేంటి..? ఇదిగో ఇలాంటి డైలాగ్స్ ఇప్పుడు ఇండస్ట్రీలో వినిపించట్లేదు. ఎంచక్కా స్టార్ హీరోయిన్లు వెళ్లి.. చిన్న హీరోలతో జోడీ కడుతున్నారు. పైగా ఇదే ట్రెండ్ ఇప్పుడు.
తాజాగా కీర్తి సురేష్ మరోసారి ఇదే చేస్తున్నారు. మహానటి ఏ ముహూర్తాన చేసారో గానీ అప్పట్నుంచి కీర్తి సురేష్‌కు స్టార్ హీరోలతో ఆఫర్స్ కరువయ్యాయి. మహేష్ బాబుతో నటించినా.. నాని లాంటి మీడియం రేంజ్ హీరోలతోనే సరిపెట్టుకుంటున్నారు కీర్తి.
ఇప్పుడేమో మరో మెట్టు దిగి.. సుహాస్‌తో జోడీ కడుతున్నారు ఈ బ్యూటీ. గతంలో భోళా శంకర్‌లో సుశాంత్.. పెద్దన్నలో అరవింద్ కృష్ణ.. మిస్ ఇండియాలో నవీన్ చంద్రతో కలిసి నటించారు కీర్తి. కథ నచ్చితే చిన్న హీరోలతో కూడా నటించడానికి ఎప్పుడూ సిద్ధంగానే ఉంటారు కీర్తి.
ఈ క్రమంలోనే తాజాగా సుహాస్ హీరోగా అనిల్ ఐవి శశి తెరకెక్కిస్తున్న ఉప్పు కప్పురంబు అనే సినిమాలో నటిస్తున్నారు. ఇది ఓటిటి కోసమే తెరకెక్కిస్తున్నారు. కీర్తి కంటే సుహాస్‌కు ఈ సినిమా బాగా హెల్ప్ కానుంది. సమంత సైతం ఆ మధ్య శాకుంతలంలో మలయాళ హీరో దేవ్ మోహన్‌తో నటించారు.
ఇప్పుడు అదే హీరోతో రష్మిక మందన్న రెయిన్ బో సినిమాలో నటిస్తున్నారు. నవీన్ పొలిశెట్టితో మిస్ శెట్టి మిస్టర్ పొలిశెట్టిలో నటించిన అనుష్క.. ఇప్పుడు క్రిష్ తెరకెక్కిస్తున్న ఘాటీలో విక్రమ్ ప్రభుతో స్క్రీన్ షేర్ చేసుకుంటున్నారు. మొత్తానికి కథ నచ్చితే.. చిన్న హీరోలతో జోడీ కడుతున్నారు మన స్టార్ హీరోయిన్లు.