Thug Life: థగ్‌లైఫ్ రిలీజ్ పై అప్‌డేట్.. కొత్త డిస్కషన్స్‌కు తెర లేపిన ఎనౌన్స్‌మెంట్
కమల్‌ హాసన్ బర్త్ డే సందర్భంగా థగ్‌లైఫ్ సినిమాకు సంబంధించి రిలీజ్ అప్‌డేట్ ఇచ్చారు మేకర్స్‌. ఈ సినిమాను వచ్చే ఏడాది జూన్‌లో రిలీజ్ చేస్తున్నట్టుగా చెప్పారు. ఈ ఎనౌన్స్‌మెంట్ కోలీవుడ్ సర్కిల్స్‌లో కొత్త డిస్కషన్స్‌కు తెర లేపింది. దాదాపు మూడున్నర దశాబ్దాల తరువాత మణిరత్నం, కమల్‌ హాసన్ కాంబినేషన్‌లో ఓ సినిమా రూపొందుతోంది.
కమల్‌ హాసన్ బర్త్ డే సందర్భంగా థగ్‌లైఫ్ సినిమాకు సంబంధించి రిలీజ్ అప్‌డేట్ ఇచ్చారు మేకర్స్‌. ఈ సినిమాను వచ్చే ఏడాది జూన్‌లో రిలీజ్ చేస్తున్నట్టుగా చెప్పారు. ఈ ఎనౌన్స్‌మెంట్ కోలీవుడ్ సర్కిల్స్‌లో కొత్త డిస్కషన్స్‌కు తెర లేపింది.
దాదాపు మూడున్నర దశాబ్దాల తరువాత మణిరత్నం, కమల్‌ హాసన్ కాంబినేషన్‌లో ఓ సినిమా రూపొందుతోంది. నాయకుడు సినిమాతో చరిత్ర సృష్టించిన ఈ కాంబో ఆ తరువాత మళ్లీ రిపీట్ కాలేదు. విక్రమ్ సక్సెస్‌తో మూవీ సెలక్షన్‌ స్టైల్ మార్చిన కమల్‌, క్లాసిక్ కాంబోను రిపీట్ చేయాలని ఫిక్స్ అయ్యారు. అలా లైన్‌లోకి వచ్చింది థగ్‌ లైఫ్.
కమల్‌ హాసన్ కోసం బిగ్ కాన్వాస్ సిద్ధం చేస్తున్న మణిరత్నం కాస్టింగ్ విషయంలో ఆడియన్స్‌ను సర్‌ప్రైజ్ చేశారు. శింబు, జయం రవి, దుల్కర్ సల్మాన్ లాంటి స్టార్స్‌తో ఈ సినిమాను నెవ్వర్ బిఫోర్ అన్న రేంజ్‌లో ప్లాన్ చేస్తున్నారు.
ఇంత భారీ చిత్రమైనా రికార్డ్ టైమ్‌లో షూటింగ్ ఫినిష్ చేశారు మణిరత్నం. నెల రోజల క్రితమే ఈ సినిమా షూటింగ్ పూర్తయిన విషయాన్ని ఎనౌన్స్‌ చేస్తూ ఓ వీడియో రిలీజ్ చేశారు. దీంతో త్వరలోనే థగ్‌ లైఫ్ ఆడియన్స్ ముందుకు వస్తుందని ఫీల్ అయ్యారు ఫ్యాన్స్‌. కానీ మేకర్స్‌ మాత్రం పోస్ట్ ప్రొడక్షన్ వర్క్‌కు ఏకంగా 9 నెలల టైమ్ తీసుకుంటున్నారు.
లేటెస్ట్ టీజర్‌లో కమల్‌ హాసన్ యంగర్‌ వర్షన్‌కు సంబంధించిన హింట్స్ ఇచ్చారు. దీంతో ఆ సీన్స్‌ కోసం ఎక్కువ టైమ్ తీసుకుంటున్నారన్న టాక్ వినిపిస్తోంది. ప్రస్టీజియస్ మూవీ కావటంతో ప్రతీ విషయంలోనూ స్పెషల్ కేర్ తీసుకుంటున్న కమల్‌, మణి... పోస్ట్ ప్రొడక్షన్‌కు ఎక్కువ టైమ్ కేటాయించారన్నది కోలీవుడ్ టాక్. ఎంత కేర్ తీసుకున్నా... ఓ యాక్షన్ సినిమాకు 9 నెలల పోస్ట్ ప్రొడక్షన్ అంటే, టూ మచ్ అంటున్నారు సినీ జనాలు. మరి ఇంత టైమ్ తీసుకుంటున్న లెజెండ్స్ స్క్రీన్ మీద ఎలాంటి మ్యాజిక్ చూపిస్తారో... వెయిట్ అండ్ సీ.