Kalki 2898 AD: తెలుగు రాష్ట్రాల్లో అదిరిన కల్కి ప్రమోషన్స్.. మిగత రాష్ట్రాల పరిస్థితి ఏంటంటే ??
600 కోట్ల సినిమాకు ఈ మాత్రం ప్రమోషన్ సరిపోతుందా..? ఈ ప్రశ్న ఏ సినిమా గురించో ప్రత్యేకంగా చెప్పాల్సిన పనిలేదు. కల్కి గురించే అని అర్థమైపోతుంది కదా..? నిజమే కదా మరి.. ప్రభాస్ ఉన్నాడు కాబట్టి తెలుగు వరకు పర్లేదు.. మరి బయటి మార్కెట్స్ పరిస్థితేంటి..? అక్కడ ఈ మాత్రం ప్రమోషన్‌తో కల్కి బయటపడుతుందా..? ఇదే ఇవాల్టి ఎక్స్‌క్లూజివ్ స్టోరీ.. కల్కి.. కల్కి.. ఇప్పుడు ఎక్కడ విన్నా ఈ సినిమా గురించే చర్చ జరుగుతుంది. దాదాపు ఆర్నెళ్లైపోయింది.. బాక్సాఫీస్ కళకళలాడి..! ఆ బాధ్యతను ఇప్పుడు ప్రభాస్ తీసుకుంటున్నారు.
ఓ వైపు కల్కి రిలీజ్ డేట్ దగ్గర పడుతుండటంతో ప్రమోషన్స్ కోసం దేశమంతా తిరిగేస్తున్నారు రెబల్ స్టార్. ఆ మధ్య చిన్న బ్రేక్ తీసుకున్న చిరంజీవి.. విశ్వంభరతో మళ్లీ బిజీ అయ్యారు. వశిష్ట తెరకెక్కిస్తున్న ఈ చిత్ర షూటింగ్ అన్నపూర్ణ 7 ఎకర్స్‌లో జరుగుతుంది.
కల్కి.. కల్కి.. ఇప్పుడు ఎక్కడ విన్నా ఈ సినిమా గురించే చర్చ జరుగుతుంది. దాదాపు ఆర్నెళ్లైపోయింది.. బాక్సాఫీస్ కళకళలాడి..! ఆ బాధ్యతను ఇప్పుడు ప్రభాస్ తీసుకుంటున్నారు. అప్పుడెప్పుడో సంక్రాంతికి హనుమాన్, గుంటూరు కారం తర్వాత ఇప్పటి వరకు మళ్లీ ఆ రేంజ్ సినిమాలే పడలేదు.. మధ్యలో టిల్లు స్క్వేర్ ఒక్కటే బాగా సందడి చేసింది.
చాలా రోజుల తర్వాత థియేటర్స్ మళ్లీ కళకళలాడబోతున్నాయి. వారం ముందు నుంచే కల్కి హవా స్పష్టంగా కనిపిస్తుంది. అయితే ఇంత పెద్ద సినిమాకు ఇంత తక్కువ ప్రమోషన్స్ సరిపోతాయా అనేది అసలు అనుమానం. ఆ మధ్య RFCలో ఓ స్పెషల్ ఈవెంట్.. మొన్న ముంబైలో ప్రీ రిలీజ్ ఈవెంట్.. నిన్న టీం అంతా కలిసి ఓ స్పెషల్ ఛిట్ ఛాట్.. ఇదే కల్కి సినిమాకు చేసిన ప్రమోషన్.
సాధారణంగా 600 కోట్ల బడ్జెట్ ఖర్చు చేసిన పాన్ ఇండియన్ సినిమా వస్తుందంటే.. ప్రమోషన్ దద్దరిల్లిపోవాలి. ట్రిపుల్ ఆర్, బాహుబలి సమయంలో రాజమౌళి తన టీంను దేశమంతా తిరిగారు. కానీ కల్కి విషయంలో అవన్నీ జరిగేలా కనిపించట్లేదు. మేకింగ్ వీడియోలు, ఒకట్రెండు ఇంటర్వ్యూలతోనే కల్కి ప్రమోషన్ కానిచ్చేస్తున్నారు నాగ్ అశ్విన్.
తెలుగులో అంటే ప్రభాస్ ఉన్నాడు కాబట్టి పర్లేదు.. రెండు రాష్ట్రాల్లోనూ బుకింగ్స్ అదిరిపోతున్నాయి. కానీ పక్కనున్న తమిళనాడు.. అటుపైన కేరళ.. పైనున్న ముంబైలో ఈ ప్రమోషన్స్ సరిపోతాయా అంటే డౌటే. అక్కడ కల్కి బుకింగ్స్ ఊహించనంతగా లేకపోవడానికి కారణం ప్రమోషన్స్ లోపమే అంటున్నారు విశ్లేషకులు. మరి రేపు రిలీజ్ తర్వాత కల్కి దీన్ని అధిగమిస్తాడా అనేది చూడాలిక.