Eagle: సంక్రాంతి సినిమాల్లో ఫస్ట్ వికెట్ డౌన్.. ఈగల్ పోస్ట్ పోన్ ??
సంక్రాంతికి ఐదు సినిమాలు చెప్పినవి చెప్పినట్లు వచ్చేస్తున్నాయంటూ నిన్నటి వరకు కూడా ప్రచారం జరుగుతూనే ఉంది. ఆడియన్స్ కూడా దీనికే ఫిక్సైపోయారు. పైగా దర్శక నిర్మాతలు మాటలు చూస్తుంటే ఎవరూ వెనక్కి తగ్గేలా కూడా కనిపించడం లేదని అర్థమైంది. దిల్ రాజు లాంటి వాళ్లు వచ్చి వాయిదా వేసుకున్న వాళ్లకు సోలో డేట్ ఇప్పిస్తామని చెప్పినా కూడా నిర్మాతలు నో కాంప్రమైజ్ అంటున్నారు. దాన్నిబట్టి పండగను వాళ్లెంత సీరియస్‌గా తీసుకున్నారో అర్థమవుతుంది. ఇదిలా ఉంటే చివరి నిమిషంలో రవితేజ వెనక్కి తగ్గినట్లు ప్రచారం జరుగుతుంది. ఈగల్ సినిమాను జనవరి 13న విడుదల చేయాలనుకున్నారు మేకర్స్.
సంక్రాంతికి ఐదు సినిమాలు చెప్పినవి చెప్పినట్లు వచ్చేస్తున్నాయంటూ నిన్నటి వరకు కూడా ప్రచారం జరుగుతూనే ఉంది. ఆడియన్స్ కూడా దీనికే ఫిక్సైపోయారు. పైగా దర్శక నిర్మాతలు మాటలు చూస్తుంటే ఎవరూ వెనక్కి తగ్గేలా కూడా కనిపించడం లేదని అర్థమైంది. దిల్ రాజు లాంటి వాళ్లు వచ్చి వాయిదా వేసుకున్న వాళ్లకు సోలో డేట్ ఇప్పిస్తామని చెప్పినా కూడా నిర్మాతలు నో కాంప్రమైజ్ అంటున్నారు.
దాన్నిబట్టి పండగను వాళ్లెంత సీరియస్‌గా తీసుకున్నారో అర్థమవుతుంది. ఇదిలా ఉంటే చివరి నిమిషంలో రవితేజ వెనక్కి తగ్గినట్లు ప్రచారం జరుగుతుంది. ఈగల్ సినిమాను జనవరి 13న విడుదల చేయాలనుకున్నారు మేకర్స్. కానీ ఇప్పుడున్న టాక్ చూస్తుంటే ఈ చిత్రం జనవరి 26కి వాయిదా పడినట్లు తెలుస్తుంది. అధికారిక సమాచారం అయితే ఇంకా రాలేదు కానీ కచ్చితంగా ఈగల్ అయితే చెప్పిన టైమ్‌కు రాదనే సంకేతాలే డిస్ట్రిబ్యూటర్లకు వెళ్లినట్లు తెలుస్తున్నాయి.
ఇదే జరిగితే మాత్రం జనవరి 13న విడుదల కానున్న సైంధవ్‌కు బాగా హెల్ప్ కానుంది ఈ విషయం. మరోవైపు నా సామిరంగాకు ఈగల్ థియేటర్లు ఇవ్వబోతున్నట్లు తెలుస్తుంది. పీపుల్ మీడియా ఫ్యాక్టరీతో శ్రీనివాస్ చిట్టూరికి ఉన్న సత్సంబంధాల దృష్ట్యా తన సినిమా కోసం బుక్ చేసుకున్న థియేటర్స్ అన్నీ నా సామిరంగాకు ఇవ్వడానికి వాళ్లు ఓకే చెప్పినట్లు ఇండస్ట్రీలో ప్రచారం జరుగుతుంది. ఇదిలా ఉంటే ఈగల్ సినిమా వాయిదాకు కారణం ఆ సినిమా ఔట్ పుట్ అనే టాక్ కూడా వినిపిస్తుంది.
సెన్సార్ పూర్తి చేసుకున్న ఈ చిత్రానికి U/A సర్టిఫికేట్ వచ్చింది. అయితే సెన్సార్ బోర్డ్ నుంచి ఈగల్‌కు ఊహించిన స్పందన రాలేదని.. యావరేజ్ టాక్ మాత్రమే వచ్చిందని ప్రచారం జరుగుతుంది. అసలే పండక్కి పోటీ చాలా ఎక్కువగా ఉంది.
ఇలాంటి సమయంలో అంతంతమాత్రంగానే ఉన్న కంటెంట్‌ను విడుదల చేస్తే అనవసరంగా ఫ్లాప్ కొని తెచ్చుకున్నట్లు ఉంటుందని వాళ్లు భావిస్తున్నారు. అందుకే కాస్త టైమ్ తీసుకున్నా పర్లేదు కానీ మళ్ళీ వద్దాంలే అనుకుంటున్నట్లు తెలుస్తుంది. అందుకే జనవరి 13 నుంచి 26కి వాయిదా వేసినట్లు తెలుస్తుంది. పైగా ఆ రోజు రవితేజ పుట్టిన రోజు కూడా. రిపబ్లిక్ డే హాలీడే వీకెండ్ కూడా బాగానే కలిసిరానుంది.
అందుకే ఈగల్‌ను ఆ రోజుకు వాయిదా వేయాలని చూస్తున్నారు మేకర్స్. ఇదే జరిగితే సంక్రాంతి సినిమాలకు కాస్త ఊరట లభించినట్లే. ప్రస్తుతం ఉన్న లెక్కల ప్రకారం అయితే జనవరి 12న గుంటూరు కారం, హనుమాన్.. జనవరి 13న సైంధవ్, ఈగల్.. జనవరి 14న నా సామిరంగా రావాలి. ఒకవేళ ఈగల్ వాయిదా పడితే.. అది మిగిలిన 4 సినిమాలకు ప్లస్ కానుంది. చూడాలిక ఏం జరగబోతుందో..?