War 2: షూటింగ్ కి ముందే వార్ 2 ఆటంకాలు.. తారక్ ఎలా ఎదుర్కొనబోతున్నారు..?
వార్ 2 ఇంకా మొదలే కాలేదు అప్పుడే ఆ సినిమాకు ఎన్నో ఆటంకాలు వస్తూనే ఉన్నాయి. ఓ వైపు జూనియర్ ఎన్టీఆర్ బాలీవుడ్లో అడుగు పెడుతున్నారంటూ అభిమానులు సంతోషిస్తున్న వేళ.. వార్ 2 సినిమాకు అసలైన సవాళ్లు ఎదురవుతున్నాయి. అది తలుచుకుంటేనే ఫ్యాన్స్కు నిద్ర పట్టట్లేదు. మరి వార్ 2 ముందున్న ఆ సవాళ్ళు ఏంటి.. వాటిని తారక్ ఎలా ఎదుర్కొనబోతున్నారు..?
వార్ 2 ఇంకా మొదలే కాలేదు అప్పుడే ఆ సినిమాకు ఎన్నో ఆటంకాలు వస్తూనే ఉన్నాయి. ఓ వైపు జూనియర్ ఎన్టీఆర్ బాలీవుడ్లో అడుగు పెడుతున్నారంటూ అభిమానులు సంతోషిస్తున్న వేళ.. వార్ 2 సినిమాకు అసలైన సవాళ్లు ఎదురవుతున్నాయి. అది తలుచుకుంటేనే ఫ్యాన్స్కు నిద్ర పట్టట్లేదు. మరి వార్ 2 ముందున్న ఆ సవాళ్ళు ఏంటి.. వాటిని తారక్ ఎలా ఎదుర్కొనబోతున్నారు..?
జూనియర్ ఎన్టీఆర్ కెరీర్కు ఇప్పుడు ఈ పాట అతికినట్లు సరిపోతుంది. డోన్ట్ స్టాప్ అంటూ లక్ష్యం వైపు దూసుకుపోతున్నారు తారక్. వరస విజయాలతో ఈయన మార్కెట్ భారీగానే పెరిగింది. కాకపోతే మునపట్లా జోరు మాత్రం చూపించడం లేదు. గత ఆరేళ్లలో ఎన్టీఆర్ నుంచి వచ్చిన సినిమాలు అరవింద సమేత, ట్రిపుల్ ఆర్ మాత్రమే. ఇప్పుడు దేవరతో బిజీగా ఉన్నారు ఎన్టీఆర్.
దేవర షూటింగ్ వేగంగా జరుగుతుంది. అయితే అనిరుధ్ సంగీతం ఆలస్యం కావడం.. ఏపీలో ఎన్నికలు.. ఇలా రకరకాల కారణాలతో ఎప్రిల్ 5న దేవర రావట్లేదు. 2024లోనే ఈ సినిమా రావడం ఖాయం కానీ డేట్ ఇంకా కన్ఫర్మ్ కాలేదు.
ఇదిలా ఉంటే దీని తర్వాత వార్ 2కు కమిటయ్యారు తారక్. హృతిక్ రోషన్ మరో హీరోగా నటిస్తున్న ఈ చిత్రానికి అయన్ ముఖర్జీ దర్శకుడు.ఒకప్పుడు ఇండియా పాకిస్థాన్ కథలకు కాసుల వర్షం కురిసేది.
కానీ ఈ మధ్య దానిపై ఆడియన్స్కు ఆసక్తి తగ్గుతుంది. గతేడాది పఠాన్ 1000 కోట్లు వసూలు చేస్తే.. ఇండో పాక్ నేపథ్యంలోనే వచ్చిన టైగర్ 3కి 300 కోట్లు కూడా రాలేదు.. తాజాగా ఫైటర్ ఓపెనింగ్స్ ఏమంత గొప్పగా లేవు. ఈ నేపథ్యంలో వార్ 2 ఇంకో పాక్ నేపథ్యమైతే అయన్ ముఖర్జీ ముందే కాదు.. తారక్, హృతిక్ ముందు కూడా పెద్ద సవాల్ ఉన్నట్లే.