Pooja Hegde: సక్సెస్ కోసం ఎదురుచూస్తున్న పూజా హెగ్డే.! 2024 అయినా వరిస్తుందా.?
తమిళ సినిమాతో కెరీర్ స్టార్ట్ చేసిన పూజా హెగ్డే, ఇప్పుడు మళ్లీ సరైన బ్రేక్ కోసం కూడా కోలీవుడ్ వైపే చూస్తున్నారు. సౌత్లో పూజా హెగ్డేకి తిరుగులేదు అని అనుకుంటున్న టైమ్లో, ఇక్కడ కాల్షీట్లకు కామా పెట్టి, నార్త్ వాళ్లతో పొత్తులు కుదుర్చుకున్నారు ఈ కన్నడ భామ. అయితే అక్కడ సినిమాలు బెడిసికొట్టడంతో, చేసేదేమీ లేక, గత కొన్నాళ్లుగా ఖాళీ ఖాళీగా కనిపిస్తున్నారు. మరి ఫ్యూచర్లో అయినా బిజీ బిజీగా ఉండాలంటే, చేతినిండా ప్రాజెక్టులు ఉండాల్సిందేగా..!
తమిళ సినిమాతో కెరీర్ స్టార్ట్ చేసిన పూజా హెగ్డే, ఇప్పుడు మళ్లీ సరైన బ్రేక్ కోసం కూడా కోలీవుడ్ వైపే చూస్తున్నారు. సౌత్లో పూజా హెగ్డేకి తిరుగులేదు అని అనుకుంటున్న టైమ్లో, ఇక్కడ కాల్షీట్లకు కామా పెట్టి, నార్త్ వాళ్లతో పొత్తులు కుదుర్చుకున్నారు ఈ కన్నడ భామ.
అయితే అక్కడ సినిమాలు బెడిసికొట్టడంతో, చేసేదేమీ లేక, గత కొన్నాళ్లుగా ఖాళీ ఖాళీగా కనిపిస్తున్నారు. మరి ఫ్యూచర్లో అయినా బిజీ బిజీగా ఉండాలంటే, చేతినిండా ప్రాజెక్టులు ఉండాల్సిందేగా..! ఆ ప్రస్థానాన్ని కోలీవుడ్ నుంచి మొదలుపెట్టడానికి రెడీ అయ్యారు ఈ బ్యూటీ.
అల వైకుంఠపురములో టైమ్లో పూజా హెగ్డే క్రేజ్ మామూలుగా లేదు. చేతినిండా సినిమాలు, అందులోనూ అన్నీ పెద్ద పెద్ద ప్రొడక్షన్ హౌస్లు, పైగా నార్త్ కాలింగ్ అంటూ వార్తలు.. అబ్బో... అదో గోల్డెన్ పీరియడ్ అమ్మడి కెరీర్లో.
ఆ చరిష్మా 2021లోనూ కంటిన్యూ అయింది. లెహరాయీ లెహరాయీ అంటూ అప్పటిదాకా సక్సెస్ కోసం వెయిట్ చేసిన మోస్ట్ ఎలిజిబుల్ బ్యాచ్లర్ అఖిల్కి కూడా హిట్ ఇచ్చి లక్కీ గర్ల్ అనిపించుకున్నారు పూజా. ఆ తర్వాత ఆమె చేసిన రాధేశ్యామ్ ఆడలేదు.
పాటలు సూపర్ అనిపించినా, సినిమా రిలీజ్ డిలే కావడం, కథాపరంగా ప్రేక్షకులను మెస్మరైజ్ చేయలేకపోవడంతో పూజా కెరీర్ కాస్త డీలా పడింది. దానికి తోడు అద్భుతంగా ఉంటుందనుకున్న కోలీవుడ్ బీస్ట్ కూడా చప్పగా సాగే సరికి నీలాంబరిని పట్టించుకునేవారు కరవైపోయారు.
ముందే అనుకున్నట్టు గుంటూరు కారంలో మహేష్ పక్కన పూజా యాక్ట్ చేసి ఉంటే ఇంత గ్యాప్ కనిపించేది కాదు. సూపర్ స్టార్ పక్కన సూపర్భామ ఈ సంక్రాంతికి జనాలను పలకరించేవారే. హిందీ సినిమా కిసీ కా భాయ్ కిసీ కా జాన్ సినిమా కాల్షీట్తో క్లాష్ రావడంతో మహేష్ సినిమా నుంచి సైలెంట్గా తప్పుకున్నారు పూజా.
అలాగని సల్మాన్ సినిమా సక్సెస్ఫుల్ అయిందా అంటే అదీ లేదాయె. ఇన్నిటి మధ్య ఇప్పుడు పూజా ఏం చేస్తున్నారంటే, చెప్పుకోదగ్గ ప్రాజెక్టులు లేవు. జరజర మంటూ పైకి పాకిన ఆమె కెరీర్... ఇప్పుడు ఎవరినో లిఫ్ట్ అడగాల్సిన పరిస్థితుల్లో ఉంది.
కమల్ ప్రొడక్షన్లో శింబు హీరోగా నటిస్తున్న సినిమా అయినా ఆమెకు ఆ లిఫ్ట్ ఇస్తుందా? అని కోలీవుడ్ నుంచి వార్తలు గుప్పుమంటున్నాయి. ప్రస్తుతానికి హిందీలో ఒక ప్రాజెక్ట్ చేస్తున్న ఈ బ్యూటీ, త్వరలోనే శింబు సెట్స్ కి వెళ్తారన్నది ఆ న్యూస్. అదే జరిగి, సినిమా బంపర్ హిట్ అయితే, పూజా కెరీర్ మీద టార్చ్ వెలుగు పడ్డట్టే మరి.!