ఇంకా మొదలు కాని ఎస్ ఎస్ ఎంబీ 29 రిలీజ్ డేట్ గురించి ఆసక్తికరమైన చర్చ జరుగుతోంది నెట్టింట్లో. ఏవేవో లింకులు తీసి నాన్స్టాప్గా ట్రెండ్ చేస్తున్నారు నెటిజన్లు. సోషల్ మీడియాలో టాప్లో వైరల్ అవుతోంది ఈ మూవీ న్యూస్. ఇంతకీ ట్రెండ్ అవుతున్న విషయాలు పాతవేనా? కొత్తవి ఏవైనా ఉన్నాయా?
లేటెస్ట్ గా స్క్రిప్టు విషయంలో ఏమైనా ప్రత్యేకమైన నిర్ణయాలు తీసుకున్నారా.? బాహుబలి తర్వాత జక్కన్న ఏ ప్రాజెక్టు డీల్ చేయాలనుకున్నారని గతంలో ఓ ప్రశ్న ఎదురైనప్పుడు గరుడ అనే పేరు వినిపించింది.
గరుడ ప్రాజెక్ట్ గురించి తన మనసులో రకరకాల ఆలోచనలున్నాయని అప్పట్లో జక్కన్న చెప్పిన ఓ వీడియో ఇప్పుడు మళ్లీ నెట్టింట్లో వైరల్ అవుతోంది. అంతే కాదు, ఆఫ్టర్ ట్రిపుల్ ఆర్ జక్కన్న టేకప్ చేస్తున్న ఎస్ ఎస్ ఎం బీ 29 ప్రాజెక్టుకీ, దీనికీ లింక్ ఉందా? అంటూ సరికొత్త డిస్కషన్కి తెర లేచింది.
జక్కన్న టీమ్తో పనిచేసే పర్సన్స్ ఎవరెక్కడ చప్పుడు చేసినా వెంటనే అలర్ట్ అవుతున్నారు సూపర్స్టార్ ఫ్యాన్స్. లేటెస్ట్ గా మెటల్లో కనిపించిన వింగ్స్ ని వైరల్ చేస్తున్నారు. వాటిని బట్టి చూసినా, ప్రాజెక్ట్ గరుడ ఇదేనంటూ మాట్లాడుకుంటున్నారు.
ఈ సారి జక్కన్న టేకప్ చేయబోయే సబ్జెక్టుకి పురాణాల టచ్ ఇస్తున్నారని ఫిక్సవుతున్నారు. ఇంటర్నేషనల్ ప్రాజెక్టులో మహేష్ని ఎలా చూపిస్తారోననే ఆసక్తి గట్టిగా కనిపిస్తోంది. ఇంటర్నేషనల్ స్టాండర్డ్స్ లో సినిమా ఉంటుందని చెబుతూనే ఉన్నారు స్టార్ రైటర్ విజయేంద్రప్రసాద్.
అయితే, ఈ సినిమాకు జేమ్స్ కేమరూన్ సమర్పకుడిగా వ్యవహరిస్తారనే ప్రచారం కూడా జోరుగా సాగుతోంది. స్టార్ కాస్ట్ గురించి, సినిమాలో ఇన్వాల్వ్ అయ్యేవారి గురించి జక్కన్న స్పెషల్గా డిక్లేర్ చేస్తే తప్ప ఈ హడావిడి మొత్తం ఆగేలా లేదంటున్నారు మరికొందరు.
ఇంతకీ రాజమౌళి.. సూపర్స్టార్ సినిమా గురించి ఈ ఏడాదే అనౌన్స్ చేస్తారా? లేకుంటే వచ్చే ఏడాది దాకా ఊరిస్తూనే ఉంటారా? బాగా జుట్టు పెంచి మహేష్ కూడా మేకోవర్ అవుతున్నారు.
అలాంటప్పుడు ఇంకా అనౌన్స్ మెంట్కి జక్కన్న ఎందుకు ఆగుతున్నట్టు.. అనే అనుమానాలు వ్యక్తమవుతున్నాయి. ఏదేమైనా సినిమా మాత్రం 2028లోనే సినిమా రిలీజ్ అవుతుందనే మాట మరోవైపు వైరల్ అవుతోంది.