Dussehra Movies: దసరాకు హీరోల దండయాత్ర.. గెలిచేది ఎవరంటే.. ??
దసర సీజన్ మీద చాలా ఆశలు పెట్టుకున్నారు సూపర్ స్టార్ రజనీకాంత్. కొద్ది రోజులుగా తెలుగు మార్కెట్లో అనుకున్న స్థాయిలో బజ్ క్రియేట్ చేయలేకపోతున్నారు సూపర్ స్టార్. ఈ దసరా తెలుగు మార్కెట్లో కూడా పోటి కాస్త తక్కువగా ఉండటంతో ఈ సారి బిగ్ నెంబర్స్ టార్గెట్ చేస్తున్నారు రజనీకాంత్. ఈ దసరాకి టాలీవుడ్ నుంచి వస్తున్న సినిమా విశ్వం.
దసర సీజన్ మీద చాలా ఆశలు పెట్టుకున్నారు సూపర్ స్టార్ రజనీకాంత్. కొద్ది రోజులుగా తెలుగు మార్కెట్లో అనుకున్న స్థాయిలో బజ్ క్రియేట్ చేయలేకపోతున్నారు సూపర్ స్టార్. ఈ దసరా తెలుగు మార్కెట్లో కూడా పోటి కాస్త తక్కువగా ఉండటంతో ఈ సారి బిగ్ నెంబర్స్ టార్గెట్ చేస్తున్నారు రజనీకాంత్.
ఈ దసరాకి టాలీవుడ్ నుంచి వస్తున్న సినిమా విశ్వం. గోపిచంద్ హీరోగా శ్రీనువైట్ల దర్శకత్వంలో తెరకెక్కిన ఈ సినిమా అక్టోబర్ 11న ప్రేక్షకుల ముందుకు రానుంది. అయితే గోపిచంద్, శ్రీనువైట్ల ఇద్దరు ఫ్లాప్స్లో ఉండటంతో సినిమా మీద ఆశించిన స్థాయిలో బజ్ రావటం లేదు. సుధీర్ బాబు హీరోగా తెరకెక్కుతున్న మా నాన్న సూపర్ హీరో కూడా దసరా బరిలో అదృష్టాన్ని పరీక్షించుకుంటుంది.
సూపర్ స్టార్ రజనీకాంత్ హీరోగా తెరకెక్కిన వేట్టయాన్ టీమ్ దసరా సీజన్ మీద చాలా ఆశలు పెట్టుకుంది. తెలుగు మార్కెట్లో పెద్దగా పోటి లేకపోవటంతో ఈ సారి భారీ వసూళ్లను టార్గెట్ చేస్తోంది వేట్టయన్. బరిలో ఉన్న సినిమాలు చూస్తుంటే వేట్టయన్కు ఏ మాత్రం పాజిటివ్ టాక్ వచ్చినా... భారీ వసూళ్లు రావటం పక్కా అన్న టాకే వినిపిస్తోంది
అలియా భట్ కూడా జిగ్రా మూవీతో దసరా సీజన్లో తెలుగు మార్కెట్ మీద దృష్టి పెట్టారు. ఆల్రెడీ ట్రిపులార్తో వచ్చిన క్రేజ్ను దృష్టిలో పెట్టుకొని తన ప్రతీ సినిమాను తెలుగులో భారీగా రిలీజ్ చేస్తున్నారు అలియా.. ఈ సారి ఎలాగైన ఇక్కడ కూడా హిట్ టాక్ తెచ్చుకోవాలని కష్టపడుతున్నారు.
కన్నడ ఇండస్ట్రీలో భారీ బడ్జెట్తో తెరకెక్కిన మార్టిన్ ఏకంగా పదకొండు భాషల్లో రిలీజ్ అవుతోంది. ఈ సినిమా కేజీఎఫ్ మ్యాజిక్ను రిపీట్ చేస్తుందన్న ఆశతో ఉన్నారు మేకర్స్. కానీ ఆల్రెడీ బరిలో ఉన్న సినిమాలతో పోల్చుకుంటే మార్టిన్కు మన దగ్గర అంత బజ్ కష్టమే అంటున్నారు విశ్లేషకులు.