Kubera: హడావిడి వద్దు.. సింప్లిసిటీ ముద్దు.. కొత్తగా ప్లాన్ చేస్తున్న కుబేర
ఒకప్పుడు ప్యాన్ ఇండియన్ సినిమా ప్రమోషన్ అంటే రెండు నెలల ముందు ప్లానింగ్.. దేశమంతా టూర్స్.. ప్రతీ ఇండస్ట్రీలో ఓ ఈవెంట్.. భోజనం చివర్లో కిల్లీ వేసినట్లు తెలుగులోనూ ఓ పెద్ద వేడుక.. ఇవన్నీ ఉండేవి. కానీ స్టైల్ మారుతుందిప్పుడు. ప్యాన్ ఇండియన్ సినిమాలకు కూడా 10 రోజుల ప్రమోషన్ చాలు అంటున్నారు మేకర్స్. తాజాగా కుబేరా విషయంలోనూ ఇదే జరుగుతుందా..?
ప్యాన్ ఇండియన్ సినిమాలు చేయడానికి రెండు మూడేళ్లు పడుతుంది.. మరి అలాంటి సినిమాను విడుదల చేసేటప్పుడు కనీసం రెండు నెలలైనా ప్రమోట్ చేయడం న్యాయమే కదా..? కానీ మన మేకర్స్ మాత్రం ప్రమోషన్కు 10, 20 రోజులు సరిపోతాయిలే అంటున్నారు.
కావాలంటే కుబేరానే తీసుకోండి.. తాజాగా ఈ సినిమా సాంగ్ లాంఛ్ ముంబైలో చేసారు.. హిందీ వరకు ఇదే కుబేరాకు ప్రమోషనల్ ఈవెంట్.తెలుగుతో పాటు అన్ని భాషల్లోనూ వస్తుంది కుబేరా. జూన్ 20న విడుదల కానుంది ఈ చిత్రం.
అంటే ఇప్పట్నుంచి లెక్కేసుకుంటే మరో 10 రోజులు కూడా లేదు. ప్రమోషన్స్ మాత్రం సైలెంట్గా చేస్తున్నారు. తమిళనాడులో ఆడియో లాంచ్ జరిగింది.. తెలుగులో ఈవెంట్ బాకీ ఉంది.. తాజాగా హిందీలో పాట లాంఛ్తో పాటు మీడియా మీట్ ఏర్పాటు చేసారు దర్శక నిర్మాతలు.
ధనుష్, నాగార్జున, రష్మిక మందన్న లాంటి స్టార్స్ ఉన్నా.. స్పెషల్ ప్రమోషనల్ ఈవెంట్స్ అయితే ప్లాన్ చేయట్లేదు. ఏమన్నా అంటే కంటెంట్ విల్ స్పీక్ అంటున్నారు. అంచనాలకు మించి కుబేరా ఉంటుందంటున్నారు నాగార్జున.
టీజర్, పాటలకు కూడా రెస్పాన్స్ అదిరిపోతుండటంతో.. టీంలో జోష్ పెరుగుతుంది. మొత్తానికి తక్కువ ప్రమోషన్తో ఎక్కువ సందడి చేయాలని చూస్తున్నారు కుబేరా టీం.