Heroines: ఉన్నోళ్లు.. వస్తున్నోళ్లు.. రాబోయే వాళ్లు.. అందరిది గ్లామర్ దారే..
ఇప్పుడున్న కాంపిటీషన్‌ని హీరోలు తట్టుకోవడమే కష్టంగా ఉంది.. ఇక హీరోయిన్ల పరిస్థితి అయితే మరీ దారుణం. రోజుకో కొత్త హీరోయిన్ వస్తున్న ఈ రోజుల్లో.. గ్లామర్ డోర్స్ ఓపెన్ చేయడం తప్ప మరో ఆప్షన్ లేకుండా పోతుంది మన హీరోయిన్లకు. అందుకే ఆల్రెడీ రేసులో ఉన్నోళ్లు.. వస్తున్నోళ్లు.. రాబోయే వాళ్లు.. అందరి దారి అందాల గోదారే. వాళ్ళ గ్లామర్ షోపైనే ఇవాల్టి ఎక్స్‌క్లూజివ్..
హీరోయిన్స్ గ్లామర్ షో అనేది ఇప్పుడసలు మ్యాటరే కాదు. ఒకర్ని మించి మరొకరు అందాల ఆరబోతలో PhD చేస్తున్నారు. ఆఫర్స్ కోసం అనుపమ పరమేశ్వరన్, కీర్తి సురేష్ లాంటి హీరోయిన్లు సైతం గ్లామర్ వైపు అడుగులు వేస్తున్నారంటేనే పరిస్థితి అర్థం చేసుకోవచ్చు.
ఇక కొత్త హీరోయిన్ల గురించి నో ఇంట్రడక్షన్.. ఫస్ట్ సినిమాకే గ్లామర్ డోర్స్ ఓపెన్ చేస్తున్నారు.టాలీవుడ్‌లో హీరోయిన్ల కొరత అనేది నెవర్ ఎండింగ్ ఇష్యూ. దాన్ని క్యాష్ చేసుకోడానికి కొత్త భామలను పరిచయం చేస్తూనే ఉంటారు దర్శకులు.
ప్రస్తుతం బాలీవుడ్ బ్యూటీ జాన్వీ కపూర్ చూపు టాలీవుడ్‌పై పడింది. దేవరలో ఈ భామ గ్లామర్ షో మామూలుగా లేదు. మొన్నటి చుట్టమల్లే సాంగ్.. నిన్నటి దావూదిలో అమ్మడు నెక్ట్స్ లెవల్‌లో రెచ్చిపోయారు.
కియారా అద్వానీ సైతం గ్లామర్ షోపైనే ఫోకస్ చేస్తున్నారు. ఆల్రెడీ భరత్ అనే నేను, వినయ విధేయ రామలో అదిరిపోయే షో చేసిన ఈ బ్యూటీ.. గేమ్ ఛేంజర్‌లోనే ఇదే కంటిన్యూ చేస్తున్నారు. జరగండి పాటలో చీర కట్టుతోనే మ్యాజిక్ చేసారు కియారా. రాజా సాబ్ ఫేమ్ మాళవిక మోహనన్ సైతం అందాల ఆరబోతలో తగ్గేదే లే అంటున్నారు.
ఈ మధ్య టాలీవుడ్‌లో ఎక్కువగా వినిపించిన పేరు భాగ్యశ్రీ భోర్సే. ఈమె చేసిన సినిమా మిస్టర్ బచ్చన్ మాత్రమే.. కానీ పేరు మార్మోగడానికి కారణం గ్లామర్ షో. ఇక ఫ్లాపులున్నా.. కావ్య తపర్‌కు వరస ఆఫర్స్ రాడానికి కారణం ఈ గ్లామర్ షోనే. ప్రస్తుతం విశ్వంలో నటిస్తున్నారు కావ్య. మొత్తానికి సమంత లాంటి సీనియర్స్ నుంచి నిన్నమొన్నటి శ్రీలీల వరకు అందరి దారి గ్లామర్ వైపే పడుతుందిప్పుడు.