Trisha : ఆ హీరోను చూసి చాలా గిల్టీగా ఫీలయ్యా.. అతడంటే చాలా ఇష్టం.. హీరోయిన్ త్రిష కామెంట్స్..
హీరోయిన్ త్రిష గురించి చెప్పక్కర్లేదు. దాదాపు రెండు దశాబ్దాలుగా సినీరంగంలో చక్రం తిప్పింది. ఇప్పటికీ బ్యాక్ టూ బ్యాక్ చిత్రాలతో అలరిస్తుంది. తక్కువ సమయంలోనే విపరీతమైన క్రేజ్ సొంతం చేసుకున్న ఈ ముద్దుగుమ్మ పేరు ఇప్పుడు నెట్టింట మారుమోగుతున్న సంగతి తెలిసిందే. ఇదిలా ఉంటే గతంలో తెలుగులో ఓ హీరో గురించి త్రిష చేసిన కామెంట్స్ ఇప్పుడు నెట్టింట వైరలవుతున్నాయి.
హీరోయిన్ త్రిష గతంలో ఇచ్చిన ఓ ఇంటర్వ్యూలో సూపర్స్టార్ మహేష్ బాబుతో కలిసి పనిచేసిన తన అనుభవం గురించి మాట్లాడారు. మహేష్ బాబును అద్భుతమైన వ్యక్తిగా, తన అభిమాన నటులలో ఒకరు అన్నారు. వారిద్దరూ కలిసి పనిచేసినప్పుడు అది ఒక గొప్ప అనుభవం అని త్రిష పేర్కొన్నారు. మహేష్ బాబు గురించి తనకు అత్యంత నచ్చిన విషయం ఏమిటంటే, అతను తనను ఒక కళాకారిణిగా గౌరవించారని, ఇది తనకు చాలా సంతోషాన్ని ఇచ్చిందని ఆమె తెలిపారు. ఒక సూపర్స్టార్ నుండి అలాంటి గౌరవం లభించడం అద్భుతమని, చాలా మంది నటులు అలాంటి ప్రాముఖ్యత ఇవ్వకపోవచ్చని త్రిష అన్నారు.
మహేష్ బాబు గురించి చాలా మందికి తెలియని ఒక ఆసక్తికరమైన విషయాన్ని కూడా త్రిష పంచుకున్నారు. మహేష్ చెన్నైలో తన జీవితంలో ఎక్కువ భాగం పెరిగారని, అందువల్ల త్రిషకు ఆయన కాలేజీ రోజుల నుంచే తెలుసని వెల్లడించారు. మ్యూచువల్ ఫ్రెండ్స్ ద్వారా వారికి ఒకరికొకరు పరిచయం అని, అప్పట్లో అది కేవలం ఒక సాధారణ హాయ్, బాయ్ మాత్రమేనని, వారిద్దరూ సినీ పరిశ్రమలో ఉంటారని ఎప్పుడూ ఊహించలేదని త్రిష గుర్తుచేసుకున్నారు.
చాలా కష్టమైన సన్నివేశాలను చిత్రీకరించిన సందర్భాలు ఉన్నాయని, ఆ సమయంలో తాను 8 గంటల తర్వాత అలసిపోయి వెళ్లాలనుకునేదాన్నని ఆమె చెప్పారు. అయితే, మహేష్ మాత్రం ఉదయం నుంచి రాత్రి 10 లేదా 10:30 గంటల వరకు సెట్లోనే కూర్చుని పనిచేసేవారని తెలిపారు. ఆయన అంకితభావం చూసి తాను గిల్టీగా ఫీలయ్యానని అన్నారు. ఆయన అంత కష్టపడుతుంటే తాను ఏమీ చెప్పే హక్కు లేదని అనిపించిందని త్రిష వెల్లడించారు. మహేష్ ఎప్పుడూ తన వానిటీ వ్యాన్కు వెళ్లడం కూడా చూడలేదని ఆమె వివరించారు.
అది తన సన్నివేశం అయినా, కమెడియన్ సన్నివేశం అయినా, లేదా కాంబినేషన్ సన్నివేశం అయినా, మహేష్ మానిటర్ ముందు కూర్చుని, ఎటువంటి జోక్యం చేసుకోకుండా, ఇతర నటులను వారి పని చేయనిచ్చేవారని త్రిష అన్నారు. మహేష్ బాబు పని పట్ల ఉన్న అంకితభావం, నిబద్ధత సినీ పరిశ్రమలో అందరికీ ఆదర్శప్రాయమని త్రిష అన్నారు. మహేష్ బాబు షూటింగ్ సమయంలో ఎప్పుడూ తన వానిటీ వ్యాన్కు వెళ్లరని, అది తన సీన్ అయినా, ఇతరుల సీన్ అయినా మానిటర్ ముందే కూర్చుని గమనిస్తుంటారని త్రిష చెప్పుకొచ్చారు.
తోటి నటుల నటనలో ఆయన ఎప్పుడూ జోక్యం చేసుకోరని, ఎవరినైనా వారి శైలిలోనే నటించనిస్తారని మహేష్ బాబు ప్రొఫెషనలిజంపై త్రిష ప్రశంసల జల్లు కురిపించారు. గతంలో వీరిద్దరి కాంబినేషన్లో వచ్చిన 'అతడు', 'సైనికుడు' చిత్రాలు ప్రేక్షకులను ఎంతగానో అలరించిన సంగతి తెలిసిందే. షూటింగ్స్ సమయంలో మహేష్ బాబు చూపే డెడికేషన్ గురించి మాటలు ఉండవని అన్నారు. ప్రస్తుతం మహేష్ వారణాసి చిత్రీకరణలో బిజీగా ఉన్న సంగతి తెలిసిందే. ఇందులో ప్రియాంక చోప్రా కథానాయికగా నటిస్తుంది.