Tollywood : బ్యాడ్ లక్ బ్యూటీకి ఛాన్స్ ఇచ్చిన డైరెక్టర్.. క్రేజీ ఆఫర్ కొట్టేసిన టాలీవుడ్ హీరోయిన్..
ఒకప్పుడు సౌత్ ఇండస్ట్రీలో ఆమె లక్కీ బ్యూటీ. స్టార్ హీరోలతో జతకట్టిందంటే హిట్టు పడాల్సిందే. వరుస ప్రాజెక్టులతో కెరీర్ ఎంతో బిజీగా గడిచింది. కానీ ఇప్పుడు ఆమె పరిస్థితి పూర్తిగా మారిపోయింది. టాలీవుడ్, బాలీవుడ్, కోలీవుడ్.. ఇలా అన్నీ ఇండస్ట్రీలలో ఆమె నటిస్తున్న సినిమాలన్నీ వరుసగా అట్టర్ ప్లాప్ అవుతున్నాయి. దీంతో చాలా కాలంగా ఆమె సరైన బ్రేక్ కోసం వెయిట్ చేస్తుంది.
ఒకప్పుడు దక్షిణాది, బాలీవుడ్ చిత్ర పరిశ్రమలో 'లక్కీ సుందరి'గా పేరు సంపాదించుకున్న హీరోయిన్ పూజా హెగ్డే. కానీ ఇప్పుడు ఆమె స్వర్ణయుగం ఇప్పుడు ముగిసినట్లు కనిపిస్తోంది. ఇటీవలి సంవత్సరాలలో ఆ హీరోయిన్ నటించిన చిత్రాలు దక్షిణాది, బాలీవుడ్ రెండింటిలోనూ వరుస పరాజయాలను చవిచూశాయి . పెద్ద పెద్ద సూపర్స్టార్లతో స్క్రీన్ పంచుకున్నప్పటికీ, బాక్సాఫీస్ వద్ద విజయం ఆమెకు ఒక కలగా మిగిలిపోయింది. ఆమె హిందీ సినిమాల ద్వారా విజయం సాధించాలని ఆశిస్తోంది.
ఆమె మరెవరో కాదు పూజా హెగ్డే. 2021లో వచ్చిన 'మోస్ట్ ఎలిజిబుల్ బ్యాచ్లర్' సినిమాతో ఆమెకు ఆశించిన స్థాయిలో మెప్పించలేకపోయింది. ఆ తర్వాత 'రాధే శ్యామ్', ఆచార్య, బీస్ట్, కిసీ కా భాయ్ కిసీ కీ జాన్, సర్కస్, 'దేవా', 'రెట్రో' సినిమాలు డిజాస్టర్స్ అయ్యాయి. ఇంకా ఇటీవల విజయ్ సరసన ఆమె నటించిన 'జన నాయగన్' విడుదల ఇంకా చిక్కుల్లోనే ఉంది. అలా, పూజా హెగ్డే చేయి చాచిన ప్రతీదీ బంగారంగా మారిన ఆ రోజులు పోయాయి.
వరుస వైఫల్యాలతో సతమతమవుతున్న పూజా హెగ్డే, ఇప్పుడు 'హై జవానీ తో ఇష్క్ హోనా హై' చిత్రం అవకాశం అందుకుంది. ఈ ప్రాజెక్ట్ ఒక పెద్ద ఆశాకిరణంగా నిలిచింది. ఈ సినిమాతో ఆమె తన పరాజయాల పరంపరకు బ్రేక్ వేయడానికి సిద్ధమవుతోంది. డేవిడ్ ధావన్ దర్శకత్వంలో, వరుణ్ ధావన్ కథానాయకుడిగా నటిస్తున్న ఈ చిత్రం, ఆ నటి కెరీర్లో ఒక మలుపు అవుతుందని భావిస్తున్నారు. పూజా హెగ్డే కూడా ఈ ప్రాజెక్ట్ కోసం ఆసక్తిగా ఎదురుచూస్తోంది
తాను కోల్పోయిన 'లక్కీ హీరోయిన్' హోదాను తిరిగి పొందాలని ఆశిస్తోంది ఈ అమ్మడు. ఈ చిత్రం జూన్ 5న విడుదల కానుంది. మోడలింగ్ రంగం నుంచి సినిమా ఇండస్ట్రీలోకి అడుగుపెట్టిన ఈ ముంబై భామ, అతి తక్కువ కాలంలోనే టాలీవుడ్ అగ్ర కథానాయకులందరి సరసన నటించి 'స్టార్ హీరోయిన్' హోదాను సంపాదించుకుంది. కేవలం గ్లామర్ పరంగానే కాకుండా తన నటన, అద్భుతమైన డాన్స్ స్కిల్స్తో పరిశ్రమలో తనదైన ముద్ర వేసింది.
పూజా హెగ్డే 2012లో తమిళ చిత్రం 'మూగమూడి' ద్వారా వెండితెరకు పరిచయమైంది. ఆ తర్వాత తెలుగులో నాగచైతన్య సరసన 'ఒక లైలా కోసం', వరుణ్ తేజ్ సరసన 'ముకుంద' సినిమాల్లో నటించి మంచి గుర్తింపు తెచ్చుకుంది. అయితే, అల్లు అర్జున్ సరసన నటించిన 'దువ్వాడ జగన్నాథమ్' (DJ) సినిమా ఆమె కెరీర్ను మలుపు తిప్పింది. ఈ సినిమాతో పూజా టాలీవుడ్లో మోస్ట్ వాంటెడ్ హీరోయిన్గా మారిపోయింది. ఆ తర్వాత ఆమె నటించిన అరవింద సమేత వీర రాఘవ, మహర్షి, గద్దలకొండ గణేష్ చిత్రాలు బాక్సాఫీస్ వద్ద మంచి విజయాలను అందుకున్నాయి.