Cholesterol: రాత్రిళ్లు చేసే ఈ పొరబాట్లు మీ ఒంట్లో కొలెస్ట్రాల్‌ను అమాంతం పెంచేస్తాయ్‌..! వెంటనే మానేయండి
నోటికి రుచికరమైన ఆహారం ఆరోగ్యానికి ఎల్లప్పుడూ కీడు తలపెడుతుంది. ముఖ్యంగా వేయించిన ఆహారంలో కొలెస్ట్రాల్ విపరీతంగా పెరుగుతుంది. దీంతో చిన్న వయసులోనే కొలెస్ట్రాల్ బారిన పడే వారి సంఖ్య నానాటికీ పెరుగుతోంది. నేషనల్ సెంటర్ ఫర్ బయోటెక్నాలజీ ఇన్ఫర్మేషన్ నిర్వహించిన సర్వే ప్రకారం.. భారతదేశంలో 52 శాతం మంది చెడు కొలెస్ట్రాల్‌తో బాధపడుతున్నారు..
నోటికి రుచికరమైన ఆహారం ఆరోగ్యానికి ఎల్లప్పుడూ కీడు తలపెడుతుంది. ముఖ్యంగా వేయించిన ఆహారంలో కొలెస్ట్రాల్ విపరీతంగా పెరుగుతుంది. దీంతో చిన్న వయసులోనే కొలెస్ట్రాల్ బారిన పడే వారి సంఖ్య నానాటికీ పెరుగుతోంది. నేషనల్ సెంటర్ ఫర్ బయోటెక్నాలజీ ఇన్ఫర్మేషన్ నిర్వహించిన సర్వే ప్రకారం.. భారతదేశంలో 52 శాతం మంది చెడు కొలెస్ట్రాల్‌తో బాధపడుతున్నారు.
కొలెస్ట్రాల్ నియంత్రణలో లేకుంటే పెను ప్రమాదం. దీనివల్ల గుండెపోటు వచ్చే అవకాశం పెరుగుతుంది. అందుకే తగిన జాగ్రత్తలు తీసుకోవడం వల్ల ప్రమాదం నుంచి బయటపడొచ్చు. దానితో పాటు కొన్ని రోజువారీ అలవాట్లను కూడా మార్చుకోవాలి. రాత్రిపూట చేసే కొన్ని చెడు అలవాట్ల వల్ల శరీరంలో చెడు కొలెస్ట్రాల్ పెంచుతాయని నిపుణులు చెబుతున్నారు. అధిక కొలెస్ట్రాల్ ఊబకాయాన్ని పెంచుతుంది. కిడ్నీ సమస్యలు కూడా వస్తాయి. కాబట్టి కొలెస్ట్రాల్‌ను అదుపులో ఉంచుకోవడానికి ఈరోజే ఆ అలవాట్లను మార్చుకోండి.
రాత్రిపూట తక్కువగా తినాలి. రాత్రి 8 నుంచి 9 గంటల మధ్య రాత్రి భోజనం చేయాలని వైద్యులు చెబుతున్నారు. ఆహారంలో సూప్, సలాడ్ వంటి తేలికపాటి ఆహారాలను తీసుకోవడం మంచిది. అన్నం, చపాతీ తిన్నా తక్కువ పరిమాణంలో మాత్రమే తినాలి.
రాత్రిపూట ప్రొటీన్లు తక్కువగా తీసుకోవడం మంచిది. చేపలు లేదా మాంసం తినడానికి బదులుగా, తక్కువ మసాలా, నూనెతో వండిన ఆహారాన్ని తీసుకోవాలి. రాత్రిపూట భారీ భోజనం జీర్ణక్రియ సమస్యలను కలిగిస్తుంది. రాత్రిపూట పనిచేసే వారిలో చాలా మంది, పనిచేసేటప్పుడు నిద్రపోకుండా ఉండేందుకు చాక్లెట్లు లేదా కాఫీ తీసుకుంటూ ఉంటారు. కొలెస్ట్రాల్ తగ్గాలంటే ఇప్పుడే ఈ అలవాటు మానేయాలి.
'మిడ్‌నైట్‌ క్రేవింగ్స్‌' అనే పదం రాత్రిళ్లు రెగ్యులర్‌గా నిద్రలేచే వారికి బాగా సుపరిచితమే. ఇలా చాలా మంది రాత్రిళ్లు బర్గర్లు, పిజ్జా, సలామీ లేదా ఇతర ఆహారాన్ని తింటుంటారు. అయితే కొలెస్ట్రాల్ సమస్యలుంటే రాత్రిపూట ఈ ఆహారాలకు దూరంగా ఉండాలి. మీకు ఇప్పటికే కొలెస్ట్రాల్ ఉంటే, తప్పనిసరిగా ఆల్కహాల్ అలవాటు మానేయాలి.