Do Cats Understand Words: పిల్లులకు మనుషుల భాష అర్ధం అవుతుందా? సైన్స్ ఏం చెబుతోందంటే..
చాలా మంది జంతుప్రేమికులు పిల్లులను తమతోపాటు ఇళ్లలో పెంచుకుంటుంటారు. వాటికి ముద్దు పేర్లు పెట్టుకుని తెగ గారం చేస్తుంటారు. ఐతే పిల్లికి వాటి యజమాని మధ్య సంభాషణ ఎలా ఉంటుంది? మనుషుల మాటలను పిల్లులు అర్ధం చేసుకుంటాయా? అనే విషయంపై..
చాలా మంది జంతుప్రేమికులు పిల్లులను తమతోపాటు ఇళ్లలో పెంచుకుంటుంటారు. వాటికి ముద్దు పేర్లు పెట్టుకుని తెగ గారం చేస్తుంటారు. ఐతే పిల్లికి వాటి యజమాని మధ్య సంభాషణ ఎలా ఉంటుంది? మనుషుల మాటలను పిల్లులు అర్ధం చేసుకుంటాయా? అనే విషయంపై ఫ్రాన్స్లో ఇటీవల జరిగిన ఒక అధ్యయనంలో ఆసక్తికర విషయాలు వెల్లడయ్యాయి. పిల్లి దాని యజమాని చెప్పే ప్రతిదాన్ని అర్థం చేసుకుంటుందని యానిమల్ కాగ్నిషన్ జర్నల్లో ప్రచురించింది.
పిల్లి, దాని యజమాని మధ్య సంబంధం ఎలా మెరుగుపడుతుందో కూడా వీరి పరిశోధనలో బయటపడింది. పారిస్లోని నేషనల్ వెటర్నరీ స్కూల్ ఆఫ్ ఆల్ఫోర్ట్లో 16 పిల్లులపై జరిగిన పరిశోధనలో వెల్లడించారు.
తెలియని వ్యక్తుల మాటలను పిల్లులు ఎంతమేరకు అర్థం చేసుకుంటాయో వీరు తెలిపారు.
రీసెర్చ్ సమయంలో పిల్లులను ఇంగ్లీషులో వాటి పేర్లతో పిలుస్తూ, డూ యూ వాంట్ టు ప్లే విత్ మి (నాతో ఆడుకుంటావా), సీ యూ లేటర్ (తర్వాత కలుస్తాను), హౌ ఆర్ యూ (ఎలా ఉన్నావు)... ఈ విషయాలు పిల్లులకు యజమాని, గుర్తు తెలియని వ్యక్తులు చెప్పారు. ఐతే తెలియని వ్యక్తుల మాటలపై పిల్లి ఆసక్తి చూపలేదని, దాని యజమాని అదే విషయాన్ని చెప్పినప్పుడు పిల్లి స్పందించిందని పరిశోధనలో తేలింది.
కుక్కల కంటే పిల్లులు తక్కువ సామాజిక జీవులని పరిశోధనలో వెల్లడైంది. పిల్లులను బయటకు తీసుకు వెళ్లడం వాటికి ఇష్టం ఉండదట. యజమాని వాటిని బయటకు తీసుకువచ్చినప్పుడల్లా, అవి అసౌకర్యంగా అనిపిస్తుంది. పిల్లులు-వాటి యజమానులతో చాలా సన్నిహిత సంబంధం ఉన్నట్లు తెలిపారు.