1 బిలియన్ డాలర్ కంటే ఎక్కువ వసూలు చేసిన యానిమేషన్ చిత్రం.. అన్ని రికార్డులు బద్దలు
డిస్నీ, పిక్సర్ సంయుక్తంగా నిర్మించిన సూపర్‌హిట్ యానిమేషన్ చిత్రం 'ఇన్‌సైడ్ అవుట్'కి సీక్వెల్ 'ఇన్‌సైడ్ అవుట్ - 2' ఇటీవల విడుదలైంది. రెండో భాగం కూడా ప్రేక్షకుల ఆదరణ పొందింది. ఈ సినిమా కొద్దిరోజుల్లోనే బాక్సాఫీస్ వద్ద భారీ రికార్డ్ క్రియేట్ చేసింది..
డిస్నీ, పిక్సర్ సంయుక్తంగా నిర్మించిన సూపర్‌హిట్ యానిమేషన్ చిత్రం 'ఇన్‌సైడ్ అవుట్'కి సీక్వెల్ 'ఇన్‌సైడ్ అవుట్ - 2' ఇటీవల విడుదలైంది. రెండో భాగం కూడా ప్రేక్షకుల ఆదరణ పొందింది. ఈ సినిమా కొద్దిరోజుల్లోనే బాక్సాఫీస్ వద్ద భారీ రికార్డ్ క్రియేట్ చేసింది.
ఈ చిత్రం 3 వారాల లోపే ప్రపంచవ్యాప్తంగా 1 బిలియన్ డాలర్లకు పైగా వసూలు చేసింది. అందుకే అతి తక్కువ సమయంలో 1 బిలియన్ డాలర్ల క్లబ్‌లో చేరిన ఏకైక యానిమేషన్ చిత్రంగా 'ఇన్‌సైడ్ అవుట్ - 2' నిలిచింది. ఈ చిత్రం ఈ అపూర్వమైన ప్రదర్శన గత చిత్రాల రికార్డులను బద్దలు కొట్టింది.
గతంలో యానిమేషన్ చిత్రం 'ఫ్రోజెన్ - 2' 25 రోజుల్లో 1 బిలియన్ డాలర్లు రాబట్టింది. 'ఇన్ సైడ్ అవుట్ - 2' చిత్రానికి ఇండియాలోనూ మంచి రెస్పాన్స్ వచ్చింది. ఇండియాలో ఈ సినిమా కేవలం 19 రోజుల్లోనే రూ.101.48 కోట్లు (12.7 మిలియన్ డాలర్లు) వసూలు చేసింది.
ఇండియాలో కూడా అత్యంత వేగంగా 100 కోట్ల వసూళ్లు రాబట్టిన యానిమేషన్ చిత్రాల జాబితాలో 'ఇన్‌సైడ్ అవుట్ - 2' చిత్రం అగ్రస్థానంలో నిలిచింది. ఆసక్తికరంగా భారతదేశంలో 100 కోట్లు లేదా అంతకంటే ఎక్కువ వసూలు చేసిన చిత్రాల జాబితాలోని 11 చిత్రాలలో 8 డిస్నీ, పిక్సర్‌లకు చెందినవి.
'ఇన్ సైడ్ అవుట్ -2' సినిమాలోని పాత్రల ఎమోషనల్ జర్నీ ప్రపంచవ్యాప్తంగా ప్రేక్షకులను ఎంతగానో ఆకట్టుకుంది. మానవ భావోద్వేగాలను ప్రతిబింబించే పాత్రలను ప్రదర్శించడం ద్వారా మనలో జరిగే సంక్లిష్టతలను లోతుగా పరిశోధించగల సినిమా సామర్థ్యాన్ని ఇది చూపిస్తుంది.