Gold Price: మహిళలకు గుడ్‌న్యూస్‌.. భారీగా తగ్గిన బంగారం..అదే బాటలో వెండి..
Gold Price: బంగారం, వెండి ధరల్లో భారీ మార్పులు చోటు చేసుకుంటున్నాయి. ఇటీవల నుంచి బంగారం, వెండి ధరలు పరుగులు పెడుతున్నాయి. తులం బంగారం రూ.80 వేలు దాటగా, వెండి ధర రూ.1 దాటేసింది. కానీ ప్రస్తుతం భారీగా దిగి వచ్చాయి..
బంగారం, వెండి పరుగులు పెడుతోంది. బడ్జెట్‌ ప్రకటన తర్వాత ఒక్కసారిగా దిగి వచ్చిన పసిడి ధరలు.. కొన్ని రోజులు అలాగే తగ్గుతూ వచ్చిన ధరలు.. క్రమంగా మళ్లీ పైపైకి వెళ్తున్నాయి. ప్రస్తుతం తులం బంగారం ధర రూ.80 వేలకుపైగా దాటేసింది. అదే వెండి ధర లక్షకుపైగానే నమోదవుతోంది.
అయితే తాజాగా ధరలను పరిశీలిస్తే అక్టోబర్‌ 24న మధ్యాహ్నం 3 గంటల సమయానికి భారీగా దిగి వచ్చింది. తులం బంగారంపై ఏకంగా రూ.600 వరకు తగ్గుముఖం పట్టింది. నిన్నటి వరకు ఎగబాకిన బంగారం ధర ఒక్కసారిగా భారీగా దిగి రావడంతో మహిళలకు ఇది శుభవార్తేనని చెప్పాలి. దేశీయంగా 22 క్యారెట్ల పది గ్రాముల బంగారం ధర రూ.72,850 ఉండగా, అదే 24 క్యారెట్ల పది గ్రాముల బంగారం ధరరూ.79,470 వద్ద కొనసాగుతోంది. అదే నిన్నటి వరకు 80,070 వద్ద ఉంది.
దేశ రాజధాని దిల్లీలో 22 క్యారెట్ల 10 గ్రాముల పసిడి ధర 73,000 ఉండగా, 24 క్యారెట్ల 10 గ్రాముల ధర రూ.79,470 వద్ద ఉంది. ఇక హైదరాబాద్‌లో 22 క్యారెట్ల 10 గ్రాముల పసిడి ధర రూ.72,850 ఉండగా, అదే 24 క్యారెట్ల 10 గ్రాముల ధర రూ.79,470 వద్ద ఉంది. ఇక వెండి ధర విషయానికొస్తే .. కిలోపై రూ.2000 వరకు తగ్గుముఖం పట్టి ప్రస్తుతం రూ.1,10,000 వద్ద ఉంది.
ఇప్పటి వరకు బంగారం ధరలు పరుగులు పెడుతూనే ఉంది. పెళ్లిళ్ల సీజన్‌ కావడంతో వీటి ధరలు పెరుగుతున్నట్లు ఇండియా సరాఫా అసోసియేషన్‌ వెల్లడించింది. ఇక గత వారంలో వెండి దాదాపు రూ.10వేల మేర పెరగ్గా.. బంగారం సైతం 10 గ్రామలు దాదాపు రూ.2850 మేర పెరగడం గమనార్హం.
గత ఏడాది అదే నెలలో అంతర్జాతీయంగా ఔన్సు (31.10 గ్రాముల) మేలిమి బంగారం ధర 1938 డాలర్ల వద్ద ఉండేది. ఈ ఏడాది చూస్తే జనవరిలోనూ 2000 డాలర్లుగా ఉంది. ఈ ఏడాది జులైలో ప్రవేశపెట్టిన బడ్జెట్‌లో బంగారంపై కస్టమ్స్‌ డ్యూటీ తగ్గించడంతో ధర దాదాపు 7 శాతం మేర పతనమైంది. అయితే, తగ్గినట్లే తగ్గిన బంగారం ధర మళ్లీ పుంజుకుంది.