Financial Alerts: ఒక్క పొరపాటుతో లక్షలు నష్టపోవచ్చు.. ఏప్రిల్ 5వ తేదీలోగా ఇది చేయండి!
Financial Alerts: కొన్ని ప్రభుత్వ పథకాల్లో మీరు పెట్టుబడి పెడుతున్నట్లయితే జాగ్రత్తగా ఉండాలి. చిన్న పొరపాటే పెద్ద నష్టానికి దారి తీయవచ్చు. మీకు పెట్టే పెట్టేబడికి ఒక తేదీని నిర్ణయించినట్లయితే ఆ తేదీలోగా మీరు డిపాజిట్ చేయాల్సి ఉంటుంది. లేకుంటే గణనీయమైన నష్టాన్ని చవి చూడాల్సి ఉంటుందని గుర్తించుకోండి. అదేంటో తెలుసుకుందాం..
PPF Scheme: మీకు కూడా పోస్ట్ ఆఫీస్ పథకాలు నచ్చి, వాటిలో ఎలాంటి నష్టం లేకుండా పెట్టుబడి పెట్టాలనుకుంటే, లేదా మీరు ఇప్పటికే పెడుతుంటే, అప్పుడు మీరు ఏప్రిల్ 5వ తేదీ లోపు ఈ పనిని పూర్తి చేయాలి. లేకపోతే, మీరు గణనీయమైన నష్టాలను చవిచూడవచ్చు. అవేంటో తెలుసుకుందాం..
పబ్లిక్ ప్రావిడెంట్ ఫండ్ (PPF) అనేది పన్ను ప్రయోజనాలు, అధిక వడ్డీ రేట్లను అందించే ఒక దీర్ఘకాలిక ప్రభుత్వ పథకం. పీపీఎఫ్పై వచ్చే వడ్డీకి పన్ను ఉండదు. ఏప్రిల్-జూన్ 2026 త్రైమాసికానికి పీపీఎఫ్ పథకంపై వడ్డీ రేటు 7.1%. మీరు కొత్త పెట్టుబడిని ప్రారంభిస్తుంటే ఏడాది పొడవునా వడ్డీని పొందడానికి ఏప్రిల్ 5వ తేదీలోపు మీ పీపీఎఫ్ ఖాతాను తెరిచి రూ.1.5 లక్షలు పెట్టుబడి పెట్టాలి. ఆర్థిక సంవత్సరం ప్రారంభంలో చేసే ఒక చిన్న పెట్టుబడి కాలక్రమేణా గణనీయమైన మొత్తంగా పెరగవచ్చు.
పీపీఎఫ్ వడ్డీని ప్రతి నెల 5వ తేదీ నుండి నెల చివరి వరకు ఉన్న కనీస నిల్వ ఆధారంగా లెక్కిస్తారు. అంటే మీరు ఏప్రిల్ 1వ తేదీ నుండి 5వ తేదీ మధ్య డబ్బు జమ చేస్తే మీకు మొత్తం నెలకు వడ్డీ లభిస్తుంది. మీరు ఏప్రిల్ 6వ తేదీన పెట్టుబడి పెడితే, ఆ నెలకు మీకు వడ్డీ అందదు. అలాగే మీ సంపాదన ఒక నెల తగ్గుతుంది. ఉదాహరణకు, మీరు సంవత్సరానికి రూ.1.5 లక్షలు పెట్టుబడి పెడతారనుకుందాం. ఏప్రిల్ 1వ తేదీ నుండి 5వ తేదీ మధ్య చేసిన పెట్టుబడులపై సంవత్సరం మొత్తం వడ్డీ లభిస్తుంది. 7.1% వడ్డీ రేటు ప్రకారం ఇది సుమారుగా రూ.10,650 అవుతుంది.
మీరు ఏప్రిల్ 6వ తేదీ తర్వాత పెట్టుబడి పెడితే మీకు 11 నెలల వడ్డీ మాత్రమే లభిస్తుంది. అది సుమారుగా రూ.9,763. అంటే, ఒక్క రోజు ఆలస్యం వల్ల రూ.887 నష్టం వాటిల్లవచ్చు. అలా నెల నష్టం చిన్నదిగా అనిపిచినా తర్వాల పెద్ద నష్టంగా మారవచ్చు.
అదేవిధంగా 15 సంవత్సరాల కాలంలో మీరు ప్రతి సంవత్సరం ఏప్రిల్ 1 నుండి 5 మధ్య పెట్టుబడి పెడితే మీ మొత్తం రూ.22.5 లక్షల పెట్టుబడి సుమారుగా రూ.40.68 లక్షలు అవుతుంది. అయితే మీరు ప్రతి సంవత్సరం పెట్టుబడి పెట్టడాన్ని ఆలస్యం చేస్తే, మీరు సుమారుగా రూ.37.80 లక్షలు మాత్రమే కూడబెట్టుకుంటారు. అంటే సుమారుగా రూ.3 లక్షల నష్టం వస్తుంది.