Online Shopping: పండుగ సీజన్.. ఆన్‌లైన్ షాపింగ్.. జాగ్రత్తగా ఉండకపోతే మీ బ్యాంక్ ఎకౌంట్ గల్లంతే..
పండుగ సీజన్.. ఆన్‌లైన్ షాపింగ్ హంగామా మొదలైంది. ఈ కామర్స్ కంపెనీలు ఆఫర్ల జోరు.. ప్రకటనల హోరు మొదలు పెట్టేశాయి. మన దేశంలో ప్రస్తుత పండగల్లో ఆన్‌లైన్ షాపింగ్‌కు దాదాపుగా 87% మంది రెడీ అయిపోయారని నీల్సన్ మీడియా ఇండియా రిపోర్ట్ చెబుతోంది.ఆన్‌లైన్ షాపింగ్ చేసినపుడు దాదాపుగా అందరూ ఆన్‌లైన్ పేమెంట్స్ చేస్తారు. క్యాష్ ఆన్ డెలివరీ సదుపాయం ఉన్నా చాలా తక్కువ మంది ఈ విధానం ఎంచుకుంటారు.
పండుగ సీజన్.. ఆన్‌లైన్ షాపింగ్ హంగామా మొదలైంది. ఈ కామర్స్ కంపెనీలు ఆఫర్ల జోరు.. ప్రకటనల హోరు మొదలు పెట్టేశాయి. మన దేశంలో ప్రస్తుత పండగల్లో ఆన్‌లైన్ షాపింగ్‌కు దాదాపుగా 87% మంది రెడీ అయిపోయారని నీల్సన్ మీడియా ఇండియా రిపోర్ట్ చెబుతోంది.
ఆన్‌లైన్ షాపింగ్ చేసినపుడు దాదాపుగా అందరూ ఆన్‌లైన్ పేమెంట్స్ చేస్తారు. క్యాష్ ఆన్ డెలివరీ సదుపాయం ఉన్నా చాలా తక్కువ మంది ఈ విధానం ఎంచుకుంటారు. సరిగ్గా ఈ సీజన్ కోసం ఈ కామర్స్ సంస్థలతో పాటూ మరో వర్గమూ ఎదురుచూస్తుంది. అదే సైబర్ నేరగాళ్ల వర్గం.
జాగ్రత్తగా ఉండకపోతే.. ఒక తప్పు చేస్తే చాలు వీరి చేతిలో పడి మన బ్యాంక్ ఎకౌంట్స్ జీరో అయిపోవడానికి నిమిషాల వ్యవధి కన్నా ఎక్కువ పట్టదు. ఆన్‌లైన్ నేరగాళ్లు ఎలాంటి వల మన మీద వేస్తారో తెలుసుకుందాం. QR కోడ్‌లు, OTP షేరింగ్-డెబిట్/క్రెడిట్ కార్డ్ లావాదేవీలకు సంబంధించిన మోసం వీటిలో చాలా ఎక్కువగా జరుగుతుంది
నాన్ ప్రాఫిట్ ఆర్గనైజేషన్ స్టార్టప్ FCRF రీసెర్చ్ పేపర్స్ ప్రకారం... దేశంలో జరుగుతున్న సైబర్ నేరాలలో ఈ మోసాల వాటా 77 శాతం కంటే ఎక్కువగా ఉంది. మీ వ్యక్తిగత వివరాలు తీసుకుని... ఆపై ఓటీపీ అడిగి మిమ్మల్ని మోసం చేస్తారు. OTP మోసంలో, మిమ్మల్ని OTPని షేర్ చేయమని ప్రాంప్ట్ వస్తుంది.
పొరపాటున ఎవరికైనా ఓటీపీ షెర్ చేశారో మీ ఎకౌంట్ ఖాళీ కావడానికి ఎంతో సేపు పట్టదు. తరువాత మీరు చింతించకా తప్పదు.. షాపింగ్ వెబ్‌సైట్ కస్టమర్ కేర్‌గా నటిస్తూ కాల్ చేస్తారు. కస్టమర్ నమ్మకాన్ని గెలుచుకుంటారు. OTPని తీసుకుంటారు.
దాని ద్వారా కస్టమర్ బ్యాంక్ ఎకౌంట్ కు కనెక్ట్ అయిపోతారు. ఇంకేముంది.. ఎకౌంట్ ఖాళీ అయిపోతుంది. సైబర్ మోసగాళ్లకు భారీ డేటాబేస్ ఉంది.. దాని ఆధారంగానే మోసాలకు పాల్పడుతున్నారు. వారు సెర్చ్ ఇంజిన్‌లు లేదా సర్వీస్ పోర్టల్‌ల ప్రకారం డేటాను వేరు చేస్తారు...
ఆపై మోసం ఉచ్చును నేస్తారు. ఎలా అంటే.. వారు మీరు దేని కోసం ఆన్‌లైన్ లో సెర్చ్ చేశారు? మీరు ఏమి కొనుగోలు చేస్తున్నారు.? మీరు ఏ సైట్ లోకి ఎంటర్ అవుతున్నారు? వంటి అన్ని విషయాలను వారు తెలుసుకుంటారు. ఈ వివరాల ఆధారంగా వారు మిమ్మల్ని సంప్రదించి మిమ్మల్ని మోసం చేస్తారు.