FIFA World Cup 2022 Trophy: ఫీఫా ప్రపంచకప్ ట్రోఫీని ఆవిష్కరించేందుకు ఖతర్‌కు పయనమైన దీపికా పదుకొనే.. నెట్టింట వైరల్ అవుతున్న ఫొటోలు..
ఆదివారం ఖతర్‌లోని లూసెయిల్ స్టేడియంలో ఫీఫా వరల్డ్ కప్ ఫైనల్ మ్యాచ్ ఫ్రాన్స్, అర్జెంటీనా దేశాల మధ్య జరగనుంది. ఈ సందర్భంగా బాలీవుడ్ నటి దీపికా పదుకొనే ఫీఫా వరల్డ్ కప్ ట్రోఫీని అవిష్కరించేందుకు ఖతర్‌కు పయనయ్యింది. ఈ క్రమంలోనే ఆమె విమానాశ్రయంలో ఫొటోలకు ఫోజులిచ్చింది. దీంతో ఆ ఫొటోలు నెట్టింట వైరల్ అవుతున్నాయి..
షారుఖ్ ఖాన్, దీపికా పదుకొనే నటిస్తున్న ‘పఠాన్’ సినిమాలోని మొదటి పాట ‘బేషరమ్ రంగ్’ విడుదలైన తర్వాత ఈ బాలీవుడ్ నటి ఇప్పటికే వార్తల్లో నిలిచింది. ఇంటర్నెట్‌లో వైరల్ అవుతోన్న ఈ పాట నెటిజన్ల వ్యతిరేకతకు లోనయింది. దీపికా బికినీ లుక్, ఎక్స్‌పోజర్ కొందరికి నచ్చలేదు. ఈ కారణంతో 2022 సంవత్సరంలో నెలకొన్న అతిపెద్ద వివాదాలలో ఇదీ ఒకటిగా మారింది. దేశంలో నెలకొన్న ఈ వివాదాల మధ్య దీపికా ఫీఫా ప్రపంచ కప్ ఫైనల్స్ కోసం ఖతార్‌కు పయనమై విమానాశ్రయానికి వెళ్తుండగా ఆమె ఫొటోలకు చిక్కింది.
ఈ రోజు(ఆదివారం) ఫ్రాన్స్, అర్జెంటీనా దేశాల మధ్య జరగనున్న ఫీఫా వరల్డ్ కప్ 2022 ఫైనల్స్ సందర్భంగా దీపికా ప్రపంచకప్ ట్రోఫీని ఆవిష్కరించనుంది. ఈ మేరకు ఆమె శనివారం విమానాశ్రయంలో కనిపించింది.
ఈ క్రమంలోనే విమానాశ్రయంలో ఆమె ఫొటోలకు ఫోజు ఇచ్చింది.
ఈ సందర్భంగా ఫుట్‌బాల్ లెజెండ్ మెస్సీతో సెల్ఫీ దిగమని దీపికాతో ఓ చిన్నారి పాప ఆనడం అక్కడి వారికి సరదాగా నవ్వించిన ఘటన. అందుకు దీపికా కూడా సరే అని తల ఊపింది.
దీపికా నటించిన ‘పఠాన్’ ప్రేక్షకుల కోసం రాబోతున్న భారీ యాక్షన్ మూవీ అని చెప్పుకోవాలి. ఇక ఈ సినిమాలో బాలీవుడ్ నటులు షారూఖ్ ఖాన్, జాన్ అబ్రహం ఇంకా నటి దీపికా పదుకొనే ప్రధాన పాత్రలలో నటించారు.
కాగా ‘పఠాన్’ సినిమా వచ్చే ఏడాది(2023) జనవరి 25న హిందీ సహా తమిళం, తెలుగులో విడుదల కానుంది.