రూ.4 కోట్ల కరెన్సీ నోట్లతో వాసవీ మాత అలంకరణ.. భీమవరంలో ధనలక్ష్మి అవతారంలో అమ్మవారి దర్శనం!
శరన్నవరాత్రి ఉత్సవాల వేళ పశ్చిమగోదావరి జిల్లా భీమవరంలో భక్తి ప్రపత్తులు వెల్లివిరిశాయి. స్థానిక త్యాగరాజ భవనంలో జరుగుతున్న శ్రీ వాసవీ కన్యకా పరమేశ్వరి అమ్మవారి 59వ దసరా ఉత్సవాల్లో భాగంగా అమ్మవారు భక్తులకు కన్నులవిందుగా ‘ధనలక్ష్మి’ అవతారంలో దర్శనమిచ్చారు.ఏకంగా రూ. 4 కోట్ల కరెన్సీ నోట్లతో అమ్మవారిని అలంకరించడం భక్తులను విశేషంగా ఆకట్టుకుంటోంది.
శరన్నవరాత్రి ఉత్సవాల వేళ పశ్చిమగోదావరి జిల్లా భీమవరంలో భక్తి ప్రపత్తులు వెల్లివిరిశాయి. స్థానిక త్యాగరాజ భవనంలో జరుగుతున్న శ్రీ వాసవీ కన్యకా పరమేశ్వరి అమ్మవారి 59వ దసరా ఉత్సవాల్లో భాగంగా అమ్మవారు భక్తులకు కన్నులవిందుగా ‘ధనలక్ష్మి’ అవతారంలో దర్శనమిచ్చారు.
ఏకంగా రూ. 4 కోట్ల కరెన్సీ నోట్లతో అమ్మవారిని అలంకరించడం భక్తులను విశేషంగా ఆకట్టుకుంటోంది. కరెన్సీ నోట్లు, స్వర్ణాభరణాల శోభ ఆర్యవైశ్య యువజన సంఘం, ఆర్యవైశ్య వర్తక సంఘం సంయుక్త ఆధ్వర్యంలో ఈ విశేష పూజా కార్యక్రమాలు శాస్త్రోక్తంగా సాగాయి.
రూ. 500, 200, 100, 50, 20, 10 ముఖవిలువ గల కరెన్సీ నోట్లతో తీర్చిదిద్దిన భారీ హారాలు, తోరణాలతో గర్భాలయాన్ని, మండపాన్ని శోభాయమానంగా తీర్చిదిద్దారు. కరెన్సీ నోట్లతో పాటు మేలిమి బంగారం, వెండి ఆభరణాలతో వాసవి మాతను సర్వాంగ సుందరంగా ముస్తాబు చేశారు.
ధనలక్ష్మి రూపంలో వెలిగిపోతున్న వాసవీ మాతను దర్శించుకునేందుకు భీమవరం పరిసర ప్రాంతాల నుంచే కాక ఇతర ప్రాంతాల నుంచి కూడా భక్తులు భారీ సంఖ్యలో తరలివచ్చారు. ఉత్సవాల్లో భాగంగా ప్రతిరోజూ సాయంత్రం మహిళలు పెద్దఎత్తున కుంకుమ పూజలు నిర్వహిస్తున్నారు.
అమ్మవారి దర్శనార్థం విచ్చేసిన భక్తులందరికీ నిర్వాహకులు ఎటువంటి అసౌకర్యం కలగకుండా ప్రత్యేక ఏర్పాట్లు చేసి, తీర్థ ప్రసాదాలను ఉచితంగా పంపిణీ చేశారు.