Tourist Places: ఈ ఏప్రిల్‌లో టూర్ ప్లాన్ చేస్తున్నారా..? ప్రకృతి అందాలను కూడా చూడాలంటే ఈ ప్రదేశాలకు వెళ్లాల్సిందే..
పర్యాటక ప్రదేశాలు: ఏప్రిల్ నెలలో వాతావరణం చాలా ఆహ్లాదకరంగా ఉంటుంది. ఈ క్రమంలో ఈ నెలలోని ఆహ్లాదవాతావరణాన్ని ఆస్వాదించాలంటే ఏదైనా టూర్‌కి వెళ్లాల్సిందే. అలా టూర్ ప్లాన్ చేసుకుని వెళ్లదగిన ప్రదేశాలు మన దేశంలో చాలానే ఉన్నాియ.
మీరు ఏప్రిల్ నెలలో పర్యాటక ప్రదేశాలను సందర్శించాలని లేదా టూర్ ప్లాన్ చేస్తున్నట్లయితే మీ కోసమే ఈ సమాచారం. అవును, కుటుంబ సభ్యలతో లేదా స్నేహితులతో కలిసి వెళ్లడానికి.. అది కూడా ఏప్రిల్ నెలలో సందర్శించడానికి ఆహ్లాదకరంగా ఉండే కొన్ని ప్రదేశాలు ఉన్నాయి. సందర్శన కోసం ప్లాన్ చేసేవారికి ఇది చాలా మంచి ఎంపిక. ఆ ప్రదేశాలేమిటో ఇప్పుడు చూద్దాం..
అండమాన్: అండమాన్ దీవులను సందర్శించడానికి ఏప్రిల్ నెల సరైనది. ఈ దీవులలో మీరు పోర్ట్ బ్లెయిర్‌ని మాత్రమే కాకుండా, హేవ్‌లాక్ వంటి ఎన్నో ప్రదేశాలకు కూడా మీరు సందర్శన కోసం వెళ్ళవచ్చు. కావాలంటే ఇక్కడ మీరు అనేక రకాల సాహసోపేతమైన కార్యక్రమాలను కూడా ఆస్వాదించగలరు.
కూనూర్: తమిళనాడులోని కూనూర్‌కి కూడా ఏప్రిల్ నెలలో వెళ్లవచ్చు. నీలగిరి కొండల మధ్య ఉన్న ఈ ప్రదేశం లోని పచ్చటి దృశ్యాలు మీకు ఎంతగానో నచ్చుతాయి. ఈ ప్రదేశంలోని ప్రకృతి అందాలు మీ మనసును ఆకట్టుకుంటాయి.
సిమ్లా: మీరు హిమాచల్ ప్రదేశ్‌లోని సిమ్లా గురించి ఇది వరకే విని ఉంటారు. ఈ ప్రదేశం కూడా ఏప్రిల్‌లో సందర్శించడానికి యోగ్యమైనది. మీరు ఇక్కడ మాల్ రోడ్‌లో షాపింగ్ చేయవచ్చు. ఇక్కడి అద్భుతమైన వీక్షణలు మీ మనసును ఆకర్షిస్తాయంటే అతిశయోక్తి కాదేమో..
కసౌలి: దేశంలోని అత్యంత ప్రసిద్ధ హిల్ స్టేషన్లలో ఇది కూడా ఒకటి. మీరు ఇక్కడ క్రైస్ట్ చర్చ్, సన్‌సెట్ పాయింట్, కసౌలి బ్రూవరీని సందర్శించవచ్చు. ఇవే కాకుండా, మీరు ఇక్కడ పారాగ్లైడింగ్, ట్రెక్కింగ్‌ని కూడా ఆనందించవచ్చు.