Zomato-Swiggy: జొమాటో, స్విగీలో ఈ ఫీచర్ తెలిస్తే ఎగిరి గంతేస్తారంతే..
రేపు మీ ఇంటికి అతిథులు వస్తున్నారు, కానీ సమయానికి ఆహారం సిద్ధంగా ఉండదని మీరు భయపడుతున్నారా? ఇక ఆందోళన పడకండి.. దానికి ఓ సొల్యూషన్ ఉంది. మీరు ముందుగానే ఆహారాన్ని ఆర్డర్ చేయవచ్చు. మీరు జస్ట్ సమయం చెప్పండి.. ఆ సమయంలో ఆహారం పంపిణీ చేయబడుతుంది. ఎలాగో ఏంటో ఏం అర్థం కావడం లేదా? అయితే ఇది చదవండి..
ఇంటికి అతిథులు వస్తే చాలా ప్రిపరేషన్ చేయాల్సి ఉంటుంది భోజనం ఆలస్యమైతే అతిథుల ముందు అవమానం జరుగుతుందనే భయం ఎప్పుడూ మనందరిలో ఉంటుంది. మీరు కూడా దీని కారణంగా ఆందోళన చెందుతుంటే,ఇక చింతించడం మానేయండి.
ఆన్లైన్ ఫుడ్ డెలివరీ ప్లాట్ఫారమ్ Zomato మీరు ముందుగానే ఫుడ్ బుక్ చేసుకోవడానికి అనుమతిస్తుంది.Zomatoలో 'ఆర్డర్ షెడ్యూలింగ్' అనే ప్రత్యేక ఫీచర్ ఉంది, దీని ద్వారా మీరు మీ ఆహారాన్ని రెండు రోజుల ముందుగానే ఆర్డర్ చేయవచ్చు.
ఇప్పుడు మీరు పార్టీ లేదా ఈవెంట్ రోజున చివరి క్షణంలో ఆహారాన్ని ఆర్డర్ చేయవలసిన అవసరం లేదు. మీరు మీ ఆర్డర్ను ముందుగానే ఆన్లైన్లో బుక్ చేసుకోవచ్చు . ఇది మీకు అనవసరమైన టెన్షన్ నుండి ఉపశమనం కలిగిస్తుంది.
Zomato 30 నగరాల్లోని 35,000 రెస్టారెంట్లలో ముందుగానే ఆహారాన్ని ఆర్డర్ చేసే సౌకర్యాన్ని అందిస్తోంది. వీటిలో ఢిల్లీ, ముంబై, బెంగళూరు, పూణె మరియు అహ్మదాబాద్ వంటి నగరాలు ఉన్నాయి.
Swiggyలో కూడా ఈ రకమైన సర్వీస్ అందుబాటులో ఉంది. Swiggy 2018లో ముందస్తు ఆర్డర్లను ప్రారంభించింది. అయితే, ఇప్పుడు దాని అధికారిక వెబ్సైట్లోని హెల్ప్ & సపోర్ట్ పేజీలో Swiggy ముందస్తు ఆర్డర్లను తీసుకోదని స్పష్టం చేయబడింది.