Beauty Tips:అందాన్ని హైస్పీడ్లో పెంచే సూపర్ ఫుడ్స్.. రోజూ తింటే ముఖం మిళమిళ మెరవాల్సిందే!
అందంగా కనిపించాలని ప్రతి ఒక్కరూ అనుకుంటారు. అందుకోసం మార్కెట్లో దొరికే ఖరీదైన క్రీమ్లు, బ్యూటీ ప్రాడక్ట్స్ వాడుతూ ఉంటారు. కానీ నిజం ఏమిటంటే, చర్మానికి నిజమైన మెరుపు చర్మ సంరక్షణ మన రోజువారి అలవాట్లు మనం తీసుకునే ఆహారంపైనే ఆధారపడి ఉంటుందిని చాలా మందికి తెలియదు. కాబట్టి మన ముఖాన్ని సహజంగా అందంగా మార్చుకునేందుకు ఎలాంటి ఆహారాలు తీసుకోవాలో ఇప్పుడు మనం తెలుసుకుందాం.
బీట్రూట్ రేడియన్స్ సలాడ్: ఇది మన శరీరంలోని రక్తాన్ని శుద్ధి చేసి బాడీలోని వ్యర్థాలను బయటకు పంపుతుంది. తద్వారా బుగ్గలకు సహజమైన గులాబీ రంగు మెరుపును ఇస్తుంది. కాబట్టి ఈ సాలడ్ను తయారు చేసుకునేందుకు అర కప్పు తురిమిన బీట్రూట్, 1 చెంచా పెరుగు, నిమ్మరసం కొద్దిగా కొత్తిమీర కలిపి దీనిని స్నాక్గా లేదా మధ్యాహ్న భోజనం లేదా రాత్రి భోజనంతో పాటు తినవచ్చు. ఈ సలాడ్ను రోజూ తినడం వల్ల రక్తం శుద్ధి అవుతుంది. అలాగే ముఖానికి గులాబీ రంగు కాంతి వస్తుంది.
అవకాడో గ్లో సలాడ్: అవకాడోలలోని ఆరోగ్యకరమైన కొవ్వులు ముఖాన్ని లోపలి నుండి తేమగా ఉంచడానికి సహాయపడతాయి. ఈ సలాడ్ తయారు చేయడానికి, సగం అవకాడో తీసుకుని, కొన్ని తరిగిన చెర్రీ టమోటాలు, లెట్యూస్ జోడించి, ఆలివ్ నూనెతో చిలకరించండి. ఈ సలాడ్ను క్రమం తప్పకుండా తినడం వల్ల మీ చర్మం మృదువుగా, కాంతివంతంగా ఉండటానికి సహాయపడుతుంది.
దోసకాయ-పుదీనా హైడ్రేషన్ సలాడ్: వేసవిలో మీ చర్మాన్ని చల్లగా ,తేమగా ఉంచుకోవడం చాలా ముఖ్యం. అందుకు దోసకాయ పుదీనా సలాడ్ చాలా బాగా ఉపయోగపడుతంది. ఈ సలాడ్ తయారు చేయడానికి, దోసకాయ ముక్కలను తాజా పుదీనా, నిమ్మరసం, కొన్ని నువ్వులతో కలపండి. ఈ సలాడ్ ఉబ్బును తగ్గించడానికి, మీ చర్మాన్ని తాజాగా ఉంచడానికి సహాయపడుతుంది.
బెర్రీ యాంటీ ఆక్సిడెంట్ సలాడ్: బెర్రీలలో వృద్ధాప్య ప్రభావాలను తగ్గించడంలో సహాయపడే సమ్మేళనాలు ఉంటాయి. కాబట్టి మీ ముఖాన్ని యవ్వనంగా కనిపించేలా చేయడంలో ఇది చాలా బాగా పనిచేస్తుంది. ఈ సలాడ్ తయారు చేయడానికి, మిశ్రమ బెర్రీలను పాలకూర, వాల్నట్లు, చియా గింజలతో కలపండి. ఈ సలాడ్ శరీరం కొల్లాజెన్ను ఉత్పత్తి చేయడానికి సహాయపడుతుంది, ఇది చర్మం దృఢంగా, యవ్వనంగా కనిపించడానికి తోడ్పడుతుంది.
విటమిన్-సి, బీటా-కెరోటిన్ పుష్కలంగా ఉండే ఈ సలాడ్ నిర్జీవంగా మారిన చర్మాన్ని రిపేర్ చేస్తుంది. స్కిన్ టెక్స్చర్ను మెరుగుపరిచి గ్లో తెస్తుంది.ఈ సలాడ్ తయారు చేయడానికి, తురిమిన క్యారెట్లను ఆరెంజ్ ముక్కలు, కొన్ని ఎండుద్రాక్షలు, గుమ్మడి గింజలతో కలపండి. ఈ సలాడ్ కాంతిహీనంగా, నిర్జీవంగా ఉన్న చర్మాన్ని ప్రకాశవంతం చేయడానికి సహాయపడుతుంది.( Note: పైన పేర్కొన్న సమాచారం ఇంటర్నెట్, నివేదికల ఆధారంగా మాత్రమే అందించబడినది. వీటిని ఉపయోగించే ముందు వైద్యులను సంప్రదించండి. వీటిని Tv9 దృవీకరించడం లేదు)