ఏపీ స‌ర్కార్ కీల‌క నిర్ణ‌యం..స్పెషల్ ఎన్​ఫోర్స్​మెంట్ బ్యూరోకి ఫుల్ ప‌వ‌ర్స్..

లిక్క‌ర్, ఇసుక‌ అక్ర‌మ త‌ర‌లింపులపై ఏపీ స‌ర్కార్ ఉక్కుపాదం మోప‌డానికి సిద్ద‌మైంది. అందుకోసం ఇప్ప‌టికే ప్ర‌త్యేక జీవో ద్వారా స్పెష‌ల్ ఎన్​ఫోర్స్​మెంట్ బ్యూరోని రంగంలోకి దించింది. తాజాగా ఈ స్పెష‌ల్ ​ బ్యూరోకి సిబ్బందిని కేటాయించారు. ఎక్సైజ్ శాఖకు చెందిన 70 శాతం ఉద్యోగులు, సిబ్బందిని స్పెష‌ల్ ఎన్​ఫోర్స్​మెంట్ బ్యూరోకి బ‌దిలీ చేశారు. దీంతో కేవలం 30 శాతం ఉద్యోగులు, సిబ్బందితోనే ఎక్సైజ్ శాఖ పని చేయనుంది.

కేడర్ పోస్టుల నుంచి ఔట్ సోర్సింగ్ ఎంప్లాయిస్ వ‌ర‌కు ఎక్సైజ్-ఎస్​ఈబీ మధ్య డివైడ్ చేయనున్నారు. ప్రజంట్ ఉన్న‌ 6,274 పోస్టులకు గాను… ఎస్​ఈబీకి 4,394, ఎక్సైజ్​ శాఖకు 1881పోస్టులు కేటాయించారు. ప్రస్తుతం ఎక్సైజ్ శాఖలో సిబ్బందిని 70:30 ప్రాతిపదికన ఎస్ఈబీ-ఎక్సైజ్ శాఖకు కేటాయింపులు జరిపారు. ఎక్సైజ్ శాఖకు ఉన్న ఎన్​ఫోర్స్​మెంట్ విధులన్నీ ఎస్​ఈబీకి బ‌దిలీ చేశారు. 208 ఎక్సైజ్ స్టేషన్లను ఎస్​ఈబీ పరిధిలోకి తీసుకొస్తూ స‌ర్కార్ ఉత్తర్వులు జారీ చేసింది.