Viral Video: క్లబ్ ముందు డ్రెస్ విప్పేసి రచ్చ చేసిన యువతి.. కారణం తెలిస్తే అవాక్కే..

Viral Video

పీకలదాకా తాగడం.. ఆ మద్యం మత్తులో ఎక్కడున్నాం.. ఏం చేస్తున్నాం.. ఎవరు చూస్తున్నారు.. ఏం జరుగుతోంది.. అనే సోయి కూడా లేకుండా విచ్చలవిడిగా ప్రవర్తిస్తున్నారు కొందరు యువతీ యువకులు. తాజాగా అందుకు నిదర్శనమైన ఘటన మహారాష్ట్రలోని నాగ్‌పూర్‌లో వెలుగు చూసింది. ఓ యువతి క్లబ్‌లోకి వెళ్లేందుకు ప్రయత్నించగా.. సెక్యూరిటీ సిబ్బంది, బౌన్సర్లు అడ్డుకున్నారు. టైం అయిపోయిందని, ఎంట్రీ లేదని ఆమెను లోపలికి వెళ్లేందుకు అంగీకరించలేదు. దాంతో ఆ యువతి ఆగ్రహం వ్యక్తం చేసింది. బౌన్సర్లతో వాగ్వాదానికి దిగింది. అయినప్పటికీ వారు ఆమెను అడ్డగించారు. దాంతో మరింత రెచ్చిపోయింది యువతి. వారిని బండ బూతులు తిడుతూ బెదిరింపులకు పాల్పడింది. ఏకంగా డ్రెస్ తీసేస్తానంటూ బెదిరించి నానా రచ్చ చేసింది. చివరకు తాను అన్నట్లే.. నడి రోడ్డుపై డ్రెస్ తీసేసి, వారితో ఘర్షణకు దిగింది.

అయితే, యువతి చేస్తున్న రచ్చను సెక్యూరిటీ సిబ్బంది ఫోన్‌లో రికార్డ్ చేశారు. అది గమనించిన యువతి.. తన అనుమతి లేకుండా వీడియో ఎలా తీస్తారంటూ ఆగ్రహం వ్యక్తం చేసింది. వారి ఫోన్ లాక్కునేందుకు ప్రయత్నించింది. ఇంతలో క్లబ్ సెక్యూరిటీ సిబ్బంది పోలీసులకు సమాచారం అందించగా.. పోలీసులు ఘటనా స్థలానికి వచ్చారు. అయితే, పోలీసులు ఘటనా స్థలికి చేరుకునేలోపే.. ఆమె అక్కడి నుంచి కారులో పారిపోయింది.

క్లబ్ యజమాని కరణ్ ఠక్కర్ ఫిర్యాదు మేరకు నాగ్‌పూర్‌లోని సోనేగావ్ పోలీసులు కేసు నమోదు చేశారు. యువతి మద్యం మత్తులోనే ఇంత రచ్చ చేసినట్లు పోలీసులు గుర్తించారు. అయితే, పారిపోయిన యువతి కోసం పోలీసులు వెతుకుతున్నారు. కాగా, యువతి వీరంగానికి సంబంధించిన వీడియో సోషల్ మీడియాలో పోస్ట్ చేయగా అదికాస్తా వైరల్ అయ్యింది.

వైరల్ అవుతున్న వీడియో ఇదే..

మరిన్ని వైరల్ వార్తల కోసం ఈ లింక్ క్లిక్ చేయండి..