Corona New Variant: అది మన వైరస్ కాదు.. డబ్ల్యూహెచ్‌వో కూడా ఎక్కడా వాడలేదు.. B.1.617 కరోనా​వేరియంట్‌పై కేంద్రం స్పష్టత

Corona New Variant: భారత్‌లో బయటపడ్డ B.1.617 కరోనా​వేరియంట్ తీవ్రస్థాయిలో విజృంభిస్తోంది. అత్యంత వేగంగా వ్యాప్తి చెందుతున్న ఈ వైరస్​ప్రతి రోజు వేలాది మందిని..

Corona New Variant: అది మన వైరస్ కాదు.. డబ్ల్యూహెచ్‌వో కూడా ఎక్కడా వాడలేదు.. B.1.617 కరోనా​వేరియంట్‌పై కేంద్రం స్పష్టత
Indian Variant
Subhash Goud

| Edited By: Team Veegam

May 22, 2021 | 9:13 AM

Corona New Variant: భారత్‌లో బయటపడ్డ B.1.617 కరోనా​వేరియంట్ తీవ్రస్థాయిలో విజృంభిస్తోంది. అత్యంత వేగంగా వ్యాప్తి చెందుతున్న ఈ వైరస్​ప్రతి రోజు వేలాది మందిని బలి తీసుకుంటోంది. అయితే దీనిని ‘ఇండియన్​ వేరియంట్’గా ప్రపంచ ఆరోగ్య సంస్థ( డబ్ల్యూహెచ్​ఓ) పేర్కొన్నట్లు ఇటీవల కాలంలో మీడియాలో, సోషల్‌ మీడియాలో అనేక కథనాలు వెలువడ్డాయి. దీనిపై కేంద్ర ఆరోగ్య శాఖ స్పందించింది. ఈ వెరియంట్‌పై క్లారిటీ ఇచ్చింది. B.1.617 అనేది ‘ఇండియన్​ వేరియంట్’ అని చెప్పేందుకు ఎక్కడా ఆధారాలు లేవని, అంతేకాదు.. ప్రపంచ ఆరోగ్య సంస్థ (WHO) తన నివేదికల్లో ‘ఇండియన్​ వేరియంట్​’ అనే పదం ఎక్కడా వాడలేదని గుర్తుచేసింది. ఈ కొత్త వేరియంట్‌ ఇండియాది అంటూ వస్తున్న వార్తల్లో నిజం లేదని, దీనిపై ప్రజలు ఆందోళనకు గురవుతున్నారని తెలిపింది. వైరస్, వాటి వివిధ రూపాలను అవి మొదట కనిపించిన దేశాల పేర్లతో గుర్తించడం లేదని.. వాటిని శాస్త్రీయ నామంతోనే గుర్తిస్తామని డబ్ల్యూహెచ్​ఓ ఇటీవల చెప్పిన విషయాన్ని వెల్లడించింది. దీంతో పాటు ప్రస్తుతం భారత్‌లో విజృంభిస్తున్న B.1.617 వేరియంట్​ 44 దేశాల్లో కన్పించిందని డబ్ల్యూహెచ్ఓ వెల్లడించినట్లు వచ్చిన వార్తలపై కూడా కేంద్రం వివరణ ఇచ్చింది. ఈ అంశంపై విడుదల చేసిన నివేదికలో ‘ఇండియన్​’ అనే పదాన్ని డబ్ల్యూహెచ్ఓ ఎక్కడా వాడలేదని కేంద్ర ఆరోగ్య శాఖ వెల్లడించింది.

44 దేశాల్లో B.1.617 వేరియంట్​..

కాగా, డబ్ల్యూహెచ్ఓ తాజాగా విడుదల చేసిన నివేదికలో B.1.617 వేరియంట్​ను ప్రపంచానికి ఆందోళనకరమైన వేరియంట్​గా అభివర్ణించింది. దీన్ని అక్టోబర్​లోనే భారత్​లో గుర్తించామని, ఆ తర్వాత ఇది ఇతర దేశాలకు వేగంగా వ్యాప్తి చెందిందని ప్రపంచ ఆరోగ్య సంస్థ మంగళవారం పేర్కొంది. ప్రస్తుతం 44 దేశాల్లో బయటపడ్డ ఈ వేరియంట్​ను​ తొలుత బ్రిటన్​, బ్రెజిల్​, దక్షిణాఫ్రికాల్లో గుర్తించినట్లు తెలిపింది. ఇది ఒరిజినల్​ వైరస్​ కంటే చాలా వేగంగా వ్యాపిస్తున్నట్లు కనిపిస్తుండటంతో దీనిని ఆందోళనకరమైన వేరియంట్ల జాబితాలో చేర్చినట్లు స్పష్టం చేసింది.

B.1.617 వేరియంట్‌ను డబుల్ మ్యూటెంట్‌గా కూడా పిలుస్తున్నట్లు, ఇది యాంటీబాడీస్​ను తీవ్రంగా దెబ్బతీస్తున్నట్లు డబ్ల్యూహెచ్‌వో వెల్లడించింది. కేసుల సంఖ్య అకస్మాత్తుగా పెరగడానికి కూడా ఈ వేరియంటే కారణమని పేర్కొంది. కాగా, భారత్​లోని సెకండ్ వేవ్​కు కారణమైన ఈ వేరియంట్ వేగంగా వ్యాప్తి చెందుతూ చాలా మందిని బలి తీసుకుంటుందని ప్రపంచ ఆరోగ్య సంస్థ ఆందోళన వ్యక్తం చేసింది.

ఇవీ చదవండి:

Oxygen Supply: 42 విమానాలు.. 21 రోజులు.. 1400 గంటల ప్రయాణం.. విపత్కర పరిస్థితుల్లో భారత వాయుసేన గొప్ప సాయం

Telangana Corona Cases: తెలంగాణలో తగ్గుముఖం పడుతున్న కరోనా వ్యాప్తి.. క్రమంగా తగ్గుతున్న కరోనా పాజిటివ్ కేసులు..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu