PM Modi: అరబ్‌లో అద్భుతమైన తొలి హిందూ దేవాలయం.. ప్రారంభించనున్న ప్రధాని మోదీ..

Narendra Modi UAE Visit: ప్రధానమంత్రి నరేంద్ర మోదీకి అరబ్ లో ఘన స్వాగతం లభించింది. రెండు రోజుల పాటు అబూదాబిలో పర్యటిస్తారు మోదీ. UAEరాజు షేక్‌ మహ్మద్‌ బిన్‌ జాయెద్‌ భారత ప్రధానికి ఘనస్వాగతం పలికారు. రెండు దేశాల మధ్య పలు ఒప్పందాలపై సంతకాలు జరిగాయి. UAEతో భారత్‌కు ఎంతో అనుబంధం ఉందన్నారు మోదీ. భారత్ నుంచి బయలు దేరి యూఏఈ వెళ్లిన ప్రధాని మోదీకి షేక్‌ మహమ్మద్‌ బిన్‌ జాయెద్‌ అల్‌ నహాన్‌ స్వాగతం పలికి ఆత్మీయ ఆలింగనం చేసుకున్నారు. ఎయిర్‌పోర్టులో అరబ్‌ సైన్యం సమర్పించిన గౌరవ వందనాన్ని ప్రధాని స్వీకరించారు. సోదరా అంటూ UAE అధ్యక్షుడిని సంబోధించిన ప్రధాని మోదీ, తనకు అందించిన స్వాగతానికి అభినందనలు తెలిపారు. గడిచిన ఐదు నెలల్లో తాను ఆయనను కలవడం ఇది ఏడోసారని గుర్తు చేశారు. UAEకి రావడం సొంతింటికి వచ్చినట్టుగా, కుటుంబసభ్యులను కలిసినట్టుగా ఉంటుందని ప్రధాని మోదీ అన్నారు. భారత్‌- UAE మధ్య బలమైన సంబంధాలు ఉన్నాయని మోదీ అన్నారు. జాయెద్‌ చొరవ వల్లే అబూధాబిలో హిందూ దేవాలయం రూపుదిద్దుకుందని మోదీ కొనియాడారు. రెండు దేశాల మధ్య ద్వైపాక్షిక వాణిజ్యం కొత్త పుంతలు తొక్కుతుందని అన్నారు. ఈ సందర్భాంగా రెండు దేశాల అధికారులు రెండు దేశాధినేతల సమక్షంలో ఒప్పందాలను మార్చుకున్నారు. మోదీ గౌరవార్ధం జాయెద్‌ స్టేడియంలో ఆహ్లాన్‌ కార్యక్రమాన్ని నిర్వహించనున్నారు. భారతీయ సాంస్కృతిక కార్యక్రమాలను కన్నుల పండువగా నిర్వహించారు. భారత్‌ నుంచి పలు రాష్ట్రాలకు చెందిన కళాకారుల ప్రదర్శన ఆకట్టుకుంది. ప్రవాస భారతీయులు భారీ సంఖ్యలో ఈ కార్యక్రమంలో పాల్గొన్నారు.

ఈ పర్యటనకు బయలుదేరే ముందు, ప్రధాని ఒక ప్రకటనను విడుదల చేశారు. ఇందులో మోదీ భారతదేశం-యుఎఇ, భారతదేశం-ఖతార్ మధ్య సంబంధాల గురించి వివరించారు. ఈ రెండు రోజుల పర్యటనలో ప్రధాని మోదీ అబుదాబిలో నిర్మించిన తొలి హిందూ దేవాలయాన్ని కూడా ప్రారంభించనున్నారు. ప్రధాని మోదీ పర్యటనపై యూఏఈలోని ప్రవాస భారతీయుల్లో ఉత్సాహం నెలకొంది. గత తొమ్మిదేళ్లలో, యుఎఇతో భారతదేశ సహకారం వాణిజ్యం, పెట్టుబడి, రక్షణ, భద్రత, ఆహారం, ఇంధన భద్రత, విద్య వంటి వివిధ రంగాలలో అనేక రెట్లు పెరిగిందని అన్నారు. యుఎఇ కాలమానం ప్రకారం, మధ్యాహ్నం 2:30 గంటలకు ప్రధాని అక్కడ దిగనున్నారు. ఆ తర్వాత యుఎఇ దేశాధినేతతో పాటు పలువురు నేతలతో ద్వైపాక్షిక చర్చలు జరుపుతారు. మోదీ రాక సందర్భంగా యూఏఈలో ఏర్పాటు చేసిన అహ్లాన్ మోదీ కార్యక్రమం ఈరోజు సాయంత్రం 6 గంటల నుంచి అబుదాబిలోని జాయెద్ స్పోర్ట్స్ సిటీ స్టేడియంలో ప్రారంభం కానుంది. ప్రధాని మోదీ గౌరవార్థం నిర్వహించిన కార్యక్రమాల్లో 700 మందికి పైగా సాంస్కృతిక కళాకారుల ప్రదర్శన ఉంది.

ఈ పర్యటనలో ప్రధాన మంత్రి షేక్ మహ్మద్ బిన్ రషీద్‌తో నా చర్చలు దుబాయ్‌తో బహుళ కోణాల సంబంధాలను బలోపేతం చేయడంపై దృష్టి పెడతాయన్నారు. యుఎఇ అధ్యక్షుడు షేక్ మహ్మద్ బిన్ జాయెద్ అల్ నహ్యాన్‌తో వివిధ అంశాలపై చర్చిస్తానని, ఇందుకోసం తాను చాలా ఆసక్తిగా ఉన్నానని ప్రధాని చెప్పారు. దుబాయ్‌లో జరగనున్న వరల్డ్ గవర్నమెంట్ సమ్మిట్ 2024లో ప్రధాని మోదీ గౌరవ అతిథిగా పాల్గొని కీలక ప్రసంగం చేయనున్నారు.

అల్హాన్ మోదీ కార్యక్రమం జరగనున్న స్టేడియంలో దాదాపు 40 వేల మంది భారతీయులు హాజరుకానున్నారు. యూఏఈలో వర్షం కురుస్తున్నప్పటికీ భారతీయుల్లో మాత్రం ఉత్సాహం కొరవడడం లేదు. UAE దాదాపు 3.5 మిలియన్లతో అతిపెద్ద భారతీయ ప్రవాస సమాజాన్ని కలిగి ఉంది. ఇది దేశ జనాభాలో దాదాపు 35 శాతం. రెండు రోజుల UAE పర్యటన తర్వాత, PM ఫిబ్రవరి 14న ఖతార్ రాజధాని దోహాకు చేరుకుంటారు.

దౌత్య సంబంధాలపై చర్చించడంతోపాటు.. అరబ్ నిర్మించిన మొదటి హిందూ దేవాలయాన్ని కూడా మోదీ ప్రారంభించనుననారు. భారత్, యుఎఇ రెండూ పంచుకునే సామరస్యం, శాంతి సహనం విలువలకు BAPS ఆలయం శాశ్వత అంకితం అవుతుందని ప్రధాని మోదీ అన్నారు. విదేశాంగ మంత్రిత్వ శాఖ సమాచారం ప్రకారం, ఇది 2015 నుంచి యుఎఇకి ప్రధాని ఏడవ పర్యటన. 2014 నుండి ఖతార్‌లో రెండవ పర్యటన. వైబ్రంట్ గుజరాత్ గ్లోబల్ సమ్మిట్ 2024లో ముఖ్య అతిథిగా వచ్చిన నహాయన్‌ని గుజరాత్‌లో నిర్వహించడం మాకు చాలా ఆనందంగా ఉందని తెలిపారు.

ఖతార్, భారతదేశం మధ్య సంబంధాల గురించి కూడా ప్రధాని మాట్లాడారు. భారత్, ఖతార్‌ల మధ్య చారిత్రాత్మకంగా సన్నిహిత, స్నేహపూర్వక సంబంధాలు ఉన్నాయని ప్రధాని మోదీ అన్నారు. రెండు దేశాల మధ్య పెరుగుతున్న వాణిజ్యం, పెట్టుబడులు, మన శక్తి భాగస్వామ్యాన్ని బలోపేతం చేయడం, సంస్కృతి విద్యలో సహకారంతో సహా అన్ని రంగాలలో ఉన్నత-స్థాయి రాజకీయ మార్పిడిలు తీవ్రమయ్యాయి. ఆయన నాయకత్వంలో ఖతార్ చాలా వేగంగా అభివృద్ధి చెందుతోందని, మార్పును సాధిస్తోందని అన్నారు. ఖతార్‌కు సంబంధించి ప్రధాని మోదీ చేసిన ఈ ప్రకటన ముఖ్యమైనది. ఎందుకంటే ఖతార్ జైలులో ఉన్న ఎనిమిది మంది మాజీ భారత నావికాదళ సిబ్బందిని విడుదల చేసింది. వారిలో ఏడుగురు ఫిబ్రవరి 12న స్వదేశానికి తిరిగి వచ్చారు. ఖతార్ కోర్టు వారందరికీ మరణశిక్ష విధించగా.. భారత దౌత్యంతో ఖతార్ వారిని విడుదల చేసింది.

మరిన్ని జాతీయ వార్తల కోసం ఇక్కడ క్లిక్ చేయండి..