థైరాయిడ్-మధుమేహంతో సహా అనేక వ్యాధులకు ఈ నీరు ఔషధం వంటిది..! ఇలా వాడితే చాలు..

Corriender Water

పచ్చి కొత్తిమీర ఆకులు, దాని విత్తనాలు రెండూ ఆహార రుచిని పెంచుతాయి. కానీ కొత్తిమీర ఆహారానికి రుచిని పెంచడమే కాకుండా దాని నీటిని తాగడం మన ఆరోగ్యానికి కూడా చాలా ఉపయోగపడుతుంది. కానీ, ఈ వాస్తవం చాలా మందికి తెలియదు. నిజానికి, పొటాషియం, కాల్షియం, విటమిన్ సి మరియు మెగ్నీషియం కొత్తిమీర నీటిలో సమృద్ధిగా దొరుకుతాయి. ఈ మూలకాలు అన్ని వ్యాధులను దూరం చేయడంలో ప్రయోజనకరంగా ఉంటాయి. అంతే కాదు, మధుమేహం, కొలెస్ట్రాల్, హై బీపీ సమస్యను కూడా దూరం చేస్తుంది. మీరు కూడా ఈ సమస్యలతో బాధపడుతున్నట్లయితే, ప్రతిరోజూ ఖాళీ కడుపుతో కొత్తిమీర ఆకు నీటిని తాగడం ప్రారంభించండి. ఇలా రోజూ చేయడం వల్ల కొలెస్ట్రాల్, బీపీ అదుపులో ఉంటాయి. అలాగే, ఇది అనేక తీవ్రమైన వ్యాధుల ప్రమాదాన్ని కూడా తగ్గిస్తుంది. కొత్తి మీర నీటితో కలిగే లాభాల్లేంటో ఇక్కడ తెలుసుకుందాం..

కొత్తిమీర ఆకు నీరు తాగడం వల్ల కలిగే ప్రయోజనాలు..

మీరు తలనొప్పితో బాధపడుతుంటే, ఖచ్చితంగా పచ్చి కొత్తిమీర నీరు తాగి చూడండి… ఎందుకంటే ఈ హెల్తీ వాటర్ తాగడం వల్ల తలనొప్పి చాలా వరకు తగ్గుతుంది. అంతేకాకుండా, ఇది చాలా వరకు ఒత్తిడిని తగ్గించడంలో సహాయపడుతుంది. దీన్ని తీసుకోవడం వల్ల ఇలాంటి అనేక సమస్యల నుంచి తప్పించుకోవచ్చు.

ఒత్తిడిని తగ్గిస్తుంది..

కోపంగా ఉన్నవారికి కొత్తిమీర ఆకు నీరు అద్భుతమైన టానిక్‌గా పనిచేస్తుంది. మీ శరీరం మరియు మనస్సును చల్లగా ఉంచుకోవడానికి మీరు ఈ నేచురల్ డ్రింక్ తాగితే ఫలితం ఉంటుంది.. ఇది అద్భుతమైన శీతలీకరణిగా పనిచేస్తుంది.

కంటి ఆరోగ్యానికి మంచిది..

మీరు మీ కళ్ళు ఆరోగ్యంగా ఉంచుకోవాలంటే కొత్తిమీర ఆకు నీరు తాగటం మంచిది. కళ్లకు అద్దాలు వాడకుండానే కంటి చూపు మెరుగ్గ ఉండాలని కోరుకున్నట్టయితే.. ఈ ఆరోగ్యకరమైన పానీయాన్ని ప్రతిరోజూ తాగడం వల్ల మీకు మరిన్ని ప్రయోజనాలు లభిస్తాయి. అంటే కంటి చూపు మెరుగుపడాలంటే ఈ నీటిని తాగవచ్చు.

జీర్ణక్రియకు మంచిది..

మీరు జీర్ణ సమస్యలతో బాధపడుతుంటే కొత్తిమీర ఆకులను నీటిలో మరిగించి, ఈ నీటిని ఉదయం ఖాళీ కడుపుతో తాగాలి. ఇది జీర్ణ సమస్యల నుండి ఉపశమనం కలిగిస్తుంది. గ్యాస్, అజీర్ణం, ఉబ్బరం మరియు మలబద్ధకం వంటి సమస్యల నుండి ఉపశమనం కలిగిస్తుంది. అదనంగా, ఇందులో విటమిన్ సి కూడా ఉంటుంది. మీ ఇది రోగనిరోధక శక్తిని పెంచుతుంది.

ఇతర ప్రయోజనాలు..

ఇవే కాకుండా కొత్తిమీర ఆకులను నీళ్లలో మరిగించి తాగడం వల్ల అనేక ప్రయోజనాలు ఉన్నాయి. ఇది ఎసిడిటీ, మూత్ర విసర్జన సమయంలో మంట, థైరాయిడ్ సంబంధిత సమస్యలు, రక్తపోటు, అధిక కొలెస్ట్రాల్ స్థాయి, రక్తస్రావం, మంట, శరీరంలో నీటి కొరత, అల్సర్లు, ఫ్యాటీ లివర్, మధుమేహం వంటి తీవ్రమైన వ్యాధుల నుండి ఉపశమనం కలిగిస్తుంది.

దీన్ని ఎలా తయారు చేయాలో తెలుసుకుందాం..

కొత్తిమీర నీరు తయారు చేయడానికి.. ముందుగా తాజా కొత్తిమీర ఆకులు అవసరం. వాటిని శుభ్రంగా కడిగేయాలి.. ఆ తర్వాత ఒక గిన్నెలో ఒక గ్లాసు నీళ్లు పోసి అందులో కడిగిపెట్టుకున్న కొత్తిమీరను వేసి మరిగించాలి. కొత్తిమీర ఆ నీటిలో బాగా మరిగిన తర్వాత దానిని ఫిల్టర్ చేసి గోరువెచ్చగా ఉన్నప్పుడే తాగేయాలి.

మరిన్ని లైఫ్ స్టైల్ న్యూస్ కోసం క్లిక్ చేయండి..