AC Current Bill: ఏసీతో కరెంట్‌ బిల్ వాచి పోతుందా.? ఈ టెంపరేచర్ సెట్ చేసుకోండి

ఎండలు దంచికొడుతున్నాయి. అయితే ఈ మధ్య రెండు మూడు రోజుల నుంచి సాయంత్రం కాస్త వాతావరణం చల్లబడినా ఉదయం మాత్రం భానుడి ప్రతాపాన్ని చూపిస్తూనే ఉన్నాడు. దీంతో చాలా మంది ఇంటికే పరిమితం అవుతున్నారు. ఎండల నుంచి తప్పించుకోవడానికి ఇంట్లో ఏసీలను ఆశ్రయిస్తున్నారు. సాధారణంగా ఏసీలతో కరెంట్‌ బిల్లులు వాచిపోతున్నాయని తెలిసిందే. ఇక సమ్మర్‌లో ఏసీ వాడకం ఎలా ఉంటుదో ప్రత్యేకంగా చెప్పాల్సిన పనిలేదు.

దీంతో సహజంగానే కరెంట్‌ బిల్లు ఓ రేంజ్‌లో వస్తుంది. ఏసీ ఆన్‌ చేసుకున్నంత సేపు ఎంత చల్లగా ఉంటుందో. కరెంట్‌ బిల్లు రాగానే అమౌంట్‌ చూసి చమటలు పట్టే పరిస్థితి వస్తోంది. అయితే సమ్మర్‌లో ఏసీని ఉపయోగించినా కరెఉంట్‌ బిల్లు తక్కువగా రావాలంటే ఏం చేయాలో తెలుసా.? ఇందుకోసం కొన్ని చిట్కాలు పాటించాలని నిపుణులు చెబుతున్నారు. ఇంతకీ ఏసీ ఉపయోగిస్తున్నా కరెంట్ బిల్లు తక్కువ రావాలంటే ఏం చేయాలో ఇప్పుడు చూద్దాం..

ఏసీలో టెంపరచేర్‌ సెట్ చేసుకునే విధానం ద్వారా కరెంట్ బిల్లు తక్కువగా వచ్చేలా చేసుకోవచ్చని మీకు తెలుసా.? ఏసీని 24 డిగ్రీల సెల్సియస్‌ వద్ద సెట్‌ చేయడం వల్ల కరెంట్‌ బిల్లు ఎక్కువ రాకుండా ఉంటుందని నిపుణులు చెబుతున్నారు. 24 డిగ్రీల సెల్సియస్‌ నుంచి మీరు ఒక్కో డిగ్రీ టెంపరేచర్‌ తగ్గిస్తే కరెంట్‌ బిల్లు కూడా పెరుగుతుందని అంటున్నారు. కాబట్టి, ఏసీని ఎల్లప్పుడూ ఈ టెంపరేచర్ వద్ద సెట్‌ చేసుకుంటే కరెంట్ బిల్లు తక్కువగా వచ్చే అవకాశాలు ఉంటాయి.

మరీ ముఖ్యంగా ఏసీ టెంపరేచర్‌ను 23.5 డిగ్రీల నుంచి 25.5 డిగ్రీల వరకు సెట్ చేసుకుంటే కరెంట్ బిల్లు తక్కువగా వస్తుందని చెబుతున్నారు. ఇక ఏసీని ఈ టెంపరేచర్‌ దగ్గర పెట్టుకొని సీలింగ్ ఫ్యాన్‌ ఆన్‌ చేసుకుంటే ఏసీ గది మొత్తం వ్యాపిస్తుంది. ఇక కొందరు త్వరగా చల్లగా మారాలన్న ఉద్దేశంతో 18 డిగ్రీల కంటే తక్కువగా సెట్ చేస్తారు. అయితే దీనివల్ల కరెంట్ బిల్లు ఎక్కువగా వస్తుంది. అందుకే గదిలోకి వెళ్లే కాసేపు ముందే ఆన్‌ చేసుకుంటే మీరు వెళ్‌లే సమయానికి గది కూల్‌గా మారుతుంది.

మరిన్ని లైఫ్ స్టైల్ వార్తల కోసం క్లిక్ చేయండి..