Makeup Tips: చలికాలంలో మేకప్ వేసుకునేటప్పుడు ఈ తప్పులు చేయకండి..! పర్‌ఫెక్ట్‌ లుక్‌ రానేరాదు
చలికాలంలో అందాన్ని కాపాడుకోవడం పెద్ద సమస్యగా మారుతుంది. ఆహారం నుంచి వేసుకునే మేకప్ వరకు ప్రత్యేక జాగ్రత్తలు తీసుకోవాలి. లేదంటే చర్మం నిర్జీవంగా మారి అందవిహీనంగా మారుతుంది. ముఖ్యంగా ముఖానికి మేకప్ వేసుకునే టప్పుడు చలికాలంలో కొన్ని ప్రత్యేక జాగ్రత్తలు తీసుకోవాలి. అవేంటో ఇక్కడ తెలుసుకుందాం..
అమ్మాయిలు అలంకార ప్రియులు. గంటల కొద్దీ మేకప్ వేసుకోవడానికి సమయం కేటాయిస్తారు. పండుగలు, శుభకార్యాలలో మేకప్‌కు ప్రత్యేక శ్రద్ధ కనబరుస్తారు. అందరి కంటే అందంగా కనిపించాలనే కోరికతో రకరకాల మేకప్‌లు ట్రై చేస్తుంటాడు. ఖరీదైన మేకప్ ప్రొడక్ట్స్ వాడుతుంటారు. అయితే చలికాలంలో మేకప్ వేసుకుంటే మాత్రం కాస్త మార్పు చేసుకోవాల్సిందే అంటున్నారు నిపుణులు. మంచిది. మేకప్ పర్‌ఫెక్ట్‌గా రావాలంటే ఈ తప్పులు చేయకపోవడమే మంచిది. అవేంటంటే..
చలికాలంలో కొందరు సన్‌స్క్రీన్‌ను ఉపయోగించడం మానేస్తారు. కానీ ఉష్ణోగ్రత తక్కువగా ఉన్నప్పటికీ, సూర్యకిరణాలు బలంగానే ఉంటాయి. కాబట్టి చర్మ రక్షణకు సన్ స్క్రీన్ వాడటం మంచిది.
మేకప్ వేసుకునేటప్పుడు మాయిశ్చరైజర్ ఉపయోగించడం సర్వసాధారణం. కానీ వాడిన వెంటనే మేకప్ వేసుకుంటారు. అయితే ఆ తప్పు చేయవద్దు. చర్మానికి మాయిశ్చరైజర్ అప్లై చేసిన తర్వాత ప్రైమర్ ఉపయోగించడం తప్పనిసరి. మీరు దీన్ని వినియోగించకపోతే, మృదువైన బేస్ లభించదు. అలాగే మీ అలంకరణ కూడా పరిపూర్ణంగా కనిపించదు. అందువల్ల హైడ్రేటింగ్ ప్రైమర్‌ను ఉపయోగించడం మంచిది.
కొంతమంది బ్రష్ లతో ముఖంపై ఫౌండేషన్ అప్లై చేస్తుంటారు. అయితే ఈ సీజన్‌లో స్పాంజ్‌లను వాడటం మంచిది. స్పాంజ్‌లను తడిపి, ఫౌండేషన్‌ను ముంచి ముఖంపై అప్లై చేయాలి. ఇది మృదువైన మేకప్ ఇస్తుంది.
చలికాలంలో పెదవులు పగిలిపోయి, ఎండిపోతాయి. ఈ సీజన్‌లో పెదవులు నిర్జీవంగా మారి అందాన్ని కోల్పోతాయి. మేకప్ వేసుకునేటప్పుడు లిప్ బామ్ వాడటం మంచిది. ఇది పెదాలను తేమగా, ఆకర్షణీయంగా ఉంచుతుంది. కాబట్టి నాణ్యమైన లిప్ బామ్ వాడాలి. అలాగే కంటికి కూడా మేకప్ వేసేటప్పుడు ప్రత్యేక శ్రద్ధ తీసుకోవాలి.