Smartphone Brain: మీ ఫోన్ మిమ్మల్ని అనారోగ్యం పాలు చేస్తుందా? స్మార్ట్ఫోన్ బ్రెయిన్ గురించి నిపుణుల షాకింగ్ నిజాలు!
Smartphone Brain: లక్షణాలు తగ్గకపోతే, లేదా తలనొప్పులు తీవ్రంగా ఉంటే, లేదా దృష్టి సమస్యలు, మూర్ఛలు, బలహీనత లేదా ఇతర నరాల సంబంధిత లక్షణాలతో పాటు వస్తే, మీరు పూర్తి వైద్య పరీక్ష కోసం వైద్యుడిని సంప్రదించాలని సూచిస్తున్నారు. అలాగే మొబైల్..
Smartphone Brain: ప్రతిరోజూ ఉదయం నోటిఫికేషన్లు చెక్ చేయడం దగ్గర నుంచి రాత్రి పడుకునే ముందు స్క్రోల్ చేయడం వరకు స్మార్ట్ఫోన్లు మన జీవితంలో విడదీయరాని భాగంగా మారిపోయాయి. అయితే, ఈ నిరంతర స్క్రీన్ వాడకం, తరచుగా ఫోన్ చెక్ చేయడం మన ఏకాగ్రత, నిద్ర, ఆరోగ్యంపై ప్రభావం చూపుతోందా?
యశోదా మెడిసిటీ, ఇందిరాపురం, ఘజియాబాద్కు చెందిన ప్రిన్సిపల్ కన్సల్టెంట్, న్యూరోసర్జన్ డాక్టర్ గౌరవ్ బాత్రా, అధిక స్మార్ట్ఫోన్ వాడకం వల్ల ఏకాగ్రత కోల్పోవడం, నిద్రలేమి, తరచుగా తలనొప్పులు వంటి సమస్యలకు ఎలా దారితీస్తుందో చెప్పారు.
‘స్మార్ట్ఫోన్ బ్రెయిన్’ నిజమేనా?
డాక్టర్ బాత్రా మాట్లాడుతూ, “స్మార్ట్ఫోన్ మన లైఫ్స్టైల్లో ఒక భాగంగా మారిపోయింది. పని చేయడానికి, చదువుకోవడానికి, కమ్యూనికేట్ చేయడానికి, షాపింగ్ చేయడానికి, విశ్రాంతి తీసుకోవడానికి దీనిని ఉపయోగిస్తున్నాం. ఫోన్ను చెక్ చేయడం దాదాపు ఒక అలవాటుగా మారినప్పుడు మెదడును ప్రభావితం చేస్తుందా అని అడగడం సహజమే,” అన్నారు.
ఏకాగ్రత కోల్పోవడం, సరిగా నిద్ర పట్టకపోవడం, తరచుగా తలనొప్పులతో బాధపడుతున్నామని రోగులు పదేపదే చెబుతుండటం చూస్తూనే ఉన్నామన్నారు. వీరు రోజుకు చాలా గంటలు స్మార్ట్ఫోన్ను ఉపయోగిస్తున్నారని కూడా చెబుతున్నారు. ఇప్పుడో ప్రశ్న తలెత్తుతోంది. మనం ‘స్మార్ట్ఫోన్ బ్రెయిన్’ను అభివృద్ధి చేసుకుంటున్నామని ఆయన తెలిపారు. స్క్రీన్ సమయం మాత్రమే కాదు, ఫోన్ మన ఏకాగ్రతకు భంగం కలిగిస్తుందంటున్నారు.
ఈ తరచుగా పనులను మార్చడం వల్ల ఏకాగ్రత విచ్ఛిన్నమవుతుందని, వ్యక్తి నిరంతరం పరధ్యానంలో ఉంటాడు అని ఆయన చెప్పారు. స్మార్ట్ఫోన్, ఇంటర్నెట్ అధిక వాడకం వల్ల మెదడు నెట్వర్క్లలో మార్పులు వస్తాయని పరిశోధనలు చూపించాయని ఆయన గుర్తుచేసుకున్నారు.
నిద్రకు అంతరాయం
స్మార్ట్ఫోన్ వాడకం వల్ల నిద్రపై పడే ప్రభావం రాత్రిపూట ఎక్కువగా కనిపిస్తుందని ఆయన చెబుతున్నారు. ఎక్కువ సేపు ఫోన్ వాడకం వల్ల శరీరం నిద్రకు సిద్ధమవుతున్న సమయంలో కళ్లకు కాంతి తగులుతుందంటున్నారు.
ప్రతి అదనపు గంట స్క్రీన్ సమయం వల్ల సుమారు మూడు నుంచి ఐదు నిమిషాల నిద్ర తగ్గుతుందని ఒక విశ్లేషణలో తేలిందని ఆయన చెప్పారు. ఎక్కువ స్క్రీన్ వాడకం వల్ల నిద్ర ఆలస్యం అవుతుంది, నిద్ర పట్టడం కష్టమవుతుందని సూచిస్తున్నారు.
తలనొప్పులు ఎందుకు వస్తాయి?
తలనొప్పులకు అనేక కారణాలు ఉన్నాయి. దీర్ఘకాలిక స్మార్ట్ఫోన్ వాడకాన్ని మాత్రమే కారణం అని అనుకోకూడదు. “దీర్ఘకాలిక స్క్రీన్ వాడకం ఉన్నవారిలో తలనొప్పులు తరచుగా వచ్చే మరో సమస్య. ప్రతీ తలనొప్పికి స్మార్ట్ఫోన్ వాడకమే కారణమని చెబుతున్నారు. మైగ్రేన్, టెన్షన్ టైప్ తలనొప్పి, కంటి సమస్యలు, డీహైడ్రేషన్, ఒత్తిడి, నిద్రలేమి సమస్యలు వెంటాడే అవకాశం ఉందని డాక్టర్ బాత్రా హెచ్చరిస్తున్నారు.
అయితే, ఎక్కువ స్క్రీన్ వాడకం వల్ల కొన్ని ట్రిగ్గర్లు ఏర్పడతాయని, నిరంతరంగా దగ్గర దృష్టి, తక్కువ కనురెప్పలు కొట్టడం, గ్లేర్, ఒకే భంగిమలో కూర్చోవడం, మెడను దీర్ఘకాలం వంచడం వంటి అనేక ట్రిగ్గర్లను దీర్ఘకాలిక స్క్రీన్ వాడకం తీసుకురాగలదని ఆయన తెలిపారు.
ఎప్పుడు ఆందోళన చెందాలి?
అప్పుడప్పుడు స్క్రీన్ అలసట ఆధునిక జీవితంలో ఒక భాగం. దానికి చికిత్స అవసరం లేదు. కానీ ఏకాగ్రత లోపం, సరిగా నిద్ర పట్టకపోవడం, తరచుగా తలనొప్పులు కలిసి వచ్చి రెండు వారాలకు పైగా కొనసాగితే, ఆ పరిస్థితిని సీరియస్గా తీసుకోవాలని డాక్టర్ బాత్రా అన్నారు.
రెండు వారాల పాటు ఫోన్ వాడకాన్ని తగ్గించడం, పడుకునే ముందు స్క్రీన్లను దూరంగా ఉంచడం వల్ల లక్షణాలు మెరుగుపడతాయో లేదో తెలుసుకోవచ్చని ఆయన చెప్పారు. రోజుకు రెండు గంటల లోపు స్క్రీన్ వాడకాన్ని పరిమితం చేసి, పడుకునే ముందు ఒక గంట పాటు స్క్రీన్లను దూరంగా ఉంచడం వంటి సాధారణ రెండు వారాల ప్రయోగం, స్క్రీన్లు అసలు కారణమా కాదా అని తెలుసుకోవడానికి సరిపోతుందంటున్నారు.
లక్షణాలు తగ్గకపోతే, లేదా తలనొప్పులు తీవ్రంగా ఉంటే, లేదా దృష్టి సమస్యలు, మూర్ఛలు, బలహీనత లేదా ఇతర నరాల సంబంధిత లక్షణాలతో పాటు వస్తే, మీరు పూర్తి వైద్య పరీక్ష కోసం వైద్యుడిని సంప్రదించాలని సూచిస్తున్నారు.
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి