Hibiscus for Heart Health: మందారతో గుండె ఆరోగ్యం పదిలం.. ఇంకా పుష్కలమైన ఆరోగ్య ప్రయోజనాలు ..
ఇవి ఎల్డిఎల్ కొలెస్ట్రాల్ ఆక్సీకరణను నివారించడానికి, గుండె జబ్బుల ప్రమాదాన్ని తగ్గించడానికి ఎంతో సహాయపడుతుంది.
Updated on: Mar 20, 2023 | 2:52 PM
మందారం.. అందరి ఇళ్లల్లో కనిపించే ఒక సాధారణ పూల మొక్క ఇది. ఎరుపు, తెలుపు, పసుపు వివిధ రంగుల్లో మందార పూలు అందంగా కనిపిస్తాయి. వీటిని ప్రత్యేకించి దేవుడి పూజకు ఉపయోగిస్తారు. తలలో కూడా పెట్టుకుంటారు. అంతేకాదు…తలకు పెట్టుకునే నూనెలో, షాంపూలలో కూడా మందార పువ్వును, మందార ఆకులను ఉపయోగిస్తారు. అయితే, మందారతో కేవలం అందానికి సౌందర్యానికి మాత్రమే కాదు.. ఈ పువ్వు మనిషి ఆరోగ్యానికి కూడా ఎన్నో ప్రయోజనాలు కలిగిస్తుందని అనేక అధ్యయనాలు చెబుతున్నాయి. మాల్వేసీ జాతికి చెందిన ఈ పువ్వు.. రక్తపోటును తగ్గించటంలో మందార ముందుంటుంది. దీనిలో ఉండే యాంటీ ఆక్సిడెంట్ లక్షణాలు మనల్ని ఎన్నో సమస్యల నుంచి రక్షిస్తాయి. అవేంటో ఇక్కడ తెలుసుకుందాం..
జర్నల్ ఆఫ్ న్యూట్రిషన్ లో ప్రచురించిన ఒక అధ్యయనం ప్రకారం.. రోజూ మందార టీ ని తాగితే సిస్టోలిక్ రక్తపోటు 10 పాయింట్ల వరకు తగ్గుతుంది. డయాస్టొలిక్ రక్తపోటును తగ్గించడంలో మందార టీ ప్రభావవంతంగా ఉంటుందని అధ్యయనంలో తేలింది. ఇది ధమనుల్లో ఒత్తిడిని తగ్గిస్తుంది. మందారం పువ్వుల్లో ఉండే ఫ్లేవనాయిడ్లు, ఇతర ఫైటోకెమికల్స్ గుండెను ఆరోగ్యంగా ఉంచుతాయి. అంతేకాదు.. మందారం కొలెస్ట్రాల్ స్థాయిలను తగ్గిస్తుంది. జర్నల్ ఆఫ్ ఆల్టర్నేటివ్ అండ్ కాంప్లిమెంటరీ మెడిసిన్ లో ప్రచురించబడిన ఒక అధ్యయనం ప్రకారం..
మందార టీ మొత్తం కొలెస్ట్రాల్ స్థాయిలను 22% వరకు తగ్గిస్తుంది. మందారంలో యాంటీఆక్సిడెంట్లు పుష్కలంగా ఉంటాయి. ఇవి ఎల్డిఎల్ (చెడు) కొలెస్ట్రాల్ ఆక్సీకరణను నిరోధిస్తాయి. గుండె జబ్బుల ప్రమాదాన్ని తగ్గిస్తాయి. మంట గుండె జబ్బులకు దారితీస్తుంది. మందారంలో యాంటీ ఇన్ఫ్లమేటరీ లక్షణాలు ఉంటాయి. ఇవి గుండె జబ్బుల ప్రమాదాన్ని తగ్గించడానికి సహాయపడతాయి.
మందార సారం తాపజనక సైటోకిన్ల ఉత్పత్తిని తగ్గిస్తుంది. ఇవి మంటకు దోహదం చేసే ప్రోటీన్లు. మందారం సారం ఆక్సీకరణ ఒత్తిడిని తగ్గిస్తుందని అధ్యయనం కనుగొంది. ఇది మంటకు దారితీస్తుంది. ఇంకా మందారంలో యాంటీ ఆక్సిడెంట్లు పుష్కలంగా ఉంటాయి. ఇవి శరీరాన్ని ఆక్సీకరణ ఒత్తిడి నుంచి రక్షిస్తాయి. ఆక్సీకరణ ఒత్తిడి ఎన్నో సమస్యలను కలిగిస్తుంది. ఇది ఎక్కువ ఫ్రీ రాడికల్స్ ను ఉత్పత్తి చేస్తుంది. ఇవి కణాలను దెబ్బతీస్తాయి. గుండె జబ్బులతో సహా ఎన్నో రోగాలకు దారితీస్తాయి. మందార సారంలో యాంటీ ఆక్సిడెంట్లు ఎక్కువ మొత్తంలో ఉంటాయి. ఇవి ఎల్డిఎల్ కొలెస్ట్రాల్ ఆక్సీకరణను నివారించడానికి, గుండె జబ్బుల ప్రమాదాన్ని తగ్గించడానికి ఎంతో సహాయపడుతుంది.
మరిన్ని లైఫ్ స్టైల్ న్యూస్ కోసం ఇక్కడ క్లిక్ చేయండి..
