Tandoori Chicken: ఇంట్లోనే తందూరీ చికెన్ తయారీ.. ఈజీగా చేసుకోవచ్చు..

Tandoori Chicken 1

తందూరి చికెన్ చాలా రుచిగా ఉంటుంది. చాలా మందికి ఇష్టమైన స్టాటర్స్‌లో ఇది కూడా ఒకటి. రెస్టారెంట్లకు, హోటల్స్‌కు వెళ్లినప్పుడు ఇది కూడా ఆర్డర్ ఇస్తూ ఉంటారు. అయితే వీటి కాస్ట కాస్త ఎక్కువే. ఎప్పూడూ బయట తినాలంటే కష్టం. కానీ ఈ తందూరి చికెన్‌ని మనం ఇంట్లోనే తయారు చేసుకోవచ్చు. కాస్త సమయం పట్టినా ఇంట్లోనే రుచిగా, సుచిగా తయారు చేయవచ్చు. మరి ఈ తందూరి చికెన్‌ని ఎలా తయారు చేస్తారు? ఈ రెసిపీ తయారీకి కావాల్సిన పదార్థాలు ఏంటో ఇప్పుడు చూసేయండి. ఇది రుచి చూశాక పిల్లలు, పెద్దలు ఖచ్చితంగా హ్యాపీగా ఫీలవుతారు.

తందూరి చికెన్‌కి కావాల్సిన పదార్థాలు:

చికెన్ పెద్ద ముక్కలు, ఉల్లిపాయలు, నిమ్మరసం, వెల్లుల్లి, అల్లం, పచ్చి మిర్చి, గరం మసాలా, ఆయిల్, ఉప్పు.

తందూరి చికెన్‌ తయారీ విధానం:

ముందుగా చికెన్‌ని శుభ్రంగా క్లీన్ చేసి చాకుతో గాట్లు పెట్టుకోవాలి. ఉప్పులో నిమ్మరసం కలిపి ఓ అరగంట సేపు మ్యారినేట్ చేసుకోవాలి. ఎక్కువ సేపు చేసుకున్నా రుచిగానే ఉంటుంది. సమయం ఉంటే కనీసం రెండు గంటలు అయినా ఫ్రిజ్‌లో పెట్టండి. అల్లం, వెల్లుల్లి, పచ్చిమిర్చి, ఉల్లిపాయలు, గరం మసాలా వేసి అన్నీ మెత్తని పేస్టులా చేసుకోవాలి. మ్యారినేట్ చేసిన తర్వాత ఈ మసాలా మొత్తం బాగా చికెన్‌కి పట్టేలా కోటింగ్ చేసుకోవాలి. ఇప్పుడు దీన్ని కూడా ఓ అరగంట పక్కన పెట్టండి.

ఆ తర్వాత నాన్ స్టిక్ కోటింగ్ పాన్ తీసుకుని ఆయిల్ వేసి.. దానిపై చికెన్ ముక్కలను పెట్టండి. అన్ని వైపులాగా బాగా వేయించాక సర్వింగ్ ప్లేట్‌లోకి తీసుకోండి. అంతే ఎంతో రుచిగా ఉండే తందూరీ చికెన్ సిద్ధం. సమయం పట్టినా చివరగా తినేటప్పుడు వచ్చే ఫీల్ వేరే ఉంటుంది. వీకెండ్స్ లేదా ఏదన్నా స్పెషల్ డేస్‌లో ఈ రెసిపీ తయారు చేసుకోవచ్చు. మయోనీస్, టమాటా కెచప్, పుదీనా చట్నీతో తింటే చాలా బాగుంటుంది.