Kids: తినమంటూ పిల్లలు మారాం చేస్తున్నారా.? ఈ ట్రిక్స్ ఫాలో అవ్వండి చాలు..
పిల్లలు భోజనం చేయడానికి పేరెంట్స్ నానా తంటలు పడాల్సిందే. కాస్త తినే దానికి కూడా హంగామా చేస్తుంటారు. పోనీ తినకుండా వదిలేస్తే అసలే చిన్న పిల్లలు అనారోగ్యం బారిన పడే అవకాశం ఉంటుంది. మరీ ముఖ్యంగా వేసవిలో చిన్నారులు తినడానికి మారాం చేస్తుంటారు. అయితే కొన్ని రకాల సింపుల్ ట్రిక్స్ ఫాలో అయితే మారాం చేసే మీ పిల్లతో ఇట్టే తినిపించవచ్చు...
పిల్లలు భోజనం చేయడానికి పేరెంట్స్ నానా తంటలు పడాల్సిందే. కాస్త తినే దానికి కూడా హంగామా చేస్తుంటారు. పోనీ తినకుండా వదిలేస్తే అసలే చిన్న పిల్లలు అనారోగ్యం బారిన పడే అవకాశం ఉంటుంది. మరీ ముఖ్యంగా వేసవిలో చిన్నారులు తినడానికి మారాం చేస్తుంటారు. అయితే కొన్ని రకాల సింపుల్ ట్రిక్స్ ఫాలో అయితే మారాం చేసే మీ పిల్లతో ఇట్టే తినిపించవచ్చు. ఇంతకీ ఆ చిట్కాలు ఏంటో ఇప్పుడు తెలుసుకుందాం..
* పిల్లలు ఆహారం తినలాంటే వారి తినే ఫుడ్ను డెకరేట్ చేయాలి. అలా అయితే వారు ఇష్టంగా తింటారు. ఉదాహరణకు మీ పిల్లలకు నచ్చిన సూపర్ హీరోలు లేదా కామిక్ క్యారెక్టర్లను పోలినట్లు శాండ్వించ్లను కట్ చేసి ఇవ్వండి. లేదా చపాతీని అలాంటి ఆకారాల్లో కట్ చేసుకోవాలి. ఇలా చేస్తే పిల్లలు ఇష్టంగా తింటారు.
* ఇక చిన్నారులకు కేవలం అన్నం పెట్టాలనే భావనతోనే ఉండకూడదు. ఊహ తెలిసిందే వరకు వారికి నచ్చిన ఫుడ్లోనే విటమిన్లు అందేలా చూసుకోవాలి. ఉదాహరణకు పండ్లు లేదా డ్రై ఫ్రూట్స్ వంటి వాటిని అందిస్తే వారి ఇష్టంతో పాటు ఆరోగ్యానికి కావాల్సినవి సైతం అందుతాయి.
* పిల్లలతో కలిసి భోజనం చేయడాన్ని అలవాటు చేయాలి. అందరూ కలిసి తినడం వల్ల చిన్నారులకు కూడా తినాలనే కోరిక వారిలోనూ పెరుగుతుంది. దీంతో ఇతరులను చూస్తూ వారు కూడా తినడానికి ఆసక్తి చూపిస్తారు.
* ఇక చిన్నారులకు అన్నం తినిపించే ముందు ఎట్టి పరిస్థితుల్లో చిరుతిళ్లు ఇవ్వకూడదు. ముఖ్యంగా చిప్స్, చాక్లెట్స్ వంటి వాటికి దూరంగా ఉంచాలి. ఇలాంటి వాటిని తీసుకుంటే పిల్లలో ఆకలి తగ్గిపోతుంది. పిల్లలు తినకపోవడానికి ఇది కూడా ఒక కారణమని చెబుతున్నారు.
* పండ్ల రసం వంటి లిక్విడ్ జ్యూస్లను చిన్నారులకు అలవాటు చేయాలి. తినడానికి కొన్ని గంటల ముందు జ్యూస్లు వంటివి ఇవ్వడం వల్ల వారిలో ఆకలి పెరుగుతుందని నిపుణులు చెబుతున్నారు.
నోట్: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.
మరిన్ని లైఫ్ స్టైల్ వార్తల కోసం క్లిక్ చేయండి..