Fig Benefits: నడిచేటప్పుడు హఠాత్తుగా కాళ్ల కండరాలు పట్టేస్తున్నాయా? ఈ పండు తింటే కండరాలు బలపడతాయ్‌..
నడుస్తున్నప్పుడు కాలు నొప్పి? కండరాల తిమ్మిరి? రక్తహీనత, కడుపు సమస్యలు తలెత్తితే.. ప్రతిరోజూ ఉదయం 2 అంజీర్ పండ్లను నానబెట్టి తినాలంటున్నారు ఆరోగ్య నిపుణులు. అందుకే చాలా మంది ఉదయాన్నే ఖాళీ కడుపుతో నానబెట్టిన బాదం, ఎండుద్రాక్షలతోపాటు ఫిగ్‌ పండ్లు తింటుంటారు. అంజీర్ పండ్లు తింటే ఆరోగ్య ప్రయోజనాలు పొందవచ్చు. ధర కూడా చాలా తక్కువగా ఉంటుంది. చాలా చోట్ల ఇళ్ల వద్ద అంజీర్ చెట్లు ఉంటాయి..
నడుస్తున్నప్పుడు కాలు నొప్పి? కండరాల తిమ్మిరి? రక్తహీనత, కడుపు సమస్యలు తలెత్తితే.. ప్రతిరోజూ ఉదయం 2 అంజీర్ పండ్లను నానబెట్టి తినాలంటున్నారు ఆరోగ్య నిపుణులు. అందుకే చాలా మంది ఉదయాన్నే ఖాళీ కడుపుతో నానబెట్టిన బాదం, ఎండుద్రాక్షలతోపాటు ఫిగ్‌ పండ్లు తింటుంటారు.
అంజీర్ పండ్లు తింటే ఆరోగ్య ప్రయోజనాలు పొందవచ్చు. ధర కూడా చాలా తక్కువగా ఉంటుంది. చాలా చోట్ల ఇళ్ల వద్ద అంజీర్ చెట్లు ఉంటాయి. కానీ చాలా మంది వీటి పండ్లను నిర్లక్ష్యం చేస్తుంటారు. దీంతో చెట్టు నుంచి పండిన ఈ విలువైన పండ్లు వృధగా కింద పడిపోతుంటాయి.
అంజీర్ పండ్లలో ఐరన్, మెగ్నీషియం, మాంగనీస్, ప్రొటీన్లు పుష్కలంగా ఉంటాయి. కొన్ని అంజీర్ పండ్లను ఒక గ్లాసు నీటిలో రాత్రంతా నానబెట్టి, మరుసటి రోజు ఉదయం వాటిని తింటే ప్రొటీన్లు, వివిధ మినరల్స్ శరీరానికి అందుతాయి. రోజుకు కనీసం 2-3 అంజీర్ పండ్లను తినడం వల్ల శరీరానికి శక్తి లభిస్తుంది. రోజంతా చురుకుగా ఉంటారు.
అంజీర్ పండ్లలో ప్రోటీన్, ఫైబర్ పుష్కలంగా ఉంటుంది. ఉదయాన్నే ఖాళీ కడుపుతో అంజీర్ పండ్లను తినడం వల్ల శరీరం ఫిట్‌గా ఉంటుంది. ఇందులోని ఫైబర్ జీర్ణక్రియ ప్రక్రియను సక్రమం చేస్తుంది. ఫలితంగా మలబద్ధకం సమస్య ఉంటే ఇట్టే తొలగి పోతుంది.
అంజీర్ పండ్లలో ఐరన్ పుష్కలంగా ఉంటుంది. కాబట్టి రక్తహీనతతో బాధపడుతున్నవారు అంజీర పండ్లు తింటే రక్తం సమృద్ధిగా పడుతుంది. రక్తహీనత సమస్యను నయం చేసేందుకు ఈ హోం రెమెడీ చాలా ఎఫెక్టివ్ గా పనిచేస్తుంది. అంజీర్ మొటిమలు, దద్దుర్లు వంటి వివిధ చర్మ సమస్యలను కూడా తొలగిస్తుంది. అత్తి పండ్లలోని కాల్షియం ఎముకలను దృఢంగా మారడంతో పాటు కండరాల తిమ్మిరి వంటి సమస్యలు తక్షణమే దూరం చేస్తుంది. బరువు తగ్గడంలోనూ ఉపయోగపడతాయి.