నటుడు, జనసేన అధినేత పవర్ స్టార్ పవన్ కల్యాణ్ ఫ్రాన్స్కి ఇది నిజంగా పండగలాంటి వార్త అనే చెప్పాలి..తమ అభిమాన హీరోని వెండి తెరపై చూసి రెండేళ్లు అవుతుంది. దీంతో ఆయన ఫాన్స్ అంతా…పవన్ కొత్త చిత్రాల అప్డేట్స్ కోసం ఎదురుచూస్తున్నారు. ఈ క్రమంలోనే పింక్ రీమేక్గా తెరకెక్కుతున్న చిత్ర షూటింగ్ కూడా చివరి దశకు చేరుకుంది. దీంతో పింక్రిమేక్ లెటేస్ట్ అప్డేట్స్పై ఆశగా ఉన్నారు ఫాన్స్. ముఖ్యంగా ఈ చిత్రంలోని ఫస్ట్ లుక్ కోసం అతృతగా ఎదురు చూస్తున్నారు. కాగా తాజాగా దీనిపై స్పష్టత ఇచ్చారు. త్వరలో పవన్ పింక్ రీమేక్ ఫస్ట్ లుక్ విడుదల చేస్తున్నట్టు ప్రకటించారు.
వేణు శ్రీరామ్ దర్శకత్వంలో పింక్ చిత్రాన్నిరీమేక్ చేస్తున్నాడు. ఈ సినిమాని మేలో రిలీజ్ చేసేందుకు సన్నాహాలు చేస్తున్నారు. అయితే మార్చి నుండి ఈ చిత్ర ప్రమోషన్ కార్యక్రమాలు మొదలు పెట్టాలని ఆ చిత్ర నిర్మాత దిల్ రాజు భావిస్తున్నట్లు సమాచారం. ఈ క్రమంలోనే పవన్ కల్యాణ్ అభిమానులు ఎంతో ఆసక్తిగా ఎదురు చూస్తున్న మూవీ ఫస్ట్ లుక్ మార్చి 2న విడుదల చేయనున్నట్టు తెలుస్తోంది. వకీల్ సాబ్ అనే వర్కింగ్ టైటిల్తో ప్రచారం జరుపుకుంటున్న ఈ చిత్రంలో అంజలి, నివేదా థామస్, అనన్య ప్రధాన పాత్రలు పోషిస్తున్నారు. ప్రకాష్ రాజ్ ఓ కీలక రోల్ చేస్తున్నారు. బాలీవుడ్ నిర్మాత బోనీ కపూర్ ఈ చిత్రానికి సహా నిర్మాతగా వ్యవహరిస్తున్నాడు. ఇక ఈ చిత్రానికి సంగీతం థమన్ అందిస్తున్నారు.