‘ మా జాబ్ ముగిసింది.. ఇక వెనక్కి కదులుతాం, కానీ మా లక్ష్యం మారలేదు’, రైతు సంఘాల నేతలు

ఢిల్లీలోని ఎర్రకోటను ముట్టడించిన అన్నదాతలు చెలరేగిపోయారు. ఇక్కడి ఓ స్తంభం పైకి ఎక్కి తమ పతాకాలను ఎగురవేసిన అన్నదాతల తాలూకు దృశ్యాలు,

  • Umakanth Rao
  • Publish Date - 3:55 pm, Tue, 26 January 21
' మా జాబ్ ముగిసింది.. ఇక వెనక్కి కదులుతాం, కానీ మా లక్ష్యం మారలేదు', రైతు సంఘాల నేతలు

ఢిల్లీలోని ఎర్రకోటను ముట్టడించిన అన్నదాతలు చెలరేగిపోయారు. ఇక్కడి ఓ స్తంభం పైకి ఎక్కి తమ పతాకాలను ఎగురవేసిన అన్నదాతల తాలూకు దృశ్యాలు, పోలీసులతో ఘర్షణ పడుతున్న ఉదంతం తాలూకు వీడియోలు వైరల్ అయ్యాయి. మొదట రెడ్ ఫోర్ట్ బయట రామ్ లీలా మైదాన్ వద్ద తమ ట్రాక్టర్లతో మోహరించిన వేలాది రైతులు ఆ తరువాత అనూహ్యంగా రెడ్ ఫోర్ట్ కు బయలుదేరారు. అక్కడ ఏకంగా పోలీసుల పైకి ట్రాక్టర్ ఎక్కించడానికి ప్రయత్నించడంతో వారు పరుగులు తీశారు. ఇంత రచ్ఛ జరిగిన అనంతరం వీరిని శాంతించడానికి పోలీసులు కొంతవరకు ప్రయత్నించి సఫలీకృతులయ్యారు. వీరితో సంప్రదింపులు జరిపారు. ఓ రైతు నేత మాట్లాడుతూ.. మోదీ ప్రభుత్వానికి ఓ సందేశం ఇవ్వడానికి తాము వచ్చామని, తమ ‘జాబ్’ ముగిసిందని, ఇక తిరిగి వెళ్తున్నామని అన్నారు. కానీ రైతు చట్టాలను రద్దు చేయాలన్న తమ లక్ష్యం మారలేదన్నారు.