
Lion And Dog Video Viral: జీవితంలో అన్నింటికంటే ముందుగా కావాల్సింది ధైర్యం. ఇదొక్కటి ఉంటే చాలు ఏదైనా సాధించవచ్చని చెబుతుంటారు. అయితే కొన్ని సందర్భాల్లో మనం ఎదుర్కోబోయే సమస్య చాలా పెద్దదై ఉంటుంది. మనం కచ్చితంగా ఓడిపోతామనే విషయం తెలుస్తుంది. కానీ ఇలాంటి సమయంలోనూ ఓ చిన్న సాహసం చేస్తే విజయాన్ని వరించకపోవచ్చక పోయినప్పటికీ కనీసం అప్పటికప్పుడు ఆ సమస్య నుంచి బయటపడొచ్చు.
ఇప్పుడీదంతా ఎందుకనేగా మీ సందేహం. ఇక్కడ ఉన్న ఓ శునకాన్ని చూస్తుంటే మనం పైన చెప్పుకున్న మాటలు అక్షరాల సత్యం అనిపించకమానవు. వివరాల్లోకి వెళితే.. అదో వైల్డ్ లైఫ్ సఫారీ అక్కడ ఒక సింహం ఉంది. ఎలా వెళ్లిందో.. ఎందుకు వెళ్లిందో తెలియదు కానీ ఓ గ్రామ సింహం అదేనండి కుక్క ఆ సింహం కంట్లో పడింది. సింహం ఊరుకుంటుందా.. కుక్కపైకి దాడికి దిగింది. అయితే ఏ మాత్రం భయపడని ఆ శుకనం ఏకంగా సింహంపై ప్రతిదాడికి దిగింది. దీంతో ఒకానొక సమయంలో సింహం వెనుకడుగు వేసే పరిస్థితి వచ్చింది. ఇక ఎక్కువ సేపు ఇలాగే కొనసాగితే మొదటికే మోసం వస్తుందని భావించిన ఆ శునకం పోరాటం ముగించుకొని వెను తిరిగింది. ఒకవేళ శునకం ముందుగానే ప్రతి ఘటన చూపకపోతే మొదట్లోనే సింహం చేతులో ‘కుక్క’ చావు చచ్చేది. ధైర్యం చేసింది కాబట్టే బతికి బయటపడింది. ప్రస్తుతం దీనికి సంబంధించిన వీడియో నెట్టింట్లో వైరల్గా మారింది. 1:34 సెకన్ల నిడివి ఉన్న ఈ వీడియోను పర్వీన్ కశ్వాన్ అనే ఐఎఫ్ఎస్ అధికారి ట్విట్టర్ ఖాతాలో షేర్ చేశారు. ఈ వీడియోతో పాటు.. ‘జీవితంలో ఈ మాత్రం నమ్మకం ఉంటే చాలు. సింహంతో కుక్క పోరాటం. వీధి కుక్కలు, క్రూర మృగాల పోరాటాలలో ఇదే హైలెట్ సంఘటన’ అంటూ కామెంట్ చేశాడు.
Also Read: Elephant attack : జనావాసంలోకి గజరాజులు.. ఏనుగుల దాడిలో ముగ్గురు మృతి.. భయం గుపిట్లో ప్రజలు