Breaking News
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.
  • వెంటిలేటర్ మీద మాజీ రాష్ట్రపతి ప్రణబ్ ముఖర్జీ. బ్రెయిన్లో బ్లడ్ క్లాట్ కోసం చేసిన సర్జరీ విజయవంతం.
  • బెజవాడలో మరో గ్యాంగ్ వార్ ఘటన: మున్నా , రాహుల్ అనే వ్యక్తుల మధ్య ఘర్షణ. గత నెల 31 వ తేదీన కేదారేశ్వరావు పేటలో కత్తులు , కర్రలతో దాడి చేసుకున్న ఇరు వర్గాలు. దాడిలో పాల్గొన్న 11 మంది నిందితులు అరెస్ట్ చేసిన పోలీసులు. ఆలస్యంగా వెలుగులోకి వచ్చిన ఘటన.
  • విజయవాడ : మూడో రోజు కొనసాగనున్న అగ్నిప్రమాద ఘటనపై దర్యాప్తు. ఇప్పటికే ఎగ్రిమెంట్ పత్రాలను స్వాధీనం చేసుకున్న పోలీసులు. కొనసాగుతున్న అరెస్టుల పర్వం. సిబ్బంది నిర్లక్ష్యం, భద్రతా ప్రమాణాలు పాటించనకపోవడమే అగ్నిప్రమాదానికి కారణమంటున్న పోలీసులు. అగ్నిప్రమాదంతో కృష్ణా జిల్లా యంత్రాంగం అలెర్ట్. కృష్ణా జిల్లాలోని ప్రైవేటు ఆస్పత్రుల వ్యవహారంపై దృష్టి. కృష్ణా జిల్లాలో ప్రభుత్వ, చిన్నా, చితకా ఆస్పత్రులు, డెంటల్‌ క్లినిక్‌లు, డయాగ్నోస్టిక్‌ కేంద్రాల 1,018 వరకు ఉన్నట్లు గుర్తింపు. వాటిలో భద్రతా ప్రమాణాలు పాటిస్తున్న 88 ప్రభుత్వ ఆస్పత్రులు, 90 ఇతర ఆస్పత్రులు. 840 ఆస్పత్రులకు అగ్నిమాపక శాఖ అనుమతులేనట్లు గుర్తింపు. చాలా ఆస్పత్రుల్లో కనిపించని అగ్నిప్రమాద నియంత్రణ ఏర్పాట్లు.
  • అమరావతి: రాష్ట్రంలో ఇసుక తవ్వకాలు, ఎగుమతి, రవాణా, డోర్ డెలివరీకు సంబంధించి ధరలను నిర్ణయించిన ప్రభుత్వం. కూలీల ద్వారా ఇసుక తవ్వకాలకు టన్నుకు రూ. 90. స్టాక్ యార్డు లో ఇసుక పొక్లెయిన్ ద్వారా లోడ్ చేసేందుకు టన్నుకు రూ. 25. ఇసుక రీచ్ లు, పట్టా ల్యాండ్ నుంచి స్టాక్ పాయింట్ కు ఇసుక రవాణా కు టన్నుకు రూ. 4.90. గోదావరి జిల్లాల నుంచి విశాఖకు ఇసుక రవాణాకు టన్నుకు రూ. 3.30. ఇసుక డోర్ డెలివరీకి కిలోమీటర్ వారీగా ధరలు నిర్దారణ. ప్రభుత్వం నిర్ణయించిన ధరల ప్రకారం కాంట్రాక్టర్లు ముందుకు రాకుంటే ఈ-టెండర్లకు వెళ్లేలా ఆదేశాలు. ఈ మేరకు ఉత్తర్వులు జారీ చేసిన గనుల శాఖ ముఖ్య కార్యదర్శి గోపాలకృష్ణ ద్వివేది.
  • తూ. గో.జిల్లా, రాజమండ్రి: ఖైదీ ఆత్మహత్య.. రాజమండ్రి సెంట్రల్ జైల్ లో ఆదివారం రాత్రి ఉరేసుకుని కరోనా ఖైదీ ఆత్మహత్య . ఆలస్యంగా వెలుగులోకి వచ్చిన ఘటన. జైలులో ఇటీవల చేసిన వైద్య పరీక్షల్లో మృతుడికి కరోనా పాజిటివ్‌ అని చెబుతున్న అధికారులు. రాజమహేంద్రవరం ప్రభుత్వాసుపత్రిలో మృతదేహం . కుటుంబసభ్యులు ఆసుపత్రి రావడం ఆలస్యంతో మృతదేహానికి నేడు పంచనామా . ఖైదీ స్వగ్రామం పశ్చిమ గోదావరి జిల్లా చింతలపూడి మండలం యర్రంపల్లి. మృతుడి భార్య, తండ్రి తదితరులు హైదరాబాదులో నివాసం. భార్యాభర్తల మధ్య తలెత్తిన మనస్పర్థల కారణంగానే ఉరేసుకుని ఉండవచ్చునని పోలీసులు, జైలు అధికారులు భావిస్తున్నారు. ఆసుపత్రి సమాచారంతో ఒకటో పట్టణ పోలీసులు కేసు నమోదు.
  • ఏపీ ప్రజలకు శుభవార్త: తగ్గుముఖం పట్టనున్న కరోనా. ఇప్పటికే 15 శాతం పైగా హెర్డ్ ఇమ్యూనిటీ గుర్తింపు. ఈ నెల 21 నుంచి కర్నూలు తూర్పుగోదావరి జిల్లాలలో, వచ్చే నెల 4 నుంచి గుంటూరు కృష్ణ అనంతపురం చిత్తూరు నెల్లూరు జిల్లాలలో భారీగా తగ్గుముఖం పట్టనున్న కరోనా. మరణాల సంఖ్యలో కూడా భారీ తేడా కనిపించబోతుంది. శనివారం నుంచి భారీగా మొదలుకానున్న సిరోసర్విలేన్స్. Covid 19 ఏపీ కమాండ్ కంట్రోల్ రూమ్ స్పెషలాఫీసర్ డాక్టర్ సి ప్రభాకర్ రెడ్డి.

ఉత్తమ్ రాజీనామా చేస్తేనే కాంగ్రెస్‌కు భవితవ్యం: కోమటిరెడ్డి సంచలన వ్యాఖ్యలు

Komatireddy Raja Gopal Reddy sensational comments on Uttam Kumar Reddy, ఉత్తమ్ రాజీనామా చేస్తేనే కాంగ్రెస్‌కు భవితవ్యం: కోమటిరెడ్డి సంచలన వ్యాఖ్యలు

తమ పదవులకు ఉత్తమ్ కుమార్ రెడ్డి, ఆర్సీ కుంతియా రాజీనామా చేస్తేనే తెలంగాణలో కాంగ్రెస్‌కు భవితవ్యం ఉంటుందని మునుగోడు ఎమ్మెల్యే కోమటిరెడ్డి రాజగోపాల్ రెడ్డి సంచలన వ్యాఖ్యలు చేశారు. రాష్ట్రంలో కాంగ్రెస్ బలహీన పడటానికి కారణం వారిద్దరి వ్యవహార తీరేనని ఆయన ఘాటు విమర్శలు చేశారు. ఇక జాతీయ స్థాయిలో కూడా కాంగ్రెస్‌కు సరైన నాయకత్వం లేదని ఆయన ఆరోపించారు. కాంగ్రెస్ అధ్యక్ష పదవికి రాహుల్ గాంధీ కూడా రాజీనామా చేస్తే.. కింది స్థాయిలో ఎవరు మాత్రం ఏమి చేయగలరని ఆయన వ్యాఖ్యానించారు. అంతేకాదు రాష్ట్రంలో ఎదిగేందుకు బీజేపీ కూడా పుంజుకుంటోందని మరోసారి రాజగోపాల్ రెడ్డి పేర్కొన్నారు. ఇక తాను పార్టీ మారినంత మాత్రాన కేంద్ర, రాష్ట్ర ప్రభుత్వాలు మారే పరిస్థితి లేదని ఆయన వ్యాఖ్యానించారు. బడ్జెట్ సమావేశం అనంతరం మాట్లాడుతూ ఆయన ఈ వ్యాఖ్యలు చేశారు.

తెలంగాణలో కాంగ్రెస్ నేతలు పాదయాత్ర కాదు.. మోకాళ్ల యాత్ర చేసినా పట్టించుకునే పరిస్థితి లేదని ఎద్దేవా చేశారు. తన సోదరుడు కోమటిరెడ్డి వెంకట్ రెడ్డి రైతుల కోసం యాత్ర చేస్తే చేయనీయండని రాజగోపాల్ రెడ్డి అన్నారు. కాగా ఆ మధ్యన ఓ సభలో మాట్లాడిన రాజగోపాల్ రెడ్డి.. మోదీపై, బీజేపీపై ప్రశంసలు కురిపించారు. దీంతో ఆయన పార్టీ మారబోతున్నాడంటూ ప్రచారం జరిగింది. దీనికి తోడు బీజేపీ పార్టీ కీలక నేతలతో రాజగోపాల్ రెడ్డి సమావేశాలు జరిపినట్లు కూడా వార్తలు వినిపించాయి. అయితే రాజగోపాల్ రెడ్డి బీజేపీలోకి చేరడాన్ని మునుగోడు కాంగ్రెస్ కార్యకర్తలు కొందరు వ్యతిరేకించడం.. దీంతో ఆయన కాస్త వెనక్కి తగ్గడం జరిగాయని తెలిసింది. మరోవైపు రాజగోపాల్ రెడ్డి వ్యాఖ్యలపై కాంగ్రెస్ అధిష్టానం కూడా సీరియస్ అయ్యింది. ఆ వ్యాఖ్యలపై వివరణ ఇవ్వాలంటూ నోటీసులు కూడా జారీ చేసింది. ఆ తరువాత కొద్ది రోజులు సైలెంట్‌గా ఉన్న రాజగోపాల్ రెడ్డి.. తాజాగా మరోసారి కాంగ్రెస్ నేతలపై ఘాటు కామెంట్లు చేయడం ఆ పార్టీలో చర్చనీయాంశంగా మారింది.

Related Tags