Breaking News
  • తిరుమల: తిరుమలకు చేరుకున్న సీఎం జగన్మోహన్ రెడ్డి. పద్మావతి అతిథిగృహం వద్ద సీఎంకు ఘన స్వాగతం పలికిన టీటీడీ చైర్మన్ వై.వి.సుబ్బారెడ్డి, ఈఓ అనిల్ సింఘాల్, అడిషనల్ ఈఓ ధర్మారెడ్డి. తిరుమలకు చేరుకున్న మంత్రులు మేకతోట సుచరిత, వెల్లంపల్లి శ్రీనివాస్, కొడాలి నాని, మేకపాటి గౌతమ్ రెడ్డి, ధర్మాన కృష్ణదాస్, 5.30 గంటలకు అన్నమయ్య భవన్ లోని ప్రధానిమంత్రి వీడియో కాన్ఫెరెన్స్ లో పాల్గొననున్న సీఎం జగన్ . అనంతరం 7 గంటలకు శ్రీవారికి పట్టు వస్త్రాలు సమర్పించనున్న సీఎం జగన్. శ్రీవారి దర్శనానంతరం 7.30 గంటలకు గరుడవాహనసేవలో పాల్గొననున్న సీఎం జగన్. రేపు ఉదయం కర్ణాటక సీఎం యడియూరప్పతో కలిసి శ్రీవారిని దర్శించుకుని నాదనీరాజనం వేదికపై సుందరకాండ పారాయణంలో పాల్గొననున్న సీఎం జగన్ . రేపు ఉదయం 8.10 గంటలకు కర్ణాటక సత్రాల నూతన సముదాయానికి కర్ణాటక ముఖ్యమంత్రి యడియూరప్పతో కలిసి భూమిపూజ చేయనున్న ఏపీ సీఎం జగన్.
  • చెన్నై తిరువారుర్ లో ఓఎంజిసి పైప్ లీకేజ్, ముడి చమురు తో నిండిపోయిన పొలాలు. తిరువారూర్ లో వ్యవసాయ పంటపొలాల మధ్యలో ఓఎంజిసి పైప్ లను ఏర్పాటు చేసిన ఓఎంజిసి అధికారులు . ఓఎంజిసి పైప్ పగిలిపోవడం తో భారీగా బయటికి వచ్చిన ముడి చమురు, చుట్టుపక్కల ఉన్న పంటపొలాలకు వ్యాపించడం తో ఎటువంటి ప్రమాదం జరుగుతుందో అని భయం ఆందోళనలో గ్రామస్తులు. పచ్చటి పంటపొలాలు పూర్తిగా ముడి చమురు తో నిండిపోవడం తో తీవ్ర నష్టం వాటిల్లిందని , తమకు తగిన నష్ట పరిహారం చెల్లించాలని రైతుల ఆందోళనలు. పంటపొలాల్లో ఉన్న ముడి చమురుని సురక్షితం గా తొలగించడానికి చర్యలు చేపట్టిన ఓఎంజిసి అధికారులు.
  • టీవీ9 తో సిటీ ED వెంకటేశ్వర రావు. సిటీ బస్సుల కు సంబంధించి ఎలాంటి నిర్ణయం జరగలేదు. తక్కువ సంఖ్యలో బస్సులు నడుపుతామని వార్తలు వొస్తున్నాయి అందులో వాస్తవమ్ లేదు. సిటీ చివరలో 290 సర్వీసులను ఈరోజు నుండి నడుపుతున్నాం. సిటీ కి సంబంధించి చర్చ మాత్రమే జరుగుతుంది ఎలాంటి నిర్ణయం రాలేదు. మేము మాత్రం అన్ని డిపోలలో బస్సుల ను సిద్ధం చేసి ఉంచాం. కోవిడ్ నిబంధనలకు అనుకూలంగా ఏర్పాట్లు కూడా చేసాం. ప్రభుత్వ ఆదేశాల కోసం చూస్తున్నాం.
  • చెన్నై : ఆన్లైన్ బెట్టింగ్ గేమ్స్ కి బానిసైన పోలీస్, లక్షలలో డబ్బు పోగొట్టుకొని ఆత్మహత్య . ధర్మపురి జిల్లాకి చెందిన వెంకటేసన్ , సేలం జిల్లాలోని ప్రత్యేక పోలీస్ బెట్టాలియన్ లో విధులు నిర్వహిస్తున్న వెంకటేసన్. గత కొంత కాలంగా గంటల తరబడి ఆన్లైన్ రమ్మీ ఆడుతూ లక్షలలో డబ్బులు పోగొట్టుకోవడం తో తీవ్ర మనస్థాపం . గవర్నమెంట్ హాస్టల్ తన గదిలో ఉరివేసుకొని ఆత్మహత్య , కేసు నమోదు చేసుకొని విచారణ చేపట్టిన పోలీసులు.
  • నిర్మల్: భైంసా మండలం కమోల్‌లో దగ్గర వాగులో చిక్కుకున్న యువకులు. గడ్డెన్న వాగు ప్రాజెక్టు గేట్లు ఎత్తడంతో భారీగా నీరు. వరద ఉధృతికి కొట్టుకుపోయిన 30 మేకలు, 10 గొర్రెలు. సాయం కోసం యువకుల ఎదురుచూపులు.
  • అమరావతి: అక్టోబర్ 2 నుంచి 'మనం-మన పరిశుభ్రత' రెండోదశ. ప్రతి మండలానికి 5 నుంచి 10 గ్రామాలలో అమలు. జూన్ 1న రాష్ట్రంలో ప్రారంభమైన మనం-మన పరిశుభ్రత. తొలిదశలో భాగంగా 1320 గ్రామ పంచాయతీల్లో కార్యక్రమాలు. ప్రజాభాగస్వామ్యంతో పల్లెల్లో ఆరోగ్యకర వాతావరణం. 70 శాతం సీజనల్ వ్యాధుల వ్యాప్తికి అడ్డుకట్ట . ప్రజల నుంచి పంచాయతీలకు విరాళాలుగా రూ.1.72 కోట్లు జమ. ప్రజాప్రతినిధులు పెద్ద ఎత్తున రెండోదశ కార్యక్రమాల్లో పాల్గొనాలని పిలుపు. ఈ మేరకు ప్రజాప్రతినిధులకు మంత్రి పెద్దిరెడ్డి రామచంద్రారెడ్డి లేఖ.

Telangana TDP: తెలంగాణ టీడీపీలో లుకలుకలు

infight in telangana tdp, Telangana TDP: తెలంగాణ టీడీపీలో లుకలుకలు

Infight in Telangana TDP increasing day by day: తెలంగాణ టీడీపీలో ముస‌లం ముదురుతోంది. పార్టీ ఇప్ప‌టికే పూర్తిస్థాయిలో ఖాళీ అయినా మిగిలిన కొద్ది మంది మధ్య కూడా ఆధిపత్యపోరు నెలకొంది. మ‌హిళా నేత‌ల మ‌ధ్య పోరు తారా స్థాయికి చేరింది. ఏళ్ళ త‌ర‌బ‌డి పార్టీని న‌మ్ముకుని ఉన్న త‌మ‌కు కాదని.. కొత్త‌గా పార్టీ లో చేరిన వారికి త‌మ‌పైనే అజ‌మాయిషీ చేసే ఛాన్స్ ఇవ్వ‌డంపై గుర్రుగా ఉన్నారు పార్టీ నేత‌లు. పార్టీ నేత‌ల తీరుతో ఉన్న కొద్దిమంది మ‌హిళా నేత‌లు సైతం ప‌క్క‌ పార్టీల వైపు చూస్తున్న‌ట్టు స‌మాచారం.

ప్రత్యేక రాష్ట్రం ఏర్పాటు త‌రువాత తెలంగాణ టీడీపీ పార్టీ పూర్తిగా తెర‌మ‌రుగై పోయింది. ఎన్నిక‌ల్లో కూడా నామామాత్రంగా పోటీ చేస్తూ కాలం వెళ్ళ‌దీస్తోంది. ఆంధ్రప్ర‌దేశ్‌లో ప్ర‌భుత్వంలో ఉన్న పార్టీ అయిన‌ప్ప‌టికీ గ‌త అసెంబ్లీ ఎన్నిక‌ల్లో ప్ర‌జా కూట‌మి లో చేరి క‌నీసం గౌర‌వ ప్ర‌ద‌మైన సీట్లు సాధించుకో లేకపోయింది. దీంతో ఆ పార్టీ పూర్తిగా క‌నుమ‌రుగ‌య్యే ప‌రిస్థితి నెల‌కొంది. అయితే త‌మ‌కు రాజ‌కీయంగా జీవం పోసిన పార్టీని వీడ‌లేక పార్టీ అభివృద్దికి కృషి చేస్తామంటూ పార్టీలోనే కొన‌సాగుతున్నారు కొంత మంది నేత‌లు. పార్టీ అధినేత త‌మ‌కు ఎప్ప‌టికైనా ఏవైనా ప‌ద‌వులు క‌ట్ట‌బెడుతార‌న్న ఆశ‌తో వీరంతా పార్టీలోనే కొన‌సాగుతున్నారు. పార్టీలోని వివిధ విభాగాల్లో నేత‌లు ప‌దవుల ఆశ‌తో ఎదురు చూస్తున్నారు. అయితే వారికి స్థానిక పార్టీ నేత‌ల తీరు తీవ్ర నిరాశ‌నే మిగిలిస్తోంది.

ఇక ఎన్నో ఏళ్ళుగా పార్టీని న‌మ్ముకున్న త‌మను కాద‌ని పార్టీలో కొత్త‌గా చేరిన జ్యోత్స్నకు పార్టీ రాష్ట్ర మ‌హిళా అధ్య‌క్షురాలి ప‌ద‌వి ఎలా క‌ట్ట‌బెడతార‌ని ప్ర‌శ్నిస్తున్నారు తెలుగు మ‌హిళా విబాగం నేత‌లు. పార్టీనే న‌మ్ముకున్న కాట్ర‌గ‌డ్డ ప్ర‌సన్న‌, కిర‌ణ్మ‌యి, అరుణ, రేవ‌తీ చౌద‌రి వంటి పార్టీ సీనియ‌ర్ నేత‌ల‌ను కాదని జ్యోత్స్నకు అధ్యక్ష ప‌ద‌వి ఎలా క‌ట్ట‌బెడతార‌ని వారు ప్ర‌శ్నిస్తున్నారు. పార్టీ అధ్య‌క్షుడు ర‌మ‌ణ తీరుతో తెలుగు మ‌హిళా నేత‌లు తీవ్ర అసంతృప్తి వ్య‌క్తం చేస్తున్నారు. పార్టీ వ్య‌వ‌హారాల్లో ఎలాంటి అనుభ‌వం లేని జ్యోత్స్నకు కీల‌క ప‌ద‌వి ఎలా అప్ప‌జెప్తాతార‌ని ప్ర‌శ్నిస్తున్నారు. ఎల్ ర‌మ‌ణ తీరుకు నిర‌స‌నగా కొంత మంది నేత‌లు పార్టీ వ్య‌వ‌హారాల‌కు దూరంగా ఉంటుండ‌గా .. మ‌రికొంద మంది మాత్రం పార్టీ మారేందుకు సిద్ద‌మ‌వుతున్నారు. పార్టీలో సీనియ‌ర్‌గా ఉన్న రేవ‌తీ చౌద‌రితో పాటు కిర‌ణ్మ‌యిలు బీజేపీలో చేరేందుకు సిద్ద‌మైన‌ట్టు తెలుస్తోంది. ఇప్ప‌టికే అందుకు సంబంధించిన సంప్ర‌దింపుల ప్ర‌క్రియ మొద‌లు పెట్లారు. బీజేపీ సీనియ‌ర్ నేత‌ల‌తో ట‌చ్‌లోకి వెళ్ళిన వారు నేడో రేపో బీజేపీలో చేర‌డం ఖాయంగా క‌నిపిస్తోంది. ఇదే బాట‌లో మ‌రికొంత మంది కూడా ఉన్న‌ట్టు పార్టీ వ‌ర్గాలుచెబుతున్నాయి.

తెలంగాణ ఏర్పాట‌య్యాక అధ్యక్షుడిగా ఎల్.ర‌మ‌ణ‌ను నియమించింది పార్టీ. ఆయ‌న‌తో పాటు పార్టీ సీనియ‌ర్ నేత‌లు కొత్త‌కోట ద‌యాక‌ర్ రెడ్డి, రావుల చంద్ర శేఖ‌ర్ రెడ్డి, అర‌వింద్ కుమార్ గౌడ్, న‌న్నూరి న‌ర్సిరెడ్డి వంటి నేత‌లు పార్టీలో అజ‌మాయిషీ చెలాయిస్తున్నారంటూ ఆగ్ర‌హం వ్యక్తం చేస్తోంది పార్టీ కేడ‌ర్. పార్టీని న‌మ్ముకుని ఉన్న వారికి కాకుండా త‌మ‌కు న‌చ్చిన వారికే పార్టీ ప‌ద‌వులు క‌ట్ట‌బెడుతున్నార‌ని ఆవేద‌న వ్య‌క్తం చేస్తున్నారు కింది స్థాయి నాయ‌క‌త్వం. క్షేత్ర స్థాయిలో అధికార పార్టీ నేత‌ల నుండి ఎన్నో ఇబ్బందులు ఎదుర‌వుతున్నా పార్టీనే న‌మ్ముకున్న త‌మ‌కు క‌నీసం గౌర‌వం ఇవ్వ‌డం లేదంటున్నారు. పార్టీ అభివృద్ది కోసం కేటాయిస్తున్న నిదుల‌ను సైతం వారే పంచుకుంటున్నార‌ని తీవ్ర స్థాయిలో ఆరోప‌ణ‌లు చేస్తున్నారు. ఇందులో ఎల్ ర‌మ‌ణ ప్ర‌ముఖ పాత్ర పోషిస్తున్నారంటున్నారు.

రాష్ట్ర‌ పార్టీలో ఉన్న‌దే వేళ్ళ మీద లెక్క‌బెట్టే నేత‌లు. అధ్యక్షుడు ఎల్.ర‌మ‌ణ తీరును వ్య‌తిరేకిస్తూ పార్టీ వీడేందుకు సిద్ద‌మ‌వుతున్నారు. ఆయ‌న అధ్య‌క్షుడిగా బాధ్య‌త‌లు తీసుకున్న త‌రువాత రేవంత్ రెడ్డి, మోత్కుప‌ల్లి, ఎర్ర‌బెల్లి ద‌యాక‌ర్, గ‌రిక పాటి, పెద్దిరెడ్డి వంటి ముఖ్య‌నేత‌లు పార్టీ వీడుతున్నా నోరు మెద‌ప‌లేదు ఆయ‌న‌. దీంతో కావాల‌నే ఉన్న‌ నేత‌ల‌కు పొగ‌బెట్టి బ‌య‌ట‌కు పంపుతూ పార్టీని పూర్తిగా భూ స్థాపితం చేసే ప‌నిలో ఉన్నాడా అంటూ అనుమానాలు వ్య‌క్తం చేస్తున్నారు పార్టీ కేడ‌ర్.

Also Read: BJP new experiment in Telangana state committee

Related Tags